spot_img
Homeສຸຂະພາບ ແລະ ສີ່ງແວດລ້ອມຊາຊິມິ ປາດິບ ດີແທ້ ຫລື ອັນຕະລາຍ?

ຊາຊິມິ ປາດິບ ດີແທ້ ຫລື ອັນຕະລາຍ?

Published on

Daruma-73090

ຊາ​ຊິ​ມິ ຄື ​ໜຶ່ງ​ໃນ​ອາຫານ​ຍີ່​ປຸ່ນ ທີ​ຄົນ​ຈຳນວນ​ຫລາຍ​ຕ່າງ​ກໍ​ຫລົງ​ໃຫລ​ໃນ​ຄວາມ​ສົດ ແຊບ ໂດຍ​ສຳຫລັບ​ຄົນ​ຍີ່​ປຸ່ນ ປາ​ດິບ ຖື​ວ່າ ​ເປັນ​ຢາ​ອາ​ຍຸ​ວັດ​ທະນະ​ຂອງ​ຊາວ​ຍີ່​ປຸ່ນ ເປັນ​ອາຫານ​ປະຈຳ​ຊາດ ແລະ​ ຊາວ​ຍີ່​ປຸ່ນ ຍັງ​ຖື​ວ່າ​ເປັນ​ອາຫານ​ພິເສດ​ ດັ່ງ​ນັ້ນ​ວັດທະນະທຳ​ການ​ກິນ ປາ​ດິບ ຈຶ່ງ​ຕ້ອງ​ມີ​ຄວາມ​ພິ​ຖີ​ພິ​ຖັນ ໃນ​ທຸກ​ຂັ້ນ​ຕອນ​ຂອງ​ລາຍ​ລະອຽດ ເລີ່ມ​ຕັ້ງ​ແຕ່​ການ​ລ້ຽງ​ປາ ການ​ຈັບ ການ​ແປ​ຮູບ ການ​ປຸງ ລວມ​ເຖິງ​ລົດ​ຊາດ ແລະ ​ການ​ຕົກ​ແຕ່ງ​ໜ້າ​ຕາ​ອາ​ຫານ

ສຳຫລັບ​ຄົົນທີ່​ຮັກ​ອາຫານ​ຍີ່​ປຸ່ນ ໂດຍ​ສະເພາະ​ເມ​ນູ​ທີ່​ແຊບຊ້ອຍ​ກໍ່ຄື ​ຊາ​ຊິ​ມິ ​ຫລື  ປາ​ດິບ ຄົງ​ຮູ້​ດີ​ວ່າ ​ເປັນຫຍັງ​ເຖິງ​ຢືນຢັນ​ໃນ​ສະເໜ່ແບບ​ດິບໆ ຈາກ​ທຳມະຊາດ ເຊິ່ງ​ໃນ​ອີກ​ມຸມ​ຂອງ​ຄົົນທີ່​ບໍ່​ມັກ​ເລີຍ ກໍ​ບໍ່​ອາດ​ເຂົ້າ​ໃຈ​ໄດ້​ເລີຍ​ວ່າ ການກິນ​ປາ​ທີ່​ບໍ່​ຜ່ານ​ການ​ປຸງ​ແຕ່ງ ບໍ່​ຜ່ານ​ຄວາມ​ຮ້ອນ​ມັນ​ຈະ​ແຊບ​ໄດ້​ແບບໃດ ແລະ ​ຈະ​ມີ​ປະໂຫຍດ​ຫຍັງ​ໄດ້ ແນ່ນອນ​ວ່າ ​ອາຫານ​ທຸກ​ເມ​ນູ​ມີ​ສອງ​ດ້ານ ສຳລັບ ປາ​ດິບ ມີ​ດ້ານ​ດີ ​ຄື ​ຄວາ​ມແຊບຊ້ອຍ ​ແລະ ​ຄຸນ​ປະໂຫຍດ​ຕໍ່​ສຸຂະພາບ ແລະ​ ດ້ານ​ຮ້າຍ​ທີ່​ແຝງ​ມາ ກໍ​ມີ​ເຊັ່ນ​ກັນ

