ເກີດແຜ່ນດິນໄຫວອີກຄັ້ງ ໃນວັນຈັນທີ 20 ກຸມພາ ທີ່ຜ່ານມາ ວັດລະດັບໄດ້ 6,4 ຣິກເຕີ ສັ່ນສະເທືອນໃນແຂວງຫວັດຮາເຕ ພາກໃຕ້ຂອງຕວັກກີ ແລະ ພາກເໜືອຂອງຊີເຣຍ ເຮັດໃຫ້ຜູ້ເສຍຊີວິດມີ 3 ຄົນ ໃນຂະນະທີ່ແຜ່ນດິນໄຫວຄັ້ງວັນທີ 6 ກຸມພາ ເຮັດໃຫ້ຜູ້ເສຍຊີວິດໄປແລ້ວ ເກືອບ 45.000 ຄົນ.

ໂດຍສຳນັກງານບໍລິຫານຈັດການໄພພິບັດແຫ່ງຊາດ ລະບຸວ່າ ໄດ້ເກີດແຜ່ນດິນໄຫວ 6,8 ຣິກເຕີໃນວັນທີ 20 ກຸມພາ ເວລາ 20:04 ໂມງ ຕໍ່ມາພຽງ 2 ນາທີ ກໍເກີດແຜ່ນດິນໄຫວອີກຄັ້ງ ລະດັບ 5,8 ຣິກເຕີ.

ລັດຖະມົນຕີກະຊວງພາຍໃນຂອງຕວກກີ ເປີດເຜີຍວ່າ ມີຜູ້ເສຍຊີວິດ 3 ຄົນ ແລະ ບາດເຈັບ 213 ຄັນ ຜົນມາຈາກແຜ່ນດິນໄຫວຮອບໃໝ່ໃນຕວັກກີ ສ່ວນຊີເຣຍລະບຸວ່າມີຄົນບາດເຈັບຫຼາຍກວ່າ 130 ຄົນ ແລະ ເຮັດໃຫ້ອາຄານທີ່ໄດ້ຮັບຄວາມເສຍຫາຍຈາກແຜ່ນດິນໄຫວຄັ້ງກ່ອນຖະຫຼົ່ມລົງມາອີກ.

ແຫຼ່ງຂ່າວ BBC