ຊາຍສູງອາຍຸສັນຊາດອິນໂດເນເຊຍ ເປີດເຜີຍຄວາມລັບວ່າທ້ອນເງິນໄວ້ຕຽງນອນມາຫຼາຍປີ ຈຶ່ງໃຫ້ພີ່ນ້ອງ ໝູ່ ແລະ ຄົນບ້ານໃກ້ເຮືອນຄຽງ ຮວມກັນ 20 ກວ່າຄົນ ຊ່ວຍກັນນັບເງິນໝົດມື້ ສະຫຼຸບລວມຍອດ 100 ກວ່າລ້ານຣູເປຍ.
ຕາມການລາຍງານຂອງສຳນັກຂ່າວອິນໂດເນເຊຍ ໄດ້ລາຍງານວ່າ: ຊາຍອາຍຸ 74 ປີ ເກັບເງິນສ່ວນໂຕໄວ້ຕຽງນອນເປັນເວລາຫຼາຍປີ ຫຼ້າສຸດຕົນບໍ່ສະບາຍຈຶ່ງໄດ້ບອກກັບຄວາມຄົວເລື່ອງເກັບເງິນ ແລະ ເມື່ອຄອບຄົວເປີດຕຽງນອນເບິ່ງ ຈຶ່ງພົບເຫັນເງິນຈຳນວນຫຼາຍ ຈົນຕ້ອງໄດ້ເອີ້ນຄົນຫຼາຍກວ່າ 20 ຄົນມານັບຊ່ວຍກັນ.
ຊາຍສູງອາຍຸໄດ້ບອກວ່າ ໃນປີ 2013 ຕົນໄດ້ເລີ່ມບັນທຶກລາຍໄດ້ຕໍ່ເດືອນຂອງລາວ ຈາກນັ້ນກໍນຳເອົາເງິນມາມັດ ແລ້ວເຊື່ອງໄວ້ຢູ່ກະປ໋ອງ ກ່ອງ ຖັງເຫຼັກ ແລະ ຫຼາຍທີ່ສຸດແມ່ນຢູ່ຕຽງ ຈົນ 10 ປີຕໍ່ມາຈຶ່ງໄດ້ບອກເລື່ອງດັ່ງກ່າວຕໍ່ຫຼານຊາຍຂອງລາວ ເພາະຕົນບໍ່ສະບາຍ.
ຜູ້ເປັນຫຼານກໍ່ປະຫຼາດໃຈ ແລະ ບໍ່ຮູ້ເລີຍວ່າພໍ່ເຖົ້າຂອງຕົນຈະທ້ອນເງິນມາເປັນ 10 ປີ ແລະ ສຳຄັນທີ່ສຸດຄືພໍ່ເຖົ້າບໍ່ເຄີຍລັອກປະຕູຫ້ອງ ແຕ່ຍັງສາມາດເກັບເງິນໄວ້ໄດ້ຢ່າງປອດໄພ.
ຈາກການນັບເງິນສະຫຼຸບແລ້ວ ໃນນັ້ນມີປະມານ 10 ລ້ານຣູເປຍອິນໂດເນເຊຍ ຫຼື ປະມານ 11 ລ້ານກີບ ເປັນເງິນສະໄໝກ່ອນທີ່ໄດ້ຢຸດນຳໃຊ້ແລ້ວ ແລະ ມີເງິນທີ່ປັດຈຸບັນຍັງນຳໃຊ້ຢູ່ປະມານ 100 ລ້ານລ້ານຣູເປຍ ຫຼື 118 ລ້ານກີບ ກໍໄດ້ນຳເອົາເງິນຈຳນວນນັ້ນເຂົ້າທະນາຄານ.
ທີ່ມາ The Thaiger