ສານ​ອາຫານ​ທີ່​ໄດ້​ຈາກ ປາ​ດິບ

  1. ໄຂ​ມັນ: ດ້ວຍ​ຄວາມ​ທີ່​ອາຫານ​ດິບ​ຈະ​ເນັ້ນ​ຜັກ​ກັບ​ຫມາກໄມ້ ປະລິມານ​ໄຂ​ມັນ​ທີ່​ຮັບ​ຈຶ່ງ​ຢູ່​ລະຫວ່າງ​ 20-35 ສ່ວນຮ້ອຍ ຂອງ​ປະລິມານ​ແຄ​ລໍ​ລີທັງ​ໝົດ​ ທີ່​ຄວນ​ໄດ້ຮັບ​ຈາກ​ໄຂ​ມັນ​ໃນ​ແຕ່​ລະ​ມື້ ຂໍ້​ດີ​ຄື​ໄຂ​ມັນ​ເຫລົ່າ​ນີ້​ຈະ​ເປັນ​ພວກ​ໄຂ​ມັນ​ບໍ່​ອີ່ມ​ໂຕ​ທີ່​ດີ​ນໍາອີກ
  2. ໂປ​ຕີນ: ແມ່ນ​ຈະ​ບໍ່​ໄດ້​ກິນ​ຊີ້ນ​ສັດ​ຫລວງຫລາຍ ແຕ່​ໂປ​ຕີນ​ກໍ​ຍັງ​ຢູ່ໃນ​ລະ​ດັບ​ພໍ​ດີໆ ດ້ວຍ​ຜັກ​ໃບ​ຂຽວ ເມັດ​ພືດ ແລະ ​ຖົ່ວ
  3. ຄາລ​ໂບ​ໄຮ​ເດດ: ບໍ່​ຫລາຍ ​ແລະ ​ບໍ່​ໜ້ອຍ​ເກີນ​ໄປ
  4. ເກືອ: ຕ້ອງ​ແຍກ​ລະຫວ່າງ​ການ​ກິນ​ອາຫານ​ແບບ Raw Food ກັບ​ອາຫານ ​ຍີ່​ປຸ່ນ ໂດຍ​ຢ່າງ​ທໍາອິດ​ນັ້ນ​ຈະ​ພົບ​ວ່າ ກາ​ນກິນ​ເກືອ​ໜ້ອຍ​ລົງ​ຫລາຍ ​ແລະ ​ຢູ່ໃນ​ປະລິມານ​ທີ່​ແນະ​ນຳ​ຄື ໂຊ​ດຽມ​ບໍ່​ເກີນ​ມື້​ລະ 2, 300 ມິລິ​ກຣາມ (ຍົກ​ເວັ້ນ​ຜູ້​ສູງ​ອາ​ຍຸ​   ຜູ້​ປ່ວຍ​ຄວາມ​ດັນ​ເລືອດ​ສູງ ເບົາ​ຫວານ ຫລື ​ພະຍາດ​ຫມາກໄຂ່ຫລັງ​ຊຳເຮື້ອ ເຊິ່ງ​ຈຳ​ກັດ​ໄວ້​ບໍ່​ເກີນ 1, 500 ມິ​ລິ​ກຣາມ) ໃນ​ທາງ​ກົງ​ກັນ​ຂ້າມ​ການ​ໃຊ້​ ໂຊ​ຍຸ ​ອາດ​ເຮັດໃຫ້​ລະ​ດັບ​ໂຊ​ດຽມ​ ​ສູງ​ຂຶ້ນ​ໄດ້​ງ່າຍໆ

