ຄາດຕະກຳແຟນ ແລ້ວໂດດຕຶກຈົບຊີວິດຕົນເອງ ເພື່ອໜີຄວາມຜິດ

0
1577

ເມື່ອວັນທີ 29 ມີນາ 2023 ຜ່ານມາ, ເຈົ້ານ້າທີ່ທີ່ຕຳຫຼວດ ເມືອງນະຄອນປະຖົມ ໄດ້ຮັບແຈ້ງເຫດ ຊາຍໂດດຕຶກເສຍຊີວິດ ຢູ່ທີ່ໂຮງໝໍແຫ່ງໜຶ່ງໃນແຂວງນະຄອນປະຖົມ ຫຼັງຈາກນັ້ນຈຶ່ງໄດ້ໄປກສດສອບໃນທີ່ເກີດເຫດ ພົບສົບຜູ້ເສຍຊີວິດ ເປັນເພດຊາຍ ອາຍຸ 29 ປີ ເປັນຄົນແຂວງເພັດສະບູນ ເປັນພະນັກງານລ້ຽງສັດ ມີບາດແຜແຕກທີ່ຫົວ ຈາກການສອບສວນຜູ້ເຫັນເຫດການຊາບວ່າ: ຜູ້ຕາຍບໍ່ໄດ້ປ່ວຍທີ່ເຂົ້າມາຮັກສາໂຕ ຄາດວ່າໜ້າຈະແມ່ນໂດດຕຶກເພື່ອຂ້າໂຕຕາຍ.

ເຈົ້າໜ້າທີ່ຍັງລາຍງານເພີ່ມເຕີມອີກວ່າ: ຜູ້ຕາຍເຊົ່າບ້ານຢູ່ກັບແຟນ ເຂດສຳນັກງານລ້ຽງສັດ ບ້ານລຳພະຍາ ແຂວງນະຄອນປະຖົມ ຈຶ່ງໄດ້ທຳການກວດສອບບ້ານຫຼັງດັ່ງກ່າວ ພົບເປັນບ້ານ 2 ຊັ້ນ ປິດປະຕູ ແຕ່ເບິ່ງຜ່ານທາງປ່ອງຢ້ຽມເຫັນຮອຍເລືອດຊະຊາຍຢູ່ພຶ້ນ ເຈົ້າໜ້າທີ່ຈຶ່ງເຂົ້າໄປກວດສອບພາຍໃນບ້ານ ພົບຮອຍເລືອດໄຫຼເປັນທາງຍາວ ຈາກຂັນໄດຊັ້ນລຸ່ມຂຶ້ນໄປຫ້ອງຊັ້ນທີ່ 2 ພົບວ່າມີສົບຜູ້ເສຍຊີວິດ ມີບາດແຜຖືກປາດຄໍດ້ວຍຂອງມີຄົມ ແລະ ຖືກແທງ ບໍລິລິເວນທ້ອງ 1 ຮອຍ.

ຈາກການສອບຖາມເພື່ອນບ້ານຮູ້ວ່າ: ທັງສອງເຊົ່າບ້ານຕັ້ງແຕ່ຊ່ວງຕົ້ນປີ ຜູ້ຊາຍເປັນເຈົ້າໜ້າທີ່ລ້ຽງສັດ ສ່ວນແຟນເປັນແມ່ບ້ານ ຊ່ວງປະມານ 9 ໂມງໄດ້ຍິນສຽງຜູ້ຍິງ ແຕ່ບໍ່ມີໃຜເອະໃຈ ຈົນເຈົ້ານ້າີ່ຕຳຫຼວດມາບ້ານຫຼັງດັງກ່າວ ເບື້ອງຕົ້ນສັນນິຖານວ່າ, ອາດມີປັນຫາຜິດຖຽງກັນຮຸນແຮງ ແລ້ວຝ່າຍຊາຍລົງມືເຮັດໃຫ້ຜູ້ຍິງເສຍຊີວິດ ແລ້ວໂຕເອງຈຶ່ງຕັດສິນໃຈໄປໂດດຕິກເພື່ອຂ້າໂຕຕາຍໜີຄວາມຜິດ.

ທີ່ມາ: dailynews