ແຂວງຫຼວງພະບາງ ອອກແຈ້ງການກ່ຽວກັບການຈັດສັນ ແລະ ຄວບຄຸມການສັນຈອນໃນຊ່ວງໄລຍະຈັດງານບຸນປີໃຫມ່ລາວ ພສ 2566,ຄສ 2023 ທີ່ນະຄອນ ຫຼວງພະບາງ.
– ອີງຕາມ: ລາຍການເຄື່ອນໄຫວບຸນປີໃຫມ່ລາວປະຈໍາປີ ພສ 2566,ຄສ 2003 ທີ່ນະຄອນ ຫຼວງພະບາງ .
– ອີງຕາມ: ແຜນການປ້ອງກັນ ແລະ ການຈັດສັນຄວາມເປັນລະບຽບຮຽບຮ້ອຍງານບຸນປີໃຫມ່ລາວ ພສ 2566, ຄສ 2023 ຂອງກອງບັນຊາການ ປກສ ແຂວງຫຼວງພະບາງ.

ເພື່ອເປັນການປ້ອງກັນ, ສະກັດກັ້ນ ແລະ ຫຼຸດຜ່ອນການສັນຈອນແອອັດ, ຕິດຄັດໃນມື້ຈັດງານບຸນປີໃຫມ່ລາວ ພສ 2566 ໃຫ້ຮັບປະກັນຄວາມສະຫງົບ, ຄວາມເປັນລະບຽບຮຽບຮ້ອຍ, ປອດໄພໃນການສັນຈອນ, ເຮັດໃຫ້ການສະເຫຼີມສະ ຫຼອງປີໃຫມ່ລາວມີຄວາມເບີກບານມ່ວນຊື່ນ ແລະ ຖືກຕ້ອງຕາມຮີດຄອງປະເພນີອັນດີງາມຂອງຊາວຫຼວງພະບາງ. ເຈົ້ານະຄອນ ຫຼວງພະບາງ ອອກແຈ້ງການດັ່ງນີ້:
1/. ໃນມື້ວັນທີ 14 / 4 / 2023 ເປັນມື້ຈັດງານຕະຫຼາດນັດມວນຊົນ ( ໂລະລາດ ) ແລະ ລົງດອນຊາຍມຸງຄຸນ: ທາງເຈົ້າ ຫນ້າທີ່ຈະລາຈອນ ປກສ ນະຄອນ ຫຼວງພະບາງ ຈະໄດ້ຈັດສັນ ແລະ ຄວບຄຸມການສັນຈອນຕາມເສັ້ນທາງຄື:
ເວລາ 5:00 ໂມງ ຈະໄດ້ປິດເສັ້ນທາງແຕ່ສາມແຍກອານຸສາວະລີປະທານໄກສອນ ພົມວິຫານ ຫາ ສາມແຍກປາກ ຄານ, ເສັ້ນທາງແຕ່ສີ່ແຍກຕະຫຼາດດາລາ ຫາ ສີ່ແຍກໄປສະນີ, ສີ່ແຍກຕະຫຼາດດາລາ ຫາ ສາມແຍກຫົວພູຂີ້ມາ, ສາມແຍກ ວັດວິຊຸນ ຫາ ສາມແຍກຫົວພູຂີ້ມ້າ, ປິດເສັ້ນທາງບັນດາທາງຮ່ອມຂອງບ້ານທາດຫຼວງ-ບ້ານວັດທາດ-ບ້ານທົ່ງຈະເລີນ ແລະ ປິດທ່າເຮືອບັກ ( ທ່າເຮືອຫຼວງ ) ເພື່ອບໍ່ໃຫ້ພາຫະນະທຸກປະເພດເຂົ້າໄປໃນສະຖານທີ່ຈັດງານບຸນ.
ເວລາ 12:00 ໂມງ ຈະໄດ້ເປີດເສັ້ນທາງແຕ່ສີ່ແຍກຕະຫຼາດດາລາ ຫາ ສີ່ແຍກໄປສະນີ ຫາ ສາມແຍກອານຸສາວະລີ ປະທານໄກສອນ ພົມວິຫານ ແລະ ເປີດເສັ້ນທາງບັນດາທາງຮ່ອມຂອງບ້ານທາດຫຼວງ-ບ້ານວັດທາດ-ບ້ານທົ່ງຈະເລີນ, ພ້ອມ ນັ້ນຈະໄດ້ສືບຕໍ່ປິດແຕ່ສີ່ແຍກໄປສະນີ ຫາ ສາມແຍກປາກຄານ, ສີ່ແຍກຕະຫຼາດດາລາ ຫາ ຫົວພູຂີ້ມ້າ, ສາມແຍກວັດວິຊຸນ ຫາ ຫົວພູຂີ້ມ້າ ແລະ ປິດທ່າເຮືອບັກ ( ທ່າເຮືອຫຼວງ ) ຈົນຮອດເວລາ 18:00 ໂມງ.
