ງານສິລະປະໝາກກ້ວຍ ລາຄາ 120.000 ໂດລາ ຫຼື ປະມານ 2 ຕື້ກີບ ຖືກນັກສຶກສາກິນກາງພິພິຕະພັນ ຫຼັງຖືກຈັບໄດ້ຈຶ່ງຍອມຮັບວ່າຍ້ອນຕົນເອງຫິວ.
ໝາກກ້ວຍສຸກ ທີ່ຖືກນຳມາສະແດງເປັນຜົນງານສິລະປະ ທີ່ຕິດໄວ້ຢູ່ຝາຂອງພິພິຕະພັນສິລະປະ Leeum Museum of Art ໃນກຸງໂຊ ປະເທດເກົາຫຼີໃຕ້ ເປັນຜົນງານພາຍໃຕ້ຊື່ “Comedian” ໂດຍສິລະປິນອິຕາລີ Maurizio Cattelan ສະທ້ອນໃຫ້ເຫັນເຖິງດ້ານສິລະປະເກົາຫຼີແບບດັ້ງເດີມ ແລະ ສິລະປະຮ່ວມສະໄໝ.
ພໍມາໃນວັນທີ 27 ເມສາ ໄດ້ເກີດເຫດການ ໂດຍນັກສຶກສາ ໂນ ຮະຢອນຊູ ຈາກມະຫາວິທະຍາໄລແຫ່ງຊາດໂຊ (Seoul National University) ຈັບກ້ວຍມາປອກກິນ ໂດຍບໍ່ຄຳນຶງເຖິງຄວາມຜິດ ກ່ອນທີ່ຈະປົກປ້ອງໂຕເອງໄດ້ການອ້າງວ່າ “ຫິວເພາະບໍ່ໄດ້ກິນເຂົ້າເຊົ້າ”.
ຫຼັງຈາກທີ່ນັກສຶກສາຄົນນີ້ກິນແລ້ວ ກໍໄດ້ຕິດເປືອກກ້ວຍເຂົ້າໄປຄືນ ແລະ ຕິດສະກັອດເຂົ້າຕື່ມ.
ທາງດ້ານເຈົ້າຂອງຜົນງານກໍອອກມາເວົ້າວ່າ ມັນບໍ່ແມ່ນບັນຫາເລີຍ ແລະ ນີ້ບໍ່ແມ່ນຄັ້ງທຳອິດທີ່ມີຄົນມາກິນຜົນງານສິລະປະຂອງລາວ.
ທີ່ມາ The New York times