ປາ​ດິບ ມີ​ຜົນ​ກັບ​ພະຍາດ​ເບົາ​ຫວານ

ສິ່ງ​ທີ່​ເຮົາ​ຄວນ​ຮູ້​ຄື ການ​ມີ​ນ້ຳ​ໜັກ​ໂຕເພີ່ມ​ຫລາຍ​ຂຶ້ນ​ຈາກ​ການ​ໄດ້ຮັບ​ແຄ​ລໍ​ລີ (ບໍ່​ວ່າ​ ແຄ​ລໍ​ລີນັ້ນ​ຈະ​ມາ​ຈາກ​ໃສ​ກໍ​ຕາມ) ຈະ​ເຮັດໃຫ້​ລະ​ດັບ​ພາ​ວະ​ການ​ຕ້ານ​ ອິນ​ຊູ​ອິນ ​ເພີ່ມ​ຂຶ້ນ ດັ່ງ​ນັ້ນ ໃນ​ທາງ​ກັບ​ກັນ ການ​ຫລຸດ​ນ້ຳ​ໜັກ​ ແລະ ​ຮັກສາໃຫ້​ຢູ່ໃນ​ລະ​ດັບ​ນັ້ນ​ເອົາ​ໄວ້ ກໍ​ຈະ​ຊ່ວຍຫ​ລຸດ​ຄວາມ​ສ່ຽງ​ເປັນ​ເບົາ​ຫວານ​ໄດ້

ຂໍ້​ດີຂ​ອງ ປາ​ດິ

  1. ດີ​ຕໍ່​ຫົວໃຈ

ໂດຍ​ທົ່ວ​ໄປ​ແລ້ວ ​ຊູ​ຊິ ​ຈະໃຫ້​ໂປ​ຕີນ​ຄຸນນະພາບ​ດີ ແຕ່​ ແຄ​ລໍ​ລີ​ຕ່ຳ ມັນ​ມີ​ໄຂ​ມັນ​ອີ່ມ​ໂຕ​ແລະ​ ຄໍ​ເລດ​ເຕີ​ລໍ ​ຢູ່​ໜ້ອຍ​ຫລາຍ​ຈຶ່ງ​ດີ​ຕໍ່​ຫົວ​ໃຈ​ ໂດຍ​ສະເພາະ​ຢ່າງ​ຍິ່ງ ​ແຊວ​ມອນ ເຊິ່ງ​ມີ​ໂອ​ເມ​ກ້າ3 ຢູ່​ສູງ ເຊັ່ນ​ດຽວ​ກັບ​ປາ​ທູ​ນ້າ ສ່ວນ​ໂຕ ​ສາ​ລ່າຍ ​ຍິ່ງ​ເຕັມ​ໄປ​ດ້ວຍ​ແຮ່ທາດ​ຫລວງຫລາຍ ເຊັ່ນ ໄອ​ໂອ​ດີນ ເຊິ່ງ​ຈຳ​ເປັນ​ຕໍ່​ລະບົບ​ຮໍ​ໂມນ​ທີ່​ປົກກະຕິ ນອກ​ຈາກ​ນີ້​ ການ​ກິນ ປາ​ດິບ ຫລື ​ຈຳ​ພວກ​ຊູ​ຊິ ​ຍັງ​ໄດ້ ​ແມກ​ນີ​ຊຽມ ທາດ​ເຫລັກ ແລະ​ ໄຟ​ໂຕນິວ​ຊຽນ ​ທີ່​ເປັນ​ສານ​ຕ້າ​ນອາ​ນຸ​ມູນ​ອິດ​ສະລະ

