spot_img
Homeຂ່າວພາຍ​ໃນ​ມີ​ພິທີ​ເປີດ​ການ​ນຳ​ໃຊ້​ປ້ຳນ້ຳມັນ​ເຊື້ອ​ໄຟ​ກອງທັບ

​ມີ​ພິທີ​ເປີດ​ການ​ນຳ​ໃຊ້​ປ້ຳນ້ຳມັນ​ເຊື້ອ​ໄຟ​ກອງທັບ

Published on

ໃນ​ວັນ​ທີ 23 ກຸມພາ 2023 ຜ່ານມາ, ຢູ່​ທີ່​ກະຊວງ​ປ້ອງ​ກັນ​ປະເທດ ໄດ້​ມີ​ພິທີ​ເປີດ​ການ​ນຳ​ໃຊ້​ປ້ຳນ້ຳມັນ​ເຊື້ອ​ໄຟ​ກອງທັບ ແບບ​ທັນ​ສະໄໝ ຂຶ້ນ​ໂດຍ​ການ​ເປັນປະທານ​ຂອງ​ ສະຫາຍ ພົນ​ຕີ ຄຳ​ເພັດ ສີ​ຊາ​ນົນ ກຳມະການຄະນະ​ປະຈຳ​ພັກ​ກະຊວງ ຫົວໜ້າ​ກົມໃຫຍ່​ພະລາທິການ​ກອງທັບ, ມີ​ຫົວໜ້າ​ກົມ, ຄະນະ​ກົມ, ແຂກ​ທີ່​ ຖືກເຊີນ​ພ້ອມ​ດ້ວຍ​ພະນັກງານ​ວິຊາ​ການ​ກົມ​ນ້ຳມັນ​ເຊື້ອ​ໄຟ​ເຂົ້າ​ຮ່ວມ.

