ສຳນັກຂ່າວຕ່າງປະເທດລາຍງານໃນວັນທີ 15 ມິຖຸນາ 2023 ທີ່ຜ່ານມານີ້ວ່າ: ເກີດເຫດເຮືອປະມົງເຊິ່ງບັນທຸກຜູ້ອົບພະຍົບມາຈົນລົ້ນລຳເຮືອ ເຮັດໃຫ້ເຮືອລຳດັ່ງກ່າວຈົມລົງ ເມື່ອວັນທີ 14 ມິຖຸນາ 2023 ຜ່ານມາ, ໂດຍຫຼ່້າສຸດພົບຜູ້ເສຍຊີວິດຢ່າງໜ້ອຍ 79 ຄົນ ຂະນະທີ່ເຈົ້າໜ້າທີ່ໄດ້ຊ່ວຍຜູ້ລອດຊີວິດເອົາໄວ້ໄດ້ຫຼາຍກວ່າ 100 ຄົນ.
ໜ່ວຍງານຍາມຊາຍຝັງຂອງປະເທດເກຣັກເປີດເຜີຍວ່າ: ເຮືອລຳດັ່ງກ່າວຖືກພົບເຫັນດ້ວຍ ເຮືອບິນສຳນັກງານຈັດການຊາຍແດນແຫ່ງສະຫະພາບເອີຣົບ (Frontex) ແຕ່ເຮືອປະຕິເສດການຊ່ວຍເຫຼືອຈາກເຈົ້າໜ້າທີ່ຍາມຝັງ, ເຊິ່ງຕໍ່ມາເຮືອກໍໄດ້ເກີດອຸບັດຕິເຫດຈົມລົງຈຸດທີ່ເລິກທີ່ສຸດໃນທະເລເມດິເຕີເຣນຽນ ຈຶ່ງເຮັດໃຫ້ເຈົ້າກູ້ໄພຕ້ອງອອກໃຫ້ການຊ່ວຍເຫຼືອ ແລະ ທຳການຄົ້ນຫາຜູ້ສູນຫາຍ.
ທັງນີ້ລາຍງານເບື້ອງຕົ້ນລະບຸວ່າ: ເຮືອອົບພະຍົບທີ່ປະສົບອຸບັດຕິເຫດກຳລັງຈະເດີນທາງຈາກປະເທດລິເບຍ ໄປ ປະເທດອີຕາລີ ໃນນັ້ນມີຜູ້ໂດຍສານສ່ວນຫຼາຍມີອາຍຸໃນຊ່ວງ 20 ປີ, ຜູ້ລອດຊີວິດຫຼາຍຄົນອ້າງວ່າຢູ່ໃນເຮືອອົບພະຍົບມີຄົນໂດຍສານຫຼາຍກວ່າ 500-700 ຄົນ ເຮັດໃຫ້ ທ່ານຍານນິສ ຄາເວລີສ ຜູ້ອຳນວຍການຂົງເຂດສາທາລະນະສຸກປະເທດເກຣັກອອກມາເຕືອນວ່າ: ເຫດຫານດັ່ງກ່າວອາດເປັນການເສຍຊີວິດຄັ້ງໃຫຍ່ ເນື່ອງຈາກຈຳນວນຜູ້ໂດຍສານມີຫຼາຍກວ່າການບັນຈຸຂອງເຮືອທີ່ກຳນົດໄວ້ຫຼາຍ.
ທີ່ມ: BBC