spot_img
Homeຂ່າວພາຍ​ໃນອົງການອາຫານໂລກ ສະໜອງເງິນໃຫ້ແມ່ຍິງຖືພາຢູ່ບ້ານໜອງກິນນາລີ

ອົງການອາຫານໂລກ ສະໜອງເງິນໃຫ້ແມ່ຍິງຖືພາຢູ່ບ້ານໜອງກິນນາລີ

Published on

ອົງການອາຫານໂລກ ປະຈຳລາວ ໄດ້ສະໜອງເງິນທຶນຈຳນວນ 1.800.000 ກີບ/ຄົນ ໃຫ້ແມ່ຍິງຖືພາ ແລະ ແມ່ຍິງມີລູກນ້ອຍຕ່ຳກວ່າ 5 ປີລົງມາ ທີ່ບ້ານໜອງກິນນາລີ ເມືອງຜົ້ງສາລີ ແຂວງຜົ້ງສາລີ ຈໍານວນ 42 ຄອບຄົວ ພາຍໃຕ້ໂຄງການ ຄໍ້າປະກັນດ້ານສະບຽງອາຫານ ໃນຂົງເຂດທີ່ມີຄວາມສ່ຽງດ້ານໄພພິບັດ ທີ່ຖືກຍົກຍ້າຍມາຈາກເຂື່ອນໄຟຟ້ານໍ້າອູ 6 ໂດຍເລີ່ມຈັດຕັ້ງປະຕິບັດມາແຕ່ປີ 2022 ຢູ່ 2 ເມືອງຄື: ເມືອງຜົ້ງສາລີ 33 ບ້ານ ແລະ ເມືອງຍອດອູ 22 ບ້ານ.

ທ່ານ ນາງ ຈັນທະວອນ ກັນທະວົງ ຜູ້ປະສານງານ ໃຫ້ຮູ້ວ່າເມື່ອບໍ່ດົນນີ້ວ່າ: ບ້ານໜອງກິນນາລີ ເປັນບ້ານໜຶ່ງທີ່ອົງການອາຫານໂລກປະຈຳລາວ ໄດ້ໃຫ້ການສະໜັບສະໜູນທຶນໃຫ້ປະຊາຊົນ ໂດຍສະເພາະ ແມ່ນແມ່ຍິງຖືພາ ແລະ ແມ່ຍິງມີລູກນ້ອຍຕ່ຳກວ່າ 5 ປີລົງມາ ຈະໄດ້ຮັບເງິນ 1.800.000 ກີບ/ຄົນ ເພື່ອຄໍ້າປະກັນດ້ານສະບຽງອາຫານ ໃນຂົງເຂດທີ່ມີຄວາມສ່ຽງດ້ານໄພພິບັດ ທີ່ຖືກຍົກຍ້າຍມາຈາກເຂື່ອນໄຟຟ້ານໍ້າອູ 6 ໂດຍແນໃສ່ເຮັດໃຫ້ ແມ່ຍິງໃນກຸ່ມເປົ້າໝາຍ ມີທຶນໃນການລ້ຽງສັດ, ປູກຜັກ ຢູ່ພາຍໃນບ້ານ, ມີເວລາລ້ຽງລູກ. ນອກຈາກນີ້, ບ້ານໜອງກິນນາລີ ຍັງໄດ້ຮັບການສະໜັບສະໜູນ ໃນໂຄງການອາຫານທ່ຽງ, ໂຄງການອາຫານເພື່ອຊັບສິນ (ທະນາຄານເຂົ້າ ຫລື ສາງເກັບເຂົ້າ) ແລະ ເສັ້ນທາງເຂົ້າໄປທຳການຜະລິດ.

ທ່ານ ນາງ ຈັນຄໍາ ວົງສາ ປະຊາຊົນບ້ານໜອງກິນນາລີ ເປັນຜູ້ໜຶ່ງທີ່ໄດ້ຮັບທຶນດັ່ງກ່າວ ເນື່ອງຈາກວ່າມີລູກນ້ອຍຕ່ຳກວ່າ 5 ປີລົງມາ ໂດຍໄດ້ນຳໄປຊື້ໄກ່, ເປັດ, ໝູ ແລະ ເຮັດສວນຜັກ, ມາຮອດປັດຈຸບັນ ໄກ່ ແລະ ເປັດ ຈຳນວນໜຶ່ງ ສາມາດນໍາໄປຂາຍເພື່ອສ້າງລາຍຮັບ ແລະ ອີກຈຳນວນໜຶ່ງ ແມ່ນລ້ຽງໄວ້ເພື່ອເປັນພໍ່-ແມ່ພັນ ເພື່ອສ້າງລາຍຮັບແບບຢືນຢົງ. ນອກຈາກນີ້ ກໍເກັບໄວ້ບໍລິໂພກພາຍໃນຄອບຄົວ ເພື່ອເຮັດໃຫ້ແມ່ ແລະ ລູກນ້ອຍ ໄດ້ຮັບໂພຊະນາການທີ່ດີ ທັງເຮັດໃຫ້ຊີວິດການເປັນຢູ່ ຂອງຄອບຄົວໄດ້ຮັບການພັດທະນາຂຶ້ນເລື້ອຍໆ ມີອາຊີບທີ່ໝັ້ນຄົງ ສາມາດກຸ້ມຢູ່ ກຸ້ມກິນ.