2/. ວັນທີ 15 / 4 / 2023 ເປັນມື້ແຫ່ຫລໍ່ແຕ່ວັດທາດນ້ອຍ ຫາ ວັດຊຽງທອງ:
ເລີ່ມແຕ່ເວລາ 9:00 ໂມງ ຈະໄດ້ປິດເສັ້ນທາງແຕ່ສາມແຍກໂຍທາທິການ ຫາ ສີ່ແຍກໄປສະນີ ຫາ ສາມແຍກປາກ ຄານ, ປິດເສັ້ນທາງແຕ່ສີ່ແຍກຕະຫຼາດດາລາ ຫາ ສາມແຍກຫົວພູຂີ້ມ້າ, ແຕ່ສີ່ແຍກຕະຫຼາດດາລາ ຫາ ສີ່ແຍກໄປສະນີ, ແຕ່ ສາມແຍກວິຊຸນ ຫາ ສາມແຍກຫົວພູຂີ້ມ້າ, ປິດບັນດາທາງຮ່ອມຂອງບ້ານທາດຫຼວງ-ບ້ານວັດທາດ-ບ້ານທົ່ງຈະເລີນ ແລະ ປິດ ທ່າເຮືອບັກ(  ທ່າເຮືອຫຼວງ)

ພາຍຫຼັງຂະບວນແຫ່ບໍ່ໄດ້ເຄື່ອນຜ່ານກາຍເສັ້ນທາງສີ່ແຍກໄປສະນີ ຈະໄດ້ເປີດນໍາໃຊ້ເສັ້ນທາງແຕ່ສີ່ແຍກຕະຫຼາດດາ ລາ ຫາ ສີ່ແຍກໄປສະນີ ຫາ ສາມແຍກພະແນກໂຍທາ ແລະ ເປີດເສັ້ນທາງບັນດາທາງຮ່ອມຂອງບ້ານທາດຫຼວງ-ບ້ານວັດ ທາດ-ບ້ານທົ່ງຈະເລີນ, ພ້ອມນັ້ນຈະໄດ້ສືບຕໍ່ປິດແຕ່ສີ່ແຍກໄປສະນີ ຫາ ສາມແຍກປາກຄານ, ສີ່ແຍກຕະຫຼາດດາລາ ຫາ ຫົວ ພູຂີ້ມ້າ, ສາມແຍກວັດວິຊຸນ ຫາ ຫົວພູຂີ້ມ້າ ແລະ ປິດທ່າເຮືອບັກ ( ທ່າເຮືອຫຼວງ ) ຈົນຮອດເວລາ 18:00 ໂມງ. 3/. ວັນທີ 16 / 4 / 2023 ເປັນມື້ແຫ່ຫລໍ່ແຕ່ວັດຊຽງທອງ ຫາ ວັດທາດນ້ອຍ:
ເລີ່ມແຕ່ເວລາ 9:00 ໂມງ ຈະໄດ້ປິດເສັ້ນທາງແຕ່ຫນ້າຫ້ອງວ່າການປົກຄອງແຂວງ ຫາ ສີ່ແຍກໄປສະນີ ຫາ ສາມ ແຍກປາກຄານ, ປິດເສັ້ນທາງແຕ່ສີ່ແຍກຕະຫຼາດດາລາ ຫາ ສາມແຍກຫົວພູຂີ້ມ້າ, ແຕ່ສີ່ແຍກຕະຫຼາດດາລາ ຫາ ສີ່ແຍກໄປ ສະນີ, ແຕ່ສາມແຍກວິຊຸນ ຫາ ສາມແຍກຫົວພູຂີ້ມ້າ, ປິດບັນດາທາງຮ່ອມຂອງບ້ານວັດທາດ-ບ້ານທົ່ງຈະເລີນ ແລະ ປິດທ່າ ເຮືອບັກ ( ທ່າເຮືອຫຼວງ ).
ພາຍຫຼັງຂະບວນແຫ່ບໍ່ໄດ້ສໍາເລັດພິທີ ຈະໄດ້ເປີດນໍາໃຊ້ເສັ້ນທາງແຕ່ສີ່ແຍກຕະຫຼາດດາລາ ຫາ ສີ່ແຍກໄປສະນີ ຫາ ສາມແຍກຫນ້າຫ້ອງວ່າການປົກຄອງແຂວງ ແລະ ເປີດເສັ້ນທາງບັນດາທາງຮ່ອມຂອງບ້ານວັດທາດ-ບ້ານທົ່ງຈະເລີນ,ພ້ອມນັ້ນ ຈະໄດ້ສືບຕໍ່ປິດແຕ່ສີ່ແຍກໄປສະນີ ຫາ ສາມແຍກປາກຄານ, ສີ່ແຍກຕະຫຼາດດາລາ ຫາ ຫົວພູຂີ້ມ້າ, ສາມແຍກວັດວິຊຸນ ຫາ ຫົວພູຂີ້ມ້າ ແລະ ປິດທ່າເຮືອບັກ ( ທ່າເຮືອຫຼວງ ) ຈົນຮອດເວລາ 18:00 ໂມງ.
