ທວນໄຟ SEA Games ແລະ ASEAN Para Games ໄດ້ຮອດ ສປປ ລາວ ແລ້ວ ພ້ອມກຽມແຫ່ຂະບວນທວນໄຟໃນນະຄອນຫຼວງວຽງຈັນ.

ຂະບວນການແຫ່ທວນໄຟກຳລັງເຄື່ອນໄຫວເດີນທາງທົ່ວອາຊຽນ ​ເພື່ອ​ສົ່ງ​ເສີມ​ການ​ແຂ່ງຂັນ​ທີ່​ຈະ​ຈັດ​ຂຶ້ນ​ຢູ່​ກຳປູ​ເຈຍ ​ເປັນ​ຄັ້ງ​ທຳ​ອິດ​ໃນ​ຮອບ 64 ປີ ໂດຍຂະບວນມີປາຍທາງສຸດທ້າຍຢູ່ລາວ ກ່ອນທີ່ຈະເດີນທາງກັບກຳປູເຈຍໃນວັນທີ 27 ເມສາ ແລະ ຈະມີການເປີດພິທີໃນວັນທີ 5 ພຶດສະພາ.

ທັ້ງນີ້ ທວນໄຟໄດ້ມາເຖິງປະເທດລາວໃນວັນທີ 22 ເມສາ ທີ່ຜ່ານມານີ້ ແລະ ຖືກເກັບໄວ້ທີ່ສະຖານທູດກຳປູເຈຍໃນລາວ ໂດຍຈະມີຂະບວນແຫ່ທີ່ນະຄອນຫຼວງວຽງຈັນໃນວັນທີ 25 ເມສາ 2023.

ຂະບວນແຫ່ທວນໄຟ ເປັນການສະແດງໃຫ້ເຫັນເຖິງການກຽມພ້ອມເປັນເຈົ້າພາບຊີເກມທີ່ກຳປູເຈຍ ແລະ ພ້ອມຕ້ອນຮັບນັກທ່ອງທ່ຽວທີ່ຈະເຂົ້າມາປະເທດກຳປູເຈຍ.

ທີ່ມາ khmertimeskh