ໃນວັນທີ 14 ກຸມພາ 2023 ອີງຕາມ ສະຖານເອກອັກຄະລັດຖະທູດຕວັກກີ ໄດ້ອອກແຈ້ງການວ່າ: ສະຖານເອກອັກຄະລັດຖະທູດຕວັກກີ ຂໍຂອບໃຈປະຊາຊົນລາວ ແລະ ລັດຖະບານທີ່ໄດ້ສະແດງ ຄວາມເຫັນອົກເຫັນໃຈຕໍ່ຜູ້ເຄາະຮ້າຍຈາກແຜ່ນດິນໄຫວທີ່ ປະເທດຕວັກກີ.
ທາງສະຖານເອກອັກຄະລັດຖະທູດ ບໍ່ສາມາດຮັບການບໍລິຈາກໃນປະເພດເຄື່ອງຂອງໄດ້ ເນື່ອງຈາກຂໍ້ຈໍາກັດໃນການຂົນສົ່ງ. ເຖິງຢ່າງໃດກໍຕາມ, ຖ້າຫາກບັນດາທ່ານມີຈຸດປະສົງຢາກປະກອບສ່ວນທາງດ້ານກໍາລັງຊັບດ້ວຍຄວາມສະໝັກໃຈ ແມ່ນສາມາດບໍລິຈາກຜ່ານບັນຊີຂອງ ສະຖານເອກອັກຄະລັດຖະທູດຕວັກກີ ດັ່ງລຸ່ມນີ້:
ຂໍຂອບໃຈເປັນຢ່າງສູງສໍາລັບການສະໜັບສະໜູນຂອງທ່ານ.
ຊື່ບັນຊີ: TURKISH EMBASSY-EARTHQUAKE DONATION
ເລກບັນຊີ: 026100093911000017 (ສະກຸນເງີນກີບ: LAK)
ເລກບັນຊີ: 026100093911010021 (ສະກຸນເງີນໂດລາ: USD)
ທະນາຄານ: ລາວ-ຝລັ່ງ BFL
ສະຖານເອກອັກຄະລັດຖະທູດບໍ່ໄດ້ຮ່ວມມືກັບສະຖາບັນ ຫຼື ມູນນິທິອື່ນໃດໆ ກ່ຽວກັບການໂຄສະນາບໍລິຈາກເງິນ.
