ໃນວັນທີ 7 ກຸມພາ 2023 ເຈົ້າໜ້າທີ່ກູ້ໄພໃນຕວັກກີ-ຊີເຣຍ ຍັງເລັ່ງຄົ້ນຫາຜູ້ສູນຫາຍຢູ່ພາຍໃນຊາກອາຄານທີ່ຖະຫຼົ່ມ ຈາກເຫດການແຜ່ນດີິນໄຫວ ຮຸນແຮງຂະໜາດ 7.8 ຣິກເຕີ ໃນຊ່ວງເຊົ້າວັນທີ 6 ກຸມພາຜ່ານມາ ເຮັດໃຫ້ມີຜູ້ເສຍຊີວິດແລ້ວຢ່າງນ້ອຍ 3,600 ຄົນ ແລະ ບາດເຈັບອີກ 15,600 ຄົນ.
ແຜ່ນດິນໄຫວຄັ້ງນີ້ໄດ້ເຮັດໃຫ້ອາຄານຫລາຍພັນຫລັງຖະຫຼົ່ມລົງຢູ່ໃນຫຼາຍເມືອງໃຫຍ່ທົ່ວພາກໃຕ້ຂອງຕວັກກີ. ຮວມທັງຕຶກອາຄານຫຼາຍແຫ່ງໃນຊີເຣຍ ທີ່ຢູ່ຕິດກັນ ແຮງສັ່ນສະເທືອນສາມາດຮູ້ສຶກໄດ້ໄກເຖິງ Cyprus, Lebanon, Israel ແລະ Egypt, ຫຼາຍຮ້ອຍກິໂລແມັດ. ລວມທັງເກາະ Greenland ທາງເໜືອຂອງເດນມາກ ຫ່າງໄກຫຼາຍພັນກິໂລແມັດ.
ສ່ວນຊີເຣຍ ອົງການໄພພິບັດຂອງລັດຖະບານກ່າວວ່າ ມັນເປັນແຜ່ນດິນໄຫວທີ່ຮ້າຍແຮງທີ່ສຸດຂອງຊີເຣຍ. ມີຢ່າງໜ້ອຍ 1,250 ຄົນໄດ້ເສຍຊີວິດທັງຢູ່ໃນເຂດທີ່ປົກຄອງດ້ວຍລັດຖະບານ ແລະພວກກະບົດ. ໂດຍສະເພາະເມືອງ Aleppo, Latakia ແລະ Hama, ແລະຫຼາຍກວ່າ 2,400 ຄົນໄດ້ຮັບບາດເຈັບ.
ຢ່າງໃດກໍຕາມ, ຄາດວ່າຍອດຜູ້ເສຍຊີວິດ ທັງໃນຕວັກກີ-ຊີເຣຍຈະເພີ່ມຂຶ້ນອີກຫຼາຍເທົ່າຫຼັງຈາກນີ້, ເນື່ອງຈາກຍັງມີຜູ້ສູນຫາຍອີກຫຼາຍ ເພາະແຜ່ນດີໍິນໄຫວເກີດຂຶ້ນໃນຕອນກາງຄືນ ຜູ້ຄົນສາວນຫຼາຍພາກັນນອນເຮັດໃຫ້ມີໂອອກາດໜີອອກມາບໍ່ທັນ.
ອ້າງອີງ: ສຳນັກຂ່າວໄທຍ