Homeຂ່າວທົ່ວໄປທໍາລາຍເຄື່ອງອຸປະກອນລ່າສັດນໍ້າ, ສັດປ່າ ແລະ ວັດຖຸທີ່ບໍ່ຖືກຕ້ອງ ຕາມກົດໝາຍ.

ທໍາລາຍເຄື່ອງອຸປະກອນລ່າສັດນໍ້າ, ສັດປ່າ ແລະ ວັດຖຸທີ່ບໍ່ຖືກຕ້ອງ ຕາມກົດໝາຍ.

Published on

ໃນຕອນເຊົ້າຂອງວັນທີ 27 ມິຖຸນາ 2023 ຜ່ານມານີ້ ຢູ່ທີ່ກອງບັນຊາການ ປກສ ເມືອງວຽງຄໍາ ແຂວງວຽງຈັນໄດ້ຈັດພິທີທໍາລາຍເຄື່ອງອຸປະກອນລ່າສັດນໍ້າ-ສັດປ່າ ແລະ ວັດຖຸທີ່ບໍ່ຖືກຕ້ອງ ຕາມກົດໝາຍ ຢູ່ເມືອງວຽງຄໍາ ຂຶ້ນໂດຍພາຍໃຕ້ການເປັນປະທານຂອງທ່ານ ພອນແກ້ວ ຂຸນພົນ ກໍາມະການປະຈໍາພັກແຂວງ ເລຂາພັກເມືອງ ເຈົ້າເມືອງວຽງຄໍາ ປະທານປ້ອງກັນຊາດປ້ອງກັນຄວາມສະຫງົບ ເມືອງວຽງຄໍາ, ມີທ່ານ ພັທ ຄໍາໝັ້ນ ແສນບຸດດີ ຄະນະພັກຮາກຖານຫົວໜ້າກອງບັນຊາການ ປກສ ເມືອງວຽງຄໍາ ມີຫົວໜ້າຫ້ອງການ,ອົງການ,ພະນັກງານ ປກສ ເມືອງວຽງຄໍາ ແລະ ເລຂາພັກບ້ານນາຍບ້ານ 17 ບ້ານ ທົ່ວເມືອງເຂົ້າຮ່ວມ.

ໃນພິທີທ່ານ ພັທ ນວນດໍາ ໄຊຍະລາດ ຮອງຫົວໜ້າກອງບັນຊາການ ປກສ ເມືອງວຽງຄໍາ ໃຫ້ກຽດຂຶ້ນຜ່ານບົດສະຫຼຸບຫຍໍ້ ກ່ຽວກັບການທ້ອນໂຮມ ແລະ ເກັບກູ້ອາວຸດລ່າເນື້ອ ,ໝໍ້ຊ໋ອດປາ ແລະ ເຄື່ອງປະກອບສະນິດອື່ນໆ ເກັບກໍາຂຶ້ນບັນຊີເປົ້າໝາຍໄດ້ທັງໝົດ 168 ຄົນ,ຍິງ 0 ຄົນ ໃນນັ້ນມີເປົ້າໝາຍປືນລ່າເນື້ອ 127 ເປົ້າໝາຍ, ໝໍ້ຊ໋ອດ 4 ເປົ້າໝາຍ, ປະຈຸບັນເກັບກູ້ໄດ້ປືນລ່າເນື້ອ ປະເພດປືນແກັບ ຈໍານວນ 38 ກະບອກ ແລະ ເກັບກູ້ເຄື່ອງຫາປາ ບໍ່ຖືກຕ້ອງ (ໝໍ້ຊ໋ອດ)ໄດ້ຈໍານວນ 12 ເຄື່ອງ ແລະ ລົດຈັກດັດແປງສະພາບເຕັກນິກ ທໍ່ດັງຈໍານວນ 8 ທໍ່ ,ຢາງນ້ອຍ 4 ເສັ້ນ ພ້ອມທັງໄດ້ສຶກສາອົບຮົມຜູ້ກະທໍາຜິດ ແລະໃຫ້ຂຽນໃບຮັບສາລະພາບ ຕົນເອງໃວ້ເພື່ອເປັນການຕິດຕາມໃນຕໍ່ໜ້າ.

ໃນຕອນທ້າຍກອງປະຊຸມ ທ່ານ ພອນແກ້ວ ຂຸນພົນ ກໍາມະການປະຈໍາພັກແຂວງ ເລຂາພັກເມືອງ ເຈົ້າເມືອງວຽງຄໍາ ໃຫ້ກຽດຂຶ້ນມີຄໍາເຫັນໂອ້ລົມ ຍ້ອງຍໍຊົມເຊີຍຕໍ່ຜົນງານ ການຈັດຕັ້ງປະຕິບັດຕໍ່ໜ້າທີ່ວຽກງານ ການຈັດຕັ້ງມອບໝາຍໃຫ້ ພ້ອມທັງຊີ້ທິດເຍືອງທາງເຖິງພະນັກງານ ອົງການຈັດຕັ້ງ ທີ່ກ່ຽວຂ້ອງຈົ່ງພ້ອມກັນເອົາໃຈໃສ່ ຕ້ານ ແລະ ສະກັດກັ້ນ ທຸກຮູບແບບບໍ່ໃຫ້ມີຊ່ອງຫວ່າງ ທໍາການຜະລິດອາວຸດລ່າເນື້ອສັດນໍ້າ-ສັດປ່າ ທີ່ບໍ່ຖືກຕ້ອງຕາມກົດໝາຍ ຢ່າງເຂັ່ງຄັດ ແລະ ນໍາເອົາຜູ້ກະທໍາຜິດ ມາສຶກສາອົບຮົມການເມືອງແນວຄິດ ຕາມລະບຽບກົດໝາຍ. ພ້ອມດຽວກັນນີ້ກໍ່ໄດ້ໄດ້ນໍາເອົາອາວຸດ ດັ່ງກ່າວໄປທໍາລາຍຢ່າງເປັນທາງການ.
ທີ່ມາ: MediaLAOS

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...