  1. ຊ່ວຍ​ເລື່ອງ​ຂັບ​ຖ່າຍ

ນອກ​ຈາກ​ຊູ​ຊິ​ແລ້ວ ນ້ຳ​ສົ້ມ​ສາຍ​ຊູ​ທີ່​ໃຊ້​ໃນ​ການເຮັດ​ຊູ​ຊິ​ກໍ​ມີ​ຄຸນສົມບັດ​ຕ້ານ​ແບັກ​ທີ​ເລຍ​ເຊັ່ນ​ກັນ ນີ້ເປັນ​ເຫດຜົນ​ວ່າ ​ເປັນຫຍັງ​ນ້ຳ​ສົ້ມ​ສາຍ​ຊູ​ຈຶ່ງ​ຖືກ​ໃຊ້​ໃນ​ກາ​ນ​ນໍາອາຫານ​ມາ​ຕັ້ງ​ແຕ່​ບູຮານ ມັນ​ຊ່ວຍ​ເລື່ອງ​ການ​ຂັບ​ຖ່າຍ ຫລຸດ​ຄວາມ​ສ່ຽງ​ເປັນ​ຄວາມ​ດັນ​ເລືອດ​ສູງ

ຂໍ້​ເສຍຂ​ອງ ປາ​ດິ

  1. ແຄ​ລໍ​ລີ​​ແຝງມານໍາ

ເພາະ​ເຄື່ອງ​ປຸງ​ສ່ວນ​ໃຫຍ່​ຂອງ ​ຊູ​ຊິ ​ຈະ​ຖືກ​ມ້ວນ ຫລື​ ປັ້ນ​ເປັນ​ກ້ອນ​ນ້ອຍໆ ບາງ​ເທື່ອ​​ກໍ​ອາດຈະ​ລືມ​ໄປ​ວ່າ ມັນ​ມີ​ແຄ​ລໍ​ລີ​ຫລາຍ​ຂະໜາດ​ໃດ ​ເຊັ່ນ ຊູ​ຊິ​ທູນ້າ​ອາດ​ມີ​ໜ້ອຍ​ກວ່າ 200 ແຄ​ລໍ​ລີ​ ແທ້ ແຕ່​ຖ້າ​ລວມ​ມາ​ໂຍເນດ ເທມ​ປຸ​ລະ ຫລື ​ຊອດ​ອື່ນໆ ​ກໍ​ຈະ​ໄດ້​ແຄ​ລໍ​ລີ​ເພີ່ມ​ຂຶ້ນ​ອີກ​ຫລາຍ​ (ຊອດ​ຖົ່ວ​ເຫລືອງ ມີ​ແຄ​ລໍ​ລີຕ່ຳ​ແທ້ ແຕ່​ມີ​ໂຊ​ດຽມ​ສູງ)

  1. ລະ​ດັບ​ປອດ

ແຫລ່ງ​ນ້ຳ​ເປີດ ​ເຊັ່ນ ແມ່ນ້ຳ ທະເລສາບ ແລະ ​ທະ​ເລ ຈະ​ເຮັດໃຫ້​ປາ​ປົນ​ເປື້ອນ​ປອດ ສານ​ພິດ​ຕໍ່​ລະບົບ​ປະສາດ​ທີ່​ເປັນ​ທີ່​ຮູ້​ຈັກ​ດີ ບັນດາ​ປາ​ນັກ​ລ່າ​ໂຕ​ໃຫຍ່​ຈະ​ມີ​ລະ​ດັບ​ປອດ​ສູງ​ສຸດ ລວມ​ເຖິງ​ປາ​ທູ​ນ້າ​ທີ່​ພົບ​ໃນ ​ຊູ​ຊິ ດັ່ງ​ນັ້ນ ເດັກ​ນ້ອຍ ແມ່ຍິງມີ​ມົດລູກ ຫລື ​ຄົົນທີ່​ວາງ​ແຜນ​ຈະ​ເອົາລູກ​ຄວນ​ຢູ່​ຫ່າງ​ຈາກ ປາ​ດິບ ເຫລົ່ານີ້