4/.ສໍາລັບພໍ່ແມ່ປະຊາຊົນ,ຫົວຫນ່ວຍທຸລະກິດທີ່ມີພາຫະນະສ່ວນຕົວ ລວມທັງພາຫະນະຂົນສົ່ງສິນຄ້າ ແລະ ອື່ນໆຖ້າ ຢາກນໍາໃຊ້ແມ່ນໃຫ້ເອົາອອກມາຈອດໄວ້ນອກສະຖານທີ່ຈັດງານດັ່ງກ່າວ ແລະ ເຂົ້າ-ອອກ ກ່ອນເວລາປິດເສັ້ນທາງທີ່ໄດ້ກໍາ
ນົດໃນແຕ່ລະວັນ.
5/.ທ່ານໃດຫາກມີຈຸດປະສົງເດີນທາງຂ້າມຜ່ານໄປ-ມາ ລະຫວ່າງນະຄອນ ຫຼວງພະບາງ ກັບ ເມືອງຈອມເພັດແມ່ນໃຫ້ ໄປນໍາໃຊ້ເສັ້ນທາງ ແລະ ທ່າເຮືອບ້ານຊຽງແກ້ວ.
6/.ທ່ານໃດຫາກມີຈຸດປະສົງທີ່ຈະເຂົ້າໄປຮ່ວມງານບູນແມ່ນໃຫ້ຈອດລົດຂອງທ່ານໄວ້ຕາມສະຖານທີ່ຕ່າງໆຄືດັ່ງນີ້: ສະ ຖານທີ່ເດີ່ນຊາວມັງກອນ, ອອ້ມຮອບສວນສາທາລະນະລ້ານຊ້າງ, ໂຮງຮຽນມັດທະຍົມສົມບູນພັນຫຼວງ, ໂຮງຮຽນມັດທະ ຍົມສົມບູນສັນຕິພາບ, ສະຖານີຂົນສົ່ງລົດຕູ້ບ້ານນາຫຼວງ, ສະຖານີຂົນສົ່ງລົດເມບ້ານນາຫຼວງ, ອ້ອມຮອບສະຫນາມກິລາ ນາຫຼວງ ແລະ ສະຖານທີ່ອື່ນໆຕາມຄວາມເຫມາະສົມ.
7/. ບັນດາຂໍ້ຫ້າມ: – ວັນທີ 14 / 4 / 2023 ເປັນມື້ຈັດງານຕະຫຼາດນັດມວນຊົນ ( ໂລະລາດ ): ແຕ່ເວລາ 5:00ໂມງ ຫາ 12:00 ໂມງ ຫ້າມຈອດລົດຕາມເສັ້ນທາງແຕ່ສາມແຍກອານຸສາວະລີປະທານໄກສອນ ພົມວິຫານ ຫາ ປາກຄານ ແລະ ແຕ່ສີ່ແຍກໄປສະນີ ຫາ ສີ່ແຍກຕະຫຼາດດາລາ ທີ່ເປັນການກີດຂວາງສະຖານທີ່ຈັດງານວາງສະແດງຂາຍສິນຄ້າ ຢ່າງເດັດຂາດ.
– ວັນທີ 15 – 16 / 4 / 2023 ເປັນມື້ແຫ່ວໍຂຶ້ນລ່ອງ: ແຕ່ເວລາ 8:00 ໂມງ ຫາ 18:00 ໂມງ ຫ້າມຈອດລົດຕາມເສັ້ນ ທາງແຕ່ສາມແຍກໂຍທາທິການ ຫາ ສາມແຍກປາກຄານ ທີ່ເປັນການກີດຂວາງຂະບວນແຫ່ວໍ ຢ່າງເດັດຂາດ.
– ຫ້າມຈອດລົດຮຽງກັນສອງຟາກທາງຢູ່ບັນດາເສັ້ນທາງຄັບແຄບ ເຊີ່ງເປັນສາເຫດເຮັດໃຫ້ການສັນຈອນຕິດຄັດ ຢ່າງເດັດຂາດ

8/.ນອກຈາກການກໍານົດບັນດາເນື້ອໃນຂ້າງເທີງ ຜູ້ຂັບຂີ່ພາຫະນະທຸກປະເພດຕ້ອງປະຕິບັດຕາມການແນະນໍາ ແລະ ຊີ້ບອກຂອງເຈົ້າຫນ້າທີ່ຕໍາຫຼວດຈະລາຈອນຢ່າງເຂັ້ມງວດ.
ດັ່ງນັ້ນ; ເຈົ້ານະຄອນ ຫຼວງພະບາງ ຈຶ່ງແຈ້ງມາຍັງບັນດາທ່ານເພື່ອຊາບ ແລະ ໃຫ້ການຮ່ວມມືຕາມແຈ້ງການສະບັບນີ້ ໃຫ້ໄດ້ຮັບຜົນດີ.