ກຸ່ມກໍ່ການຮ້າຍທີ່ແຂວງປາປົວ ພາກຕາເວັນອອກຂອງອິນໂດເນເຊຍ ໄດ້ເຜີຍແຜ່ ຮູບພາບ ແລະ ວິດີໂອ ໃນວັນອັງຄານທີ່ຜ່ານມາ ພວກເຂົາກ່າວວ່າ ເປັນນັກບິນຈາກນິວຊີແລນທີ່ພວກເຂົາໄດ້ຈັບໄວ້ເປັນຕົວປະກັນ.
Philip Mertens ນັກບິນຂອງສາຍການບິນ Susi Air ຂອງອິນໂດເນເຊຍ ຖືກກຸ່ມກໍ່ການຮ້າຍລັກພາຕົວຈາກ ໂດຍການໂຈມຕີເຮືອບິນຂອງລາວ ໃນເຮືອບິນລຳນີ້ມີຜູ້ໂດຍສານ 5 ຄົນ ກຸ່ມກໍ່ການຮ້າຍແບ່ງແຍກບິນແດນໄດ້ເວົ້າວ່າ ຈະສັງຫານພວກເຂົາ.
ທາງການອິນໂດເນເຊຍກ່າວວ່າ ມີແຜນການຍ້າຍຄົນງານອອກ ທີ່ກຳລັງກໍ່ສ້າງສູນສຸຂະພາບໃນເມືອງພາໂຣ ເລີຍເຮັດໃຫ້ກຸ່ມກໍ່ການຮ້າຍບໍ່ພໍໃຈ ແລ້ວຕອບໂຕ້ດ້ວຍການເຜົາເຮືອບິນ ແລະ ຍຶດເຮືອບິນໄວ້.
ເນື່ອງຈາກບໍລິເວນທີ່ກຸ່ມກໍ່ການຮ້າຍຢູ່ແມ່ນເຂດພູດອຍ ຈຶ່ງມີພຽງແຕ່ການບິນເທົ່ານັ້ນ ທີ່ຈະສາມາດເຂົ້າເຖິງບໍລິເວນນັ້ນໄດ້.
ທາງກໍ່ການຮ້າຍກ່າວວ່າ ຈະປ່ອຍຜູ້ໂດຍສານ 5 ຄົນ ເນື່ອງຈາກພວກເຂົາກໍເປັນຄົນປາປົວ.
Sambom ໜຶ່ງໃນກຸ່ມກໍ່ການຮ້າຍໄດ້ສົ່ງ ຮູບພາບ ແລະ ວິດີໂອ ໄປຫາສຳນັກຂ່າວ Associated Press ໃນວັນອັງຄານທີ່ຜ່ານມາ ເຊິ່ງມັນສະແດງໃຫ້ເຫັນເຖິງຜູ້ນຳພາກຸ່ມນີ້ໂດຍ Kogoya ທີ່ກຳລັງຈູດໄຟເຜົາເຮືອບິນ ແລະ ກ່າວວ່າ “ການຈັບນັກບິນເປັນຕົວປະກັນ ແມ່ນພຽງສ່ວນໜຶ່ງຂອງການຕໍ່ສູ້ເພື່ອປົດປ່ອຍປາປົວ ຈາກອິນໂດເນເຊຍ.”
ທາງລັດຖະບານອິນໂດເນເຊຍບໍ່ໄດ້ພະຍາຍາມໂອ້ລົມ ແລະ ໄກ່ເກ່ຍ ເພື່ອໃຫ້ປ່ອຍຕົວປະກັນອອກມາ.
ແຫຼ່ງຂ່າວ AP