ອົງການປົກຄອງແຂວງສະຫວັນນະເຂດ ພ້ອມດ້ວຍພາກສ່ວນທີ່ກ່ຽວຂ້ອງຈະຈັດກິດຈະກຳຍ່າງ-ແລ່ນ ຂ້າມຂົວມິດຕະພາບລາວ-ໄທ ແຫ່ງທີ 2 ສະຫວັນນະເຂດ-ມຸກດາຫານ ເພື່ອສະເຫຼີມສະຫຼອງວັນໂອລິມປິກ ສາກົນ ຄົບຮອບ 129 ປີ.
ກິດຈະກໍາດັ່ງກ່າວຈະໄດ້ຈັດຂຶ້ນໃນວັນທີ 24 ມິຖຸນາ 2023 ໂດຍມີຈຸດເລີ່ມຕົ້ນຕັ້ງຂະບວນຈາກແຂວງມຸກດາຫານ ຣາຊະອານາຈັກໄທ ຍ່າງ-ແລ່ນ ຜ່ານຂົວມິດຕະພາບ ລາວ-ໄທ ແຫ່ງທີ 2 ມາຫາຈຸດໂຄ້ງ ທີ່ວົງວຽນໄດໂນເສົາ ນະຄອນໄກສອນ ພົມວິຫານ ແຂວງສະຫວັນນະເຂດ ສປປ ລາວ. ໃນນີ້ສະເພາະກິດຈະກໍາຍ່າງລວມມີໄລຍະທາງ 8 ກິໂລແມັດ ແລະແລ່ນຮາບມາຣາທອນ ໄລຍະທາງ 12,8 ກິໂລແມັດ ຊຶ່ງຄາດວ່າຈະມີມວນຊົນຈາກ 3 ປະເທດເຂົ້າຮ່ວມປະມານ 10 ພັນກວ່າຄົນ ໃນນີ້ມາຈາກ ສສ ຫວຽດນາມ 500 ຄົນ, ຈາກ ສປປ ລາວ ປະມານ 2.500-3.000 ຄົນ ແລະເຫຼືອນັ້ນແມ່ນຈາກປະເທດໄທ.
ຂ່າວ: ແຂວງສະຫວັນນະເຂດ