ອຸປະກອນການຄວບຄຸມເຮືອດຳນ້ຳໄທທັນ ຖືກເປີດເຜີຍໂດຍຜູ້ບໍລິຫານບໍລິສັດ Ocean Gate ແລ້ວວ່າເປັນ “ມືເກມ” ເທົ່ານັ້ນ.
Ocean Gate ໃຊ້ເຮືອດຳນ້ຳໄທທັນ ເປັນສ່ວນໜຶ່ງໃນການເດີນທາງເປັນໄລຍະເວລາ 8 ມື້ເຊິ່ງລູກຄ້າທີ່ຕ້ອງການຈະເດີນທາງຈະຕ້ອງຈ່າຍເງິນສູງເຖິງ 280.000 ໂດລາສະຫະລັດ ທີ່ເປັນຄ່າໃຊ້ຈ່າຍໃນການເດີນທາງໃນຄັ້ງນີ້ ລວມເຖິງການເດີນທາງໄປຍັງມະຫະສະມຸດອັດລັງຕິກ ເພື່ອສຳລວດຈາກໄທທານິກ ທີ່ຢູ່ເລິກລົງໄປ 3.800 ແມັດ.
ສະຕັອກຕັນ ຣັສ ເປັນຜູ້ບໍລິຫານຂອງບໍລິສັດ Ocean Gate ເປັນ 1 ໃນ 5 ຄົນທີ່ເສຍຊີວິດຈາກເຫດການເຮືອດຳນ້ຳໄທທັນ ທີ່ດຳນ້ຳລົງໄປຊົມເຮືອໄທທານິກ ລາວເຄີຍເລົ່າເຖິງການໃຊ້ງານຂອງເຮືອດຳນ້ຳໄທທັນຈະຖືກຄວບຄຸມດ້ວຍລະບົບງ່າຍໆ.
ລາວເຄີຍກ່າວໄວ້ວ່າ: ພວກເຮົາມີປຸ່ມດຽວເທົ່ານັ້ນ ໂດຍບໍ່ຕ້ອງໃຊ້ທັກສະຫຍັງຫຼາຍ ໂດຍເຮົາຈະດຳເນີນການທັງໝົດດ້ວຍມືເກມນີ້ ແລະ ວັດຖຸບາງອັນພາຍໃນເຮືອເປັນສ່ວນປະກອບທີ່ຫາຊື້ທົ່ວໄປບໍ່ໄດ້ ໂດຍໄຟສາຍພາຍໃນທີ່ຊື້ມາຈາກບໍລິສັດ Camper World ທີ່ເປັນບໍລິສັດຍານຍົນ.
ສະຕັອກຕັນ ຣັສ ກໍຢືນຢັນວ່າຜູ້ສ້າງໄທທັນ ເຄີຍເຮັດວຽກກັບບໍລິສັດຂະໜາດໃຫຍ່ເຊັ່ນ Boeing, NASA ແລະ University of Washington ເພື່ອສ້າງເຮືອທີ່ທົນຕໍ່ແຮງດັນນ້ຳໃນທະເລເລິກໄດ້.
ຢ່າງໃດກໍຕາມ ທັງ 5 ຄົນທີ່ຢູ່ພາຍໃນເຮືອດຳນ້ຳໄດ້ຖືກລາຍງານວ່າເສຍຊີວິດແລ້ວ ເນື່ອງຈາກການລະເບີດໃນຮູບແບບເຮືອຍຸບໂຕລົງໄປບໍ່ເຖິງ 1 ວິນາທີ ໂດຍເຮືອລະເບີດພາຍຫຼັງທີ່ດຳລົງໃປພຽງ 1 ຊົ່ວໂມງເທົ່ານັ້ນ