Homeຂ່າວຕ່າງປະເທດJapan Airline ໃຫ້ເຊົ່າເຄື່ອງນຸ່ງສຳລັບຜູ້ໂດຍສານທີ່ຈະເດີນທາງໄປຍີ່ປຸ່ນ

Japan Airline ໃຫ້ເຊົ່າເຄື່ອງນຸ່ງສຳລັບຜູ້ໂດຍສານທີ່ຈະເດີນທາງໄປຍີ່ປຸ່ນ

Published on

Japan Airline ໃຫ້ບໍລິການເຊົ່າເຄື່ອງນຸ່ງ ເພື່ອໃຫ້ຜູ້ໂດຍສານບໍ່ຈຳເປັນຕ້ອງຖືກະເປົາໜັກ.

ໃນວັນທີ 5 ກໍລະກົດ 2023 ສາຍການບິນ Japan Airline ໄດ້ຮ່ວມມືກັບບໍລິສັດ Sumitomo ເພື່ອໃຫ້ບໍລິການດັ່ງກ່າວ ຜູ້ໂດຍສານສາມາດເຂົ້າເວັບໄຊ້ Any Wear, Anywhere ເພື່ອຮັບບໍລິການເຊົ່າເຄື່ອງນຸ່ງລ່ວງໜ້າ 1 ເດືອນ ດ້ວຍການໃສ່ຂໍ້ມູນຖ້ຽວບິນ ເພື່ອໃຫ້ເຄື່ອງນຸ່ງຈະສົ່ງໄປຫາບ່ອນພັກພາຍໃນມື້ທີ່ຈະເດີນທາງເຂົ້າປະເທດ.

ໃນໂຄງການດັ່ງກ່າວ ມີແນວຄິດເພື່ອຊ່ວຍຫຼຸດພະລັງງານເຊື້ອໄຟ ແລະ ຫຼຸດການປ່ອຍກາສກາກບອນ CO2.

ການບໍລິການດັ່ງກ່າວ ສາມາດສັ່ງເຄື່ອງນຸ່ງໄດ້ສູງສຸດ 8 ຢ່າງ ແລະ ເກັບໄວ້ໄດ້ດົນເຖິງ 2 ອາທິດ ໂດຍແຕ່ລະຊຸດຈະມີລາຄາເຊົ່າຢູ່ທີ່ 4.000-7.000 ເຢນ ຫຼື ປະມານ 500.000-900.000 ກີບ.

ໃນໄລຍະທຳອິດ ຈະເປີດໃຫ້ບໍລິການຈຳກັດສະເພາະຜູ້ໂດຍສານທີ່ເດີນທາງເຂົ້າປະເທດຍີ່ປຸ່ນຜ່ານສາຍການບິນ Japan Airline ຈົນເຖິງ 24 ສິງຫາ ແຕ່ຖ້າປະສົບຄວາມສຳເລັດ ໃນອະນາຄົດທາງ Sumitomo ອາດໃຫ້ບໍລິການໃນເຄືອຂ່າຍຂອງສາຍການບິນ Oneworld ເຊັ່ນ American Airlines, British Airways, Cathay Pacific ແລະ Malaysia Airlines.

ການທີ່ຜູ້ໂດຍສານເອົາເຄື່ອງນຸ່ງມາໜ້ອຍລົງ ຊ່ວຍຫຼຸດນ້ຳໜັກທີ່ເຮືອບິນຈະຕ້ອງບັນທຸກ ໂດຍຂໍ້ມູນຂອງສາຍການບິນໃຫ້ຮູ້ວ່າ ໄລຍະຖ້ຽວບິນໂຕກຽວໄປຫານິວຢອກ ນ້ຳໜັກຂອງເຄື່ອງນຸ່ງທີ່ຫຼຸດລົງ 1 ກິໂລກຼາມ ຈະຊ່ວຍຫຼຸດປະລິມານກາກບອນໃນອາກາດໄດ້ 0.75 ກິໂລກຼາມ.

ນອກຈາກຈະຊ່ວຍຫຼຸດປະລິມານກາສກາກບອນໄດ້ແລ້ວ ຍັງຄາດວ່າຈະຊ່ວຍຫຼຸດປະລິມານເຄື່ອງນຸ່ງທີ່ຖືກຖິ້ມ ແລະ ຫຼຸດບັນຫາເລື່ອງ Fast Fashion ໄດ້ອີກດ້ວຍ.

