ເຫດການແຜ່ນດິນໄຫວຂະໜາດໃຫຍ່ໃນຕວັກກີ ແລະ ຊີເຣຍ ເປັນເວລາຄົບ 2 ອາທິດແລ້ວ ຈຳນວນຜູ້ເສຍຊີວິດໄດ້ເກີນ 46,000 ຄົນ ຫຼ້າສຸດໜ່ວຍງານດ້ານໄພພິບັດຂອງຕວັກກີ ຢຸດຕິພາລະກິດຄົ້ນຫາ ແລະ ກູ້ໄພແລ້ວ ຍົກເວັ້ນ 2 ເມືອງທີ່ໄດ້ຮັບຄວາມເສຍຫາຍຮ້າຍແຮງທີ່ສຸດ.
ຫົວໜ້າອົງການຄຸ້ມຄອງສຸກເສີນ ແລະ ໄພພິບັດຂອງຕວັກກີ ປະກາດຢຸດຕິພາລະກິດຄົ້ນຫາ ແລະ ກູ້ໄພ ຫຼັງຈາກບໍ່ມີລາຍງານຜູ້ລອດຊີວິດໃນ 24 ຊົ່ວໂມງທີ່ຜ່ານມາ ຍົກເວັ້ນເມືອງ ຄາຣາມານມາຣັດ Kahramanmaras ແລະ ເມືອງ ຣາຕິ Hatai, ເຊິ່ງເປັນເຂດທີ່ໄດ້ຮັບຜົນກະທົບຮ້າຍແຮງທີ່ສຸດ ແລະ ການຄົ້ນຫາຍັງສືບຕໍ່ ຍັງມີຊາກຫັກພັງອີກປະມານ 40 ແຫ່ງທີ່ລໍຖ້າການສຳຫລວດຜູ້ລອດຊີວິດ ເຖິງແມ່ນວ່າໂອກາດເກືອບຈະບໍ່ມີກໍຕາມ.
ສໍາລັບຜູ້ລອດຊີວິລາຍຫຼ້າສຸດທີ່ພົບເຫັນ ນັ້ນແມ່ນຄືນວັນເສົາທີ່ຜ່ານມາຕາມເວລາທ້ອງຖິ່ນຄື: ແມ່ຍິງຄົນໜຶ່ງ ແລະ ຜູ້ຊາຍຄົນໜຶ່ງຕິດຢູ່ໃຕ້ຊາກຫັກພັງເປັນເວລາ 296 ຊົ່ວໂມງ, ຫຼາຍກວ່າ 12 ມື້, ຈຳນວນຜູ້ເສຍຊີວິດລວມທັງຢູ່ໃນຊີຣີ ແລະ ຕວກກີ ແມ່ນຫຼາຍກວ່າ 46,000 ຄົນ.
ສຳລັບບັນຫາທີ່ເກີດຂື້ນໃນປັດຈຸບັນແມ່ນການຂາດແຄນວັດຖຸດິບ ບໍ່ວ່າຈະເປັນອາຫານ ຫຼື ໂຄງເຫຼັກ ແລະ ຜ້າໃບ ແຕ່ສາມາດຜະລິດຜ້າເຕັ້ນໄດ້ພຽງ 50 ໂຕຕໍ່ມື້, ເຊິ່ງບໍ່ພຽງພໍກັບຄວາມຕ້ອງການ ລາຄາຂາຍຂອງເຕັ້ນນອນ ທີ່ຜະລິດໃນຊີເຣຍແມ່ນລະຫວ່າງ 2 ລ້ານກີບ ຫາ 4 ລ້ານກີບ ມັນຕ່ໍາກວ່າເຕັ້ນນອນທີ່ສັ່ງໂດຍອົງການຈັດຕັ້ງມະນຸດສະທໍາ, ແຕ່ວ່າມັນເປັນທາງເລືອກດຽວທີ່ຈະແກ້ໄຂບັນຫາການຂາດແຄນເຕັ້ນນອນໄດ້.
ທີ່ມາ: Thai PBS