ກິນ ປາ​ດິບ ໃຫ້​ໄດ້​ປະໂຫຍດ ແລະ ​ປອດ​ໄພ

ປາ​ດິບ ແທ້ໆແລ້ວ ກໍ​ມີ​ທັງ​ຄຸນປະໂຫຍດ ​ແລະ ​ໂທດ ຖ້າຫາກ​ມັກ​ກິນ​ປາ​ດິບ​ຫລາຍ​ໆ ກໍ​ຄວນ​ລະ​ວັງ​ໃນ​ສິ່ງ​ຕໍ່ໄປນີ້

  1. ຊະນິດ​ຂອງ​ປາ

ໂດຍ​ທົ່ວ​ໄປ ປາ​ດິບ ນັ້ນ​ມັກ​ໃຊ້​ປາ​ທັງ​ສາຍ​ພັນ​ນ້ຳ​ຈືດ ແລະ ​ສາຍ​ພັນ​ນ້ຳ​ເຄັມ ສ່ວນ​ຫລາຍ ປາ​ດິບ ທີ່​ມາ​ຈາກ​ທະ​ເລ ຈະ​ມີ​ລົດ​ຊາດ​ດີກວ່າ​ ແລະ ​ມີ​ຄຸນຄ່າ​ທາງ​ໂພສະນາ​ການ ສູງ​ກວ່າ ປາ​ດິບ ຈາກ​ນ້ຳ​ຈືດ ອີກ​ຢ່າງ​ສາຍ​ພັນ​ນ້ຳ​ຈືດ ອັນຕະລາຍ​ ແລະ ​ສ່ຽງ​ຕໍ່​ເຊື້ອ​ພະຍາດ​ ແລະ ​ພະຍາດ​ຕິດ​ມາ​ເປັນ​ຂອງ​ແຖມ​ຫລາຍກວ່າ​ສາຍ​ພັນ​ນ້ຳ​ເຄັມ​ ຫລື ​ປາ​ທີ່​ມາ​ຈາກ​ທະເລ

ໂດຍ​ປາ​ນ້ຳ​ຈືດ​ອາດ​ມີ​ຂອງ​ແຖມ​ເປັນ​ພະຍາດ​ແມ່ທ້ອງ ພະຍາດ​ໃບ​ໄມ້​ໃນ​ຕັບ ສ່ວນ​ນ້ຳ​ເຄັມ​ກໍ​ຫາ​ໄດ້​ປອດໄພ​ຈາກ​ພະຍາດ​ຮ້ອຍ​ເປີ​ເຊັນ ເຊິ່ງ​ອາດ​ມີ​ຄວາມ​ສ່ຽງ​ຈາກ​ພະຍາດ​ອາ ​ນິ​ຊາ​ຄິດ ດັ່ງ​ນັ້ນ​ແລ້ວ​ຢ່າ​ເຊື່ອ​ໝັ້ນ​ໃນ​ຄວາມ​ປອດ​ໄພ​ຈົນ​ເກີນ​ໄປ ກິນ​ໃນ​ປະລິມານ​ທີ່​ພໍດີ

  1. ອຸນຫະພູມ​ໃນ​ການ​ເກັບ​ປາ

ເພື່ອ​ທີ່​ຈະ​ໝັ່ນໃຈ​ໄດ້​ວ່າ ແມ່ທ້ອງ​ໃນ​ຊີ້ນ​ປາ​ໄດ້​ຖືກ​ທຳລາຍ ຄວນ​ເກັບ​ປາ​ທີ່​ອຸນຫະພູມ 20 ອົງ​ສາ​ (-4 ອົງ​ສາ​ຟາ​ເລນ​ໄຮ) ຢ່າງ​ນ້ອຍ 24 ຊົ່ວ​ໂມງ (ຫລື​ ອາດ​ເກັບ​ທີ່​ອຸນຫະພູມ​ຕ່ຳ​ກວ່າ​ນີ້ ຖ້າ​ຕູ້​ເຢັນ​ສາມາດ​ປັບ​ໃຫ້​ຕ່ຳ​ລົງ​ໄດ້​ອີກ) ແລະ​ ຄວນ​ປຸງ​ອາຫານ​ທີ່​ອຸນຫະພູມ -12 ອົງ​ສາ​