ທ່ານ ນາງ ຈັນຄຳ ວົງສາ ໄດ້ໃຫ້ຮູ້ອີກວ່າ: ກ່ອນໜ້າທີ່ຍັງບໍ່ມີ ໂຄງການເຂົ້າມາຊ່ວຍ ເຫັນວ່າແມ່ຍິງຖືພາ ແລະ ແມ່ຍິງມີລູກນ້ອຍຕ່ຳກວ່າ 5 ປີລົງມາ ແມ່ນພົບຄວາມຫຍຸ້ງຍາກຫລາຍຢ່າງ ເຊັ່ນ ແມ່ຍິງທີ່ຖືພາ ຍັງເຮັດວຽກໜັກ ເນື່ອງຈາກບ່ອນທຳການຜະລິດຫ່າງຈາກບ້ານ, ກິນອາຫານບໍ່ຄົບຕາມໂພຊະນາການ, ສ່ວນແມ່ຍິງເກີດລູກ ແລະ ມີລູກນ້ອຍ ບາງຄອບຄົວຍັງເຮັດວຽກໝັກ, ບໍ່ມີເວລາລ້ຽງລູກ ເນື່ອງຈາກຕ້ອງທຳການຜະລິດ ເຮັດໃຫ້ລູກຂາດໂພຊະນາການ, ແຕ່ພາຍຫລັງທີ່ໄດ້ຮັບທຶນຈຳນວນ 1.800.000 ກີບ ຈາກໂຄງການອາຫານໂລກ ເຫັນວ່າແມ່ຍິງໃນກຸ່ມເປົ້າໝາຍດັ່ງກ່າວ, ໄດ້ນຳເອົາທຶນ ທີ່ໄດ້ຮັບໄປໝູນໃຊ້ເຮັດທຸລະກິດສ່ວນຕົວຂອງຕົນເອງ, ຫລຸດຜ່ອນການເຮັດວຽກໜັກ, ມີເວລາຢູ່ເຮືອນເພື່ອລ້ຽງລູກ ແຕ່ຍັງສາມາດສ້າງລາຍຮັບໃຫ້ຄອບຄົວ.

ທີ່ມາ ປະເທດລາວ

ບົດຄວາມຫຼ້າສຸດ

ພະຍາກອນອາກາດ ປະຈຳວັນທີ 18 ມັງກອນ 2026 ໜາວສຸດຢູ່ເຂດພາກເໜືອຕາເວັນອອກ ແລະ ຮ້ອນສຸດຢູ່ເຂດພາກໃຕ້

ຄວາມກົດດົນສູງຂອງອາກາດເຢັນຍັງສືບຕໍ່ປົກຄຸມທົ່ວທຸກພາກຂອງປະເທດລາວ ດ້ວຍກໍາລັງອ່ອນ, ສົມທົບກັບກະແສລົມຕາເວັນອອກ-ຕາເວັນອອກສ່ຽງເໜືອພັດປົກຄຸມ, ຊຶ່ງຈະເຮັດໃຫ້ອາກາດຍັງເຢັນ ຫາ ໜາວເຢັນໃນຕອນກາງຄືນ ຫາ ຕອນເຊົ້າຢູ່ໃນແຕ່ລະພາກ ພ້ອມມີໝອກບາງປົກຫຸ້ມຢູ່ບາງທ້ອງຖິ່ນໃນຕອນເຊົ້າຢູ່ແຂວງພາກເໜືອ, ແຂວງໄຊສົມບູນ ແລະ ເຂດພູພຽງບໍລະເວນ ສ່ວນພາກກາງ ແລະພາກໃຕ້...

ເກີດແຜ່ນດິນໄຫວ ຢູ່ເມືອງນາຊາຍທອງ, ນະຄອນຫຼວງວຽງຈັນ ຂະໜາດ 1.9 ຣິກເຕີ, ຄວາມເລິກ 1 ກິໂລແມັດ ໃນເວລາ 14:20 ນາທີ ວັນທີ 15 ມັງກອນ 2026

ສູນຂໍ້ມູນຂ່າວສານແຜ່ນດິນໄຫວແຫ່ງຊາດລາວ ລາຍງານເຫດການເກີດແຜ່ນດິນໄຫວ ພາຍໃນປະເທດ ແລະ ບັນດາປະເທດໃກ້ຄຽງ ປະຈຳວັນທີ 15 ມັງກອນ 2026 ເວລາ 7:00 ໂມງເຊົໍ້າ ຫາ ວັນທີ...

ລະງັບແລ້ວ 75 ປະເທດ ອາເມລິກາ ສັ່ງລະງັບວີຊາ 75 ປະເທດ (ມີປະເທດໄທ) ເພື່ອປ້ອງກັນບໍ່ໃຫ້ຜູ້ອົບພະຍົບກາຍເປັນພາລະຂອງລັດ ມີຜົນເລີ່ມແຕ່ ວັນທີ 21 ມັງກອນ 2026 ເປັນຕົ້ນໄປ

ສຳນັກຂ່າວຕ່າງປະເທດລາຍງານວ່າ ເມື່ອບໍ່ດົນມານີ້ ທ່ານ ໂດນັລ ທຣຳ ປະທານາທິບໍດີ ແຫ່ງ ສະຫະລັດ ອາເມລິກາ, ປະກາດລະງັບການພິຈາລະນາວີຊາຜູ້ອົບພະຍົບ (Immigrant Visa) ສໍາລັບປະຊາຊົນຈາກ 75...

ທູດ ອາເມລິກາ ປະຈໍາລາວ ເຂົ້າຢ້ຽມອໍາລາ ລັດຖະມົນຕີກະຊວງການຕ່າງປະເທດ ເນື່ອງໃນໂອກາດສໍາເລັດການປະຕິບັດໜ້າທີ່ການທູດ ຢູ່ ສປປ ລາວ

ໃນຕອນບ່າຍວັນທີ 14 ມັງກອນ 2026 ທີ່ຜ່ານມາ, ທີ່ກະຊວງການຕ່າງປະເທດ, ທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມອໍາລາຂອງ...