ທາງການໄທ ໄດ້ສົ່ງມອບສິ່ງຂອງຊ່ວຍເຫຼືອໃຫ້ແກ່ ເອກອັກຄະລັດຖະທູດຕວັກກີປະຈຳໄທ ທີ່ສະໜາມບິນທະຫານ.

ໂດຍສະບຽງອາຫານຕ່າງໆ ຖືກຂົນຂຶ້ນເຮືອບິນແອບັສ 340 ຂອງກອງທັບອາກາດ ແລະ ບິນໄປຫາ ນະຄອນຫຼວງອັງກາລາ ຂອງ ຕວັກກີ ໃນວັນພຸດ ທີ 15 ກຸມພາ ທີ່ຜ່ານມາ ເພື່ອຊ່ວຍເຫຼືອແກ່ຜູ້ປະສົບໄພພິບັດແຜ່ນດິນໄຫວຄັ້ງໃຫຍ່ໃນຕວັກກີ.

ການຈັດສິ່ງຂອງຊ່ວຍເຫຼືອ ທີ່ໄດ້ຮັບບໍລິຈາກປະກອບມີ ເຕັ້ນ(ມຸ້ງ), ຜ້ານວມ, ຜ້ານອນກັນໜາວ, ຈັກປັ່ນໄຟຟ້າຂະໜາດນ້ອຍ, ອາຫານແຫ້ງ, ນົມ ແລະ ນ້ຳດື່ມ ພ້ອມດ້ວຍເງິນບໍລິຈາກ ຈຳນວນ 5 ລ້ານບາດ ໃຫ້ແກ່ຕວັກກີ ແລະ 1 ລ້ານ ໃຫ້ຊີເຣຍ.

ນອກນັ້ນ ກໍຍັງນຳເອົາຄົນໄທທີ່ປະສົບໄພທີ່ຕວັກກີ ນຳກັບປະເທດໄທ ພ້ອມກັບຜູ້ເສຍຊີວິດກັບຄືນໃຫ້ຄອບຄົວທີ່ຢູ່ໄທ.

ແຫຼ່ງຂ່າວ The Nation Thailand