  1. ເລືອ​ບ່ອນ​ທີ່​ສະ​ອາດ ​ແລະ ​ເຊື່ອ​ຖື​ໄດ້

ຢ່າງ​ທີ່​ບອກ​ໄປ​ວ່າ ​ບໍ່ແມ່ນ​ວ່າ ປາ​ດິບ ທີ່​ມາ​ຈາກ​ທະ​ເລ​ຈະ​ບໍ່​ມີ​ພະຍາດ ຄວາມ​ຈິງ​ແລ້ວ ປາ​ທຸກ​ຊະນິດ ມີ​ໂອ​ກາດ​ທີ່​ຈະ​ມີ​ເຊື້ອ​ພະຍາດ​ປົນມາ​ໄດ້​ທັງ​ໝົດ ເພາະ​ສະ​ນັ້ນ ຄວນ​ ເລືອ​ກກິນ ຈາກ​ຮ້ານ​ທີ່​ສະ​ອາດ ​ແລະ ​ເຊື່ອ​ຖື​ໄດ້

  1. ກິນ​ທັນ​ທີພາຍຫລັງເຮັດ

ຄວນ​ກິນ ຊູ​ຊິ ຊາ​ຊິ​ມິ ພາຍ​ໃນ​ເວລາ​ບໍ່​ກາຍ 2 ຊົ່ວ​ໂມງ​ຫລັງ​ຈາກ​ເຮັດ​ສຳເລັດ ເພາະ​ຖ້າ​ຖິ້ມ​ໄວ້​ດົນ ຈະ​ເຮັດໃຫ້​ເສຍ​ລົດ​ຊາດ ແລະ ​ຄຸນຄ່າ​ທາງ​ອາຫານ​ເນື່ອງ​ຈາກ​ນ້ຳ​ມັນ​ໃນ​ປາ ຈະ​ລະ​ເຫີຍ​ອອກ​ໄປ ແລະ ​ຄວນ​ຫລີກ​ລ້ຽງ ຊູ​ຊິ ຊາ​ຊິ​ມິ ທີ່​ເຮັດ​ສຳ​ເລັດ​ໄວ້​ໃນ​ຕູ້​ແຊ່ ເພາະ​ບໍ່​ສາມາດ​ລະ​ບຸ​ເວລາ​ໄດ້​ແນ່ນອນ ວ່າ​ເລີ່ມ​ເຮັດ​ຕັ້ງ​ແຕ່​ຕອນໃດ

  1. ວິທີ​ສັງເກດ​ຮ້ານ​ເຮັດ ປາ​ດິບ

ຖ້າ​ຕ້ອງ​ຊື້​ ຊູ​ຊິ ຊາ​ຊິ​ມິ ທີ່​ຮ້ານ​ຄວນ​ສັງເກດ ວ່າ​ ຄົນ​ຂາຍ​ມີ​ຂັ້ນ​ຕອນ​ການເຮັດ ປາ​ດິບ ທີ່​ສະ​ອາດ​ຫລື​ບໍ່ (ໃສ່​ຖົງ​ມື​ທຸກ​ເທື່ອ​ທີ່​ຈັບ​ປາ​ຫລື​ເປົ່າ ເພື່ອ​ປ້ອງ​ກັນ​ການ​ສ່ຽງ​ຕໍ່​ການ​ຕິດ​ເຊື້ອ)

  1. ຂໍ້​ຄວັນ​ລະ​ວັງ

ກຸ່ມ​ຄົົນທີ່​ມີ​ຄວາມ​ສ່ຽງ​ໃນ​ການ​ຕິດ​ເຊື້ອ ຈາກ​ການ​ກິນ ປາ​ດິບ ໄດ້​ແກ່ ຄົນ​ເຖົ້າ , ເດັກ​ ນ້ອຍ, ຄົນ​ຖືພາ ແລະ ບຸກ​ຄົນ ທີ່​ມີ​ລະບົບ ພູ​ມ​ຄຸ້ມ​ກັນ​ໃນ​ຮ່າງກາຍຕ່ຳ