ສະຫາຍ ພັນ​ເອກ ຈັນທະ​ຈັກ ໄຊ​ຍະ​ວົງສາ ຫົວໜ້າ​ກົມ​ນ້ຳມັນ​ເຊື້ອ​ໄຟ ຂຶ້ນ​ກ່າວ​ຈຸດປະສົງ ​ແລະ​ປະຫວັດ​ຄວາມ​ເປັນ​ມາ​ຂອງ​ສາງນ້ຳມັນ​ໂພນ​ເຄັງ ໃນ​ທ່າມກາງ​ທົ່ວ​ພັກ, ທົ່ວ​ກອງທັບ​ພວມ​ຈັດ​ຕັ້ງຜັນ​ຂະຫຍາຍ​ເນື້ອ​ໃນ​ມະຕິ​ກອງ​ປະຊຸມ​ໃຫຍ່​ ຄັ້ງ​ທີ XI ຂອງ​ພັກ, ມະຕິ​ກອງ​ປະຊຸມ​ໃຫຍ່​ ຄັ້ງ​ທີ V ຂອງ​ຄະນະ​ພັກ​ກະຊວງປ້ອງ​ກັນ​ປະເທດ ແລະ ມະຕິ​ກອງ​ປະຊຸມ​ໃຫຍ່​ ຄັ້ງ​ທີ VI ຂອງ​ຄະນະພັກ​ກົມ​ໃຫຍ່​ພະລາທິການ ກໍຄື​ການ​ປະຕິບັດ 2 ວາລະ​ແຫ່ງ​ຊາດໃຫ້​ມີ​ຜົນສຳເລັດ, ປ້ຳນ້ຳມັນ​ກະຊວງ​ປ້ອງ​ກັນ​ປະເທດ ແມ່ນ​ໜຶ່ງໃນ​ບັນດາ​ປ້ຳນ້ຳມັນ​ ແລະ ​ສາງ​ນ້ຳ ມັນ​ຍຸດ​ທະ​ສາດ​ຂອງ​ກອງທັບຢູ່​ພາຍ​ໃຕ້​ການ​ຊີ້​ນຳ​ທາງ​ດ້ານ​ວິຊາ​ສະເພາະ​ຂອງ​ກົມ​ນ້ຳມັນ​ເຊື້ອ​ໄຟ ກົມ​ໃຫຍ່​ພະລາທິການ​ກອງທັບ ໃນ​ເມື່ອ​ກ່ອນ​ເອີ້ນ​ວ່າປ້ຳນ້ຳມັນ​ໂພນ​ເຄັງ​ຂຶ້ນ​ກັບ​ກົມ​ນ້ຳມັນ​ເຊື້ອ​ໄຟ​ເປັນ​ປ້ຳນ້ຳມັນ1 ໃນ 3 ປ້ຳ​ຂອງ​ລະບອບ​ເກົ່າ(ປ້ຳ​ໂພນ​ເຄັງ, ຈີ່​ນາຍ​ໂມ້​ ແລະ ​ສີ​ໄຄ)ມາ​ຮອດ​ປີ 2008 ຈຶ່ງ​ໄດ້​ປັບປຸງ​ໃໝ່​ໂດຍ​ປະຕິບັດ​ຕາມ​ແຜນການ​ຍຸດ​ທະ​ສາດໃນ​ການ​ປັບປຸງ​ກໍ່ສ້າງ​ກອງ ທັບ​ປະຕິວັດ​ມີ​ແບບແຜນ​ທັນ​ສະໄໝ​ເວົ້າ​ລວມ, ເວົ້າ​ສະເພາະ​ແມ່ນ​ການ​ປັບປຸງ​ກໍ່ສ້າງ​ຂະແໜງ​ນ້ຳມັນ​ເຊື້ອ​ໄຟ​ກອງທັບ​ໃຫ້​ກ້າວໜ້າ ເຂັ້ມແຂງ ໜັກ​ແໜ້ນ​ ແລະ​ ຫັນ​ເປັນ​ທັນ​ສະໄໝ​ດັ່ງນັ້ນ​ກະ ຊວງ​ປ້ອງ​ກັນ​ປະເທດ​ຈຶ່ງ​ໄດ້​ອະນຸ ມັດ​ງົບປະມານກໍ່ສ້າງ​ປ້ຳນ້ຳມັນ​ກະຊວງ​ປ້ອງ​ກັນ​ປະເທດ​ຕາມ​ໜັງສື​ສະເໜີ​ຂອງກົມ​ນ້ຳມັນ​ເຊື້ອ​ໄຟ​ສະບັບ​ເລກ​ທີ074/​ກຊຟ,ລົງ​ວັນ​ທີ 15/02/2022 ມີ​ມູນ​ຄ່າ​ທັງ​ໝົດ 1.919.901.632 ກີບ​ຈຸດປະສົງ​ກໍ່​ເພື່ອ​ຮັບປະກັນໃຫ້​ມີ​ຄວາມ​ສະດວກ, ມີ​ຄວາມ​ປອດ​ໄພ, ປະ​ຫຍັດ, ຫຼຸດ​ຜ່ອນ​ກຳລັງ ໃນ​ການ​ເຮັດ​ໜ້າທີ່​ເບີກ-ຈ່າຍ​ນ້ຳມັນ ໂດຍ​ນຳ​ໃຊ້​ວິທີ​ການ​ທີ່​ທັນ​ສະໄໝຜ່ານ​ລະບົບ​ສະ​ແກນ(ຄິວ​ອາ​ໂຄ​​ສ) ໂຄງ​ປະກອບ​ຂອງ​ປ້ຳມີ​ບໍ​ລິ​ມາດ​ບັນຈຸ​ແອັດ​ຊັງ 22.000 ລິດ, ກາ​ຊວນ 30.000 ລິດ, ລະບົບ​ເບີກ​ຈ່າຍ​ແມ່ນ​ມີ 8 ຫົວ​ຈ່າຍ​ນ້ຳມັນ, ສາມາດຮັບປະກັນ​ໃຫ້​ບັນດາ​ກົມ​ກອງ​ທີ່ຢູ່​ອ້ອມ​ຂ້າງ​ຄ້າຍ​ໂພນ​ເຄັງ​ ແລະ ບັນດາ​ກົມ​ກອງ​ອື່ນໆ ສາມາດ​ເບີກ​ຈ່າຍ-ໄດ້​ທຸກເວລາ, ມີ​ຈັກ​ໄຟຟ້າ​ສຳຮອງ​ເພື່ອ​ຮັບປະກັນ​ເວລາ​ໄຟ​ຕິດ​ຂັດ.

ໂອກາດ​ດຽວ​ກັນ​ ສະຫາຍ ພົນ​ຕີ ຄຳ​ເພັດ ສີ​ຊາ​ນົນ ກໍ​ໄດ້​ກ່າວ​ສະແດງ​ຄວາມ​ຍ້ອງຍໍ​ຊົມເຊີຍ​ ກົມ​ນ້ຳມັນ​ເຊື້ອ​ໄຟ​ ແລະ ຍັງຮຽກຮ້ອງ​ໃຫ້​ຍົກ​ສູງ​ຄວາມ​ຮັບຜິດຊອບ​ທາງ​ດ້ານ​ການເມືອງ​ໂດຍ​ສະເພາະ​ແມ່ນ​ວຽກ​ງານ​ປົກ​ປັກ​ຮັກສາ, ຄຸ້ມ​ຄອງ​ໃຫ້​ມີ​ຄວາມທົນ​ທານ, ມີ​ປະສິດທິພາບ, ການ​ເບີກ-ຈ່າຍ​ໃຫ້​ທັນເວລາ​ ແລະ​ ສະພາບ​ການ.

ອ້າງອີງ:Lao people’s Army News

ບົດຄວາມຫຼ້າສຸດ

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...