ໃນວັນທີ 2 ກໍລະກົດ 2023 ຜ່ານມາ, ຕຳຫຼວດ ແລະ ກຸ່ມກໍ່ການຮ້າຍໄດ້ປະທະກັນຢູ່ນະຄອນມາເຊີຍ (Marseille) ຂອງປະເທດຝຣັ່ງ ໃນຂະນະທີ່ປະເທດຝຣັ່ງກຳລັງພົບກັບຄວາມບໍ່ສະຫງົບເປັນຄືນທີ 5 ຫຼັງຈາກການເສຍຊີວິດຂອງໄວໜຸ່ມຄົນໜຶ່ງຊື່ ນາເອວ ທີ່ຖືກຕຳຫຼວດຍິງໃນໄລຍະໃກ້ຈົນເສຍຊີວິດ, ວິດີໂອສະແດງໃຫ້ເຫັນຕຳຫຼວດໃຊ້ແກັສນ້ຳຕາ, ໃນຂະນະທີ່ເຈົ້າໜ້າທີ່ລະບຸວ່າ ມີການຈັບກຸມຢ່າງນ້ອຍ 56 ຄັ້ງໃນເມືອງມາເຊີຍທາງຕອນໃຕ້ ສ່ວນໃນກຸງປາລີດ ທາງການໄດ້ຈັດກຳລັງເຈົ້າໜ້າທີ່ຕຳຫຼວດ ເປັນຈຳນວນຫຼາຍເຊິ່ງເຮັດໃຫ້ມີການປະທ້ວງສະຫງົບລົງ.
ທ່ານ ເຈີຣາດ ດາມາແນາງ ລັດຖະມົນຕີ ໄດ້ລະບຸວ່າ: ມີການຈັບກຸມແລ້ວ 427 ຄັ້ງໃນຊ່ວງມື້ຄືນທີ່ຜ່ານມາ ແລະ ໄດ້ຍ້ອງຍໍການກະທຳຂອງເຈົ້າໜ້າທີ່ບັງຄັບໃຊ້ກົດໝາຍ ເຊິ່ງເຮັດໃຫ້ຄືນທີ່ຜ່ານມາມີຄວາມສະຫງົບ, ຫຼັງຕຳຫຼວດ 45,000 ຄົນຖືກສົ່ງໄປປະຈຳການທົ່ວປະເທດໃນຄືນວັນເສົາ ຂະນະທີ່ມີລາຍງານການຈັບກຸມຫຼາຍກວ່າ 1,300 ຄັ້ງ ໃນຄືນວັນສຸກ ແລະ ຫຼາຍກວ່າ 900 ຄັ້ງໃນວັນພະຫັດທີ່ຜ່ານມາ.
ໃນເມືອງ Marseille ຍັງຄົງມີການປະທະກັນຢ່າງຮຸນແຮງລະຫວ່າງຕຳຫຼວດ ແລະ ພວກກໍ່ການຮ້າຍຍັງສືບຕໍ່ຈົນດຳເນີນໄປໃນຕອນແລງວັນເສົາຜ່ານມາ, ໃນວີດີໂອທີ່ຖືກເຜີຍແຜ່ທາງອອນລາຍ ຕຳຫຼວດໄດ້ໃຊ້ແກັສນ້ຳຕາເພື່ອຂັບໄລ່ຜູ້ແຫ່ຂະບວນປະທ້ວງ, ລວມທັງການປະທະກັນທີ່ເກີດຂຶ້ນຢູ່ຖະໜົນ La Canebière, ເສັ້ນທາງໃຫຍ່ໃຈກາງນະຄອນ Marseille. ແລະເຈົ້າໜ້າທີ່ທ້ອງຖິ່ນ ເປັນເວລາຫຼາຍກວ່າໜຶ່ງຊົ່ວໂມງ.
ນາເອວ ຖືກຍິງໃນໄລຍະໃກ້ ຫຼັງບໍ່ຍອມຈອດລົດເພື່ອໃຫ້ເຈົ້າໜ້າທີ່ກວດສອບ ແລະ ເສຍຊີວິດຫຼັງຈາກໜ່ວຍສຸກເສີນເຂົ້າກວດສອບຈຸດເກີດເຫດ, ເຊິ່ງການເສຍຊີວິດຂອງ ນາເອວ ໄດ້ເກີດເປັນກະແສຖຽງກັນກ່ຽວກັບສະຖານະຂອງຕຳຫຼວດຝຣັ່ງ, ລວມເຖິງກົດໝາຍອາວຸດປືນໃນປີ 2017 ເຊິ່ງອະນຸຍາດໃຫ້ເຈົ້າໜ້າທີ່ສາມາດຍິງໄດ້ຫາກຄົນຮ້າຍບໍ່ຟັ່ງຄຳສັ່ງ, ເຫດການນີ້ຍັງເຊື່ອມໂຍງກ່ຽວກັບການຢຽດເຊື້ອຊາດຂອງຕຳຫຼວດ, ດ້ານສຳນັກງານສິດທິມະນຸດ ຂອງສະຫະປະຊາຊາດ ກ່າວວ່າ: ເຫດການຄວາມບໍ່ສະຫງົບ ຖືເປັນໂອກາດສຳລັບຝຣັ່ງທີ່ຈະຈັດການກັບປັນຫາເຊິງເລິກຂອງການຢຽດເຊື້ອຊາດໃນການບັງຄັບໃຊ້ກົດໝາຍ.
ທີ່ມາ: ໂພສທູເດ