ບົດຄວາມຫຼ້າສຸດ

ໂດໂນ ທຣໍາ ເຊັນຄໍາສັ່ງສົ່ງຜູ້ອົບພະຍົບເຂົ້າອາເມຣິກາແບບຜິດກົດໝາຍ ໃຫ້ກັບຄືນສູ່ປະເທດ

ໂດໂນ ທຣໍາ ເຊັນຄໍາສັ່ງສົ່ງຜູ້ເຂົ້າປະເທດແບບຜິດກົດໝາຍ ໃນນີ້ມີຄົນສັນຊາດລາວ 4,850 ຄົນ.ຈາກການອອກມາເປີດເຜີຍ ແລະ ບົດລາຍງານເດືອນພະຈິກ ຂອງສຳນັກງານກວດຄົນເຂົ້າເມືອງ ຂອງສະຫະລັດ (ICE) ໄດ້ລະບຸວ່າ: ຄົນລາວຫຼາຍກວ່າ 4,000...

ຈັບໄດ້ໄລ່ທັນ ຊົມເຊີຍເຈົ້າໜ້າທີ່ຈັບໂຈນກໍ່ເຫດລັກສາຍໄຟ ພາຍໃນ 1 ຊົ່ວໂມງ

ຈາກກໍລະນີຊາຍກໍ່ເຫດ ລັກສາຍໄຟ ທີ່ບ້ານຫັດສະດີ ເມືອງຈັນທະບູລີ ນະຄອນຫຼວງວຽງຈັນ ໃນຕອນເຊົ້າເວລາປະມານ 9:00 ນາທີ ຂອງວັນທີ 30 ມັງກອນ 2025, ພາຍໃນ 1...

ມອບ-ຮັບໜ້າທີ່ ຫົວໜ້າກົມໃຫຍ່ເສນາທິການກອງທັບ ລະຫວ່າງ ຜູ້ເກົ່າ ແລະ ຜູ້ໃໝ່

ພິທີ ມອບ-ຮັບໜ້າທີ່ ຫົວໜ້າກົມໃຫຍ່ເສນາທິການກອງທັບ ລະຫວ່າງ ຜູ້ເກົ່າ ແລະ ຜູ້ໃໝ່ ໄດ້ຈັດຂຶ້ນໃນວັນທີ 30 ມັງກອນ 2025 ນີ້, ໂດຍການເປັນປະທານ ຂອງສະຫາຍ...

ພົບກ່ອງດຳເຮືອບິນໂດຍສານສະຫະລັດ ທີ່ປະສົບອຸບັດຕິເຫດຕຳກັນກາງອາກາດກັບ ເຮລິຄອບເຕີ

ພົບກ່ອງດຳເຮືອບິນໂດຍສານສະຫະລັດ ທີ່ປະສົບອຸບັດຕິເຫດຕຳກັນກາງອາກາດກັບ ເຮລິຄອບເຕີ ກ່ອນຈະຕົກລົງໃນແມ່ນ້ຳ ທີ່ນະຄອນຫຼວງວໍຊິງຕັນ ເຈົ້າໜ້າທີ່ຜູ້ຊ່ຽວຊານນຳໄປກວດສອບແລ້ວ ເພື່ອຫາເບາະແສກ່ຽວກັບຂໍ້ຜິດພາດທີ່ອາດຈະເກີດຂຶ້ນ ຄາດວ່າຜູ້ໂດຍສານທີ່ຢູ່ເທິງເຮືອບິນ ແລະ ເຮລິຄອບເຕີ ລວມ 67 ຄົນ ໜ້າຈະເສຍຊີວິດທັງໝົດ. ສຳນັກຂ່າວຕ່າງປະເທດລາຍງານ...