ວັນທີ 7 ມີນາ 2023 ຜ່ານມາ, ດ່ານຕຳຫລວດກວດຄົນເຂົ້າເມືອງ ມຸກດາຫານ ປະເທດໄທ ໄດ້ກວດຈັບແຮງງານ ເຂົ້າເມືອງຜິດກົດໝາຍ 5 ຄົນ ເຊິ່ງທັງໝົດຖືພາສປອດທີ່ສາມາດຢູ່ໄທໄດ້ 30 ມື້ ແຕ່ເອົາໂຕຫລົບໜີບໍ່ມາລາຍງານໂຕຈົນຮອດຢູ່ເກີນເຖິງ 2.689 ວັນ.
ການກະທຳດັ່ງກ່າວ ເປັນຄວາມຜິດຂໍ້ຫາ “ເປັນຄົນຕ່າງດ້າວ ອາໄສຢູ່ໃນຣາຊະອານາຈັກໄທໂດຍການອະນຸຍາດສິ້ນສຸດ ຫລື ໝົດອາຍຸອາອາໄສຢູ່ປະເທດໄທ” ຕາມຣາຊະບັນຍັດ ຈຶ່ງໄດ້ທຳການຈັບກຸມ ພ້ອມບັນທຶກ ແລະ ນຳຕົວຜູ້ຕ້ອງຫາທັງ 5 ຄົນ ສົ່ງໃຫ້ພະນັກງານສອບສວນ ເມືອງມຸກດາຫານ ເພື່ອດຳເນີນຄະດີຕາມລະບຽບກົດໝາຍ.
ສ່ວນຂໍ້ມູນກ່ຽວກັບຕົວຕົນບຸກຄົນ ແມ່ນບໍ່ໄດ້ມີການລາຍງານ ເຊິ່ງອາຈະມີການປະສານງານເຖິງເຈົ້າໜ້າທີ່ທາງການລາວໂດຍກົງ.
ທີ່ມາ: All in lao