ແຫຼ່ງຂ່າວ nikkei asia

ບົດຄວາມຫຼ້າສຸດ

ສັ່ງປະຫານຊີວິດ ຈີນໄດ້ຕັດສິນປະຫານຊີວິດ ອະດີດລັດຖະມົນຕີ ກະຊວງປ້ອງກັນປະເທດ 2 ຄົນ ໃນຂໍ້ຫາສໍ້ລາດບັງຫຼວງ ແຕ່ໄດ້ໂຈະໂທດໄວ້ 2 ປີ ຖ້າບໍ່ກະທຳຜິດຕື່ມ ຈະປ່ຽນເປັນຈຳຄຸກຕະຫຼອດຊີວິດ

ວັນທີ 7 ພຶດສະພາ 2026 ທີ່ຜ່ານມາ ສຳນັກຂ່າວປະເທດຈີນລາຍງານວ່າ ອະດີດລັດຖະມົນຕີກະຊວງປ້ອງກັນປະເທດຈີນ 2 ຄົນຄື ລີ ຊາງຟູ (Li Shangfu) ແລະ...

ເປີດລົງທະບຽນເຂົ້າຮ່ວມພັນທະກິດທາງເສດຖະກິດຂອງກຸ່ມປະເທດ ທີ່ໃຊ້ພາສາຝຣັ່ງປະຈຳອາຟຣິກາຕາເວັນອອກໃນວັນທີ 6-8 ຕຸລາ 2026 ທີ່ປະເທດຈິບູຕີ

ຫຼັງຈາກຜົນສຳເລັດຂອງການຈັດງານຫົກຄັ້ງຢູ່ທີ່ພາກພື້ນທີ່ໃຊ້ພາສາຝຣັ່ງໃນເຂດຕ່າງໆ, ອົງການສາກົນຂອງກຸ່ມປະເທດທີ່ໃຊ້ພາສາຝຣັ່ງ (OIF) ຍັງສືບຕໍ່ມຸ່ງໝັ້ນສ້າງຄວາມສາມັກຄີ ແລະ ຄວາມທະເຍີທະຍານທາງເສດຖະກິດຂອງກຸ່ມປະເທດທີ່ໃຊ້ພາສາຝຣັ່ງໂດຍຮ່ວມມືກັບອຳນາດການປົກຄອງຂອງຈິບູຕີຈັດຕັ້ງພັນທະກິດທາງເສດຖະກິດຂອງກຸ່ມປະເທດທີ່ໃຊ້ພາສາຝຣັ່ງຄັ້ງຕໍ່ໄປໃນວັນທີ 6 ຫາ 8 ຕຸລາ 2026 ທີ່ປະເທດຈິບູຕີ. ໂຄງການລິເລີ່ມນີ້ເປັນສ່ວນໜຶ່ງໃນຄວາມພະຍາຍາມສົ່ງເສີມການແລກປ່ຽນທາງການຄ້າລະຫວ່າງບັນດາປະເທດສະມາຊິກ ແລະ ລັດຖະບານ...

ສຶກສາຄວາມເປັນໄປໄດ້ເສັ້ນທາງລົດໄຟ ແຕ່ຄໍາມ່ວນ-ຈໍາປາສັກ-ຊາຍແດນລາວ-ກຳປູເຈຍ ແລະ ເຊື່ອມຕໍ່ໄປພະນົມເປັນ ນະຄອນໂຮ່ຈິມິນ ແລະ ບາງກອກ

ທ່ານ ສອນໄຊ ສີພັນດອນ ກຳມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ ສປປ ລາວ ໄດ້ເປັນກຽດໂອ້ລົມຕໍ່ກອງປະຊຸມວຽກງານ ໂຍທາທິການ ແລະ ຂົນສົ່ງ (ຍທຂ) ທົ່ວປະເທດ...

ປັກຫຼັກໝາຍຊາຍແດນ  ລາວ-ກຳປູເຈຍ ກໍານົດຈຸດທີ່ຈະປັກຫຼັກຊາຍແດນ ສຳເລັດແລ້ວ 213 ຫຼັກໝາຍ ເພື່ອແກ້ໄຂບັນຫາການບຸກເບີກເນື້ອທີ່ກະສິກຳທີ່ລ່ວງລໍ້າຊາຍແດນ

ກອງສຳຫຼວດ ແລະ ປັກຫຼັກໝາຍຊາຍແດນ ລາວ-ກຳປູເຈຍ ເມືອງໂຂງ ແຂວງຈຳປາສັກ ໄດ້ສະຫຼຸບ ການຈັດຕັ້ງປະຕິບັດວຽກງານພາຍໃນປີ 2025 ທີ່ຜ່ານມາ.​ ທ່ານ ພັນໂທ ໂພສະຫວັນ ພິມມະວົງ...