ການນຳເຂົ້ານ້ຳມັນເຊື້ອໄຟຂອງຫວຽດນາມມາຫາ ສປປ ລາວ ເພີ່ມຂຶ້ນ 439% ດ້ວຍມູນຄ່າ 125,4 ລ້ານໂດລາສະຫະລັດໃນປີທີ່ຜ່ານມາ.
ການນຳເຂົ້າຈາກຫວຽດນາມ ມາຫາ ສປປ ລາວເພີ່ມຂຶ້ນ 10,4% ເປັນເງິນ 656,4 ລ້ານໂດລາ ຂະນະທີ່ສິນຄ້ານຳເຂົ້າອື່ນໆ ລວມມີເຫຼັກ ຫຼຸດລົງ 15% ເທົ່າ 60,1 ລ້ານໂດລາ ແລະ ປຸ໋ຍເພີ່ມຂຶ້ນ 31% ເທົ່າ 32,5 ລ້ານໂດລາ.
ສຳລັບການສົ່ງອອກສິນຄ້າຈາກ ສປປ ລາວ ໄປຫາ ຫວຽດນາມ ເພີ່ມຂຶ້ນ 34,6% ເປັນ 1 ຕື້ໂດລາ ໂດຍມີສິນຄ້າທີ່ສຳຄັນຄື ໄມ້ ແລະ ຜະລິດຕະພັນຈາກໄມ້, ປຸ໋ຍ ແລະ ຢາງພາລາ ເຊິ່ງສ່ວນໃຫຍ່ສິນຄ້າທີ່ນຳເຂົ້າ-ສົ່ງອອກລະຫວ່າງ 2 ປະເທດນີ້ ແມ່ນບໍ່ເສຍພາສີ ຈຶ່ງເຮັດໃຫ້ ສປປ ລາວ ເປັນທີ່ນິຍົມລົງທຶນທາງດ້ານກະສິກຳຄຸນະພາບສູງຂອງທຸລະກິດຕ່າງໆໃນຫວຽດນາມ.
ແຫຼ່ງຂ່າວ: AEC Connect