ອັບເດດເຫດແຜ່ນດິນໄຫວໃນປະເທດຕວັກກີ-ຊີເຣຍ ເສຍຊິີວິດຫຼາຍກວ່າ 7.800 ຄົນ

0
508

ຈຳ​ນວນ​ຜູ້​ເສຍ​ຊີ​ວິດ​ຫຼ້າ​ສຸດ​ຈາກ​ແຜ່ນ​ດິນ​ໄຫວ​ຄັ້ງ​ຮ້າຍ​ແຮງ ເສຍຊີວິດເພີ່ມຂຶ້ນເປັນ 7.800 ຄົນ .

ໃນປະເທດຕວັກກີເສຍຊີວິດແລ້ວ 5.894 ຄົນ ໃນຂະນະທີ່ຊີເຣຍເສຍຊີວິດ 1.932 ຄົນ ລວມເປັນ 7.826 ຄົນເສຍຊີວິດ ແລະ ຍັງຄາດວ່າຈຳນວນ​ຜູ້​ເສຍ​ຊີວິດ​ຈະ​ເພີ່ມ​ຂຶ້ນ​ເລື່ອຍໆ ​ໂດຍ​ເຈົ້າ​ໜ້າ​ທີ່​ອົງການ​ອະນາ​ໄມ​ໂລກ​ຄາດ​ຄະ​ເນ​ວ່າ ອາດ​ຈະ​ເສຍ​ຊີວິດ​ເຖິງ 20.000 ຄົນ​.

ທັ້ງນີ້ ລັດຖະບານຈີນກໍຍັງສົ່ງ ໜ່ວຍກູ້ໄພ 82 ຄົນ ຮອດຕວັກກີ ໃນຕອນເຊົ້າຂອງວັນພຸດ ແລ້ວໄດ້ນຳເອົາອຸປະກອນການແພດ ອຸປະກອນກູ້ໄພຕ່າງໆ ແລະ ທີມໝາຄົ້ນຫາ ເພື່ອຊ່ວຍເຫຼືອໃນເຫດການແຜ່ນດິນໄຫວ.

ແມັກຊິໂກ ໄດ້ນຳທີມກູ້ໄພ ແລະ ໝາ ເພື່ອຊ່ວຍເຫຼືອ.

ອາເມຣິກາ ກໍໄດ້ສົ່ງໜ່ວຍກູ້ໄພມາຮອດຕວັກກີໃນຕອນເຊົ້າວັນພຸດເຊັ່ນດຽວກັນ ແລະ ກຳລັງເດີນທາງໄປເມືອງ Adiyaman ເພື່ອຊ່ວຍເຫຼືອປະຊາຊົນທີ່ປະສົບໄພ ໂດຍມີທີມງານທີ່ມາຈາກເຮືອບິນຂົນສົ່ງ 2 ລຳ, ທີມງານ 130 ຄົນ, ໝາ 12 ໂຕ ແລະ ອຸປະກອນຊ່ວຍເຫຼືອຕ່າງໆ.

ເຫດແຜ່ນດິນໄຫວຂະໜາດ 7,8 ຣິກເຕີ ເຮັດໃຫ້ຄົນເສຍຊີວິດເກືອບ 8.000 ຄົນ ໃນສອງປະເທດ.

ແຫຼ່ງຂ່າວ theguardian