ເກີດແຜ່ນດິນໄຫວທີ່ມີຄວາມແຮງ 7.8 ຣິກເຕີ ທີ່ປະເທດຕວັກກີ, ສ້າງແຮງສັ່ນສະເທືອນໄປໄກ ຈຶ່ງເປັນເຫດໃຫ້້ມີ​ຜູ້​ເສຍ​ຊີວິດ​ຢ່າງ​ໜ້ອຍ 253 ຄົນ, ບາດເຈັບ 1000 ຄົນ ສ່ວນ ຊີເຣຍ ເສຍຊີວິດ 237 ຄົນ ​ແລະ ບາດເຈັບອີກ 600 ຄົນ, ອາຄານ​ຫຼາຍ​ຫຼັງ​ໄດ້​ຮັບ​ຄວາມ​ເສຍ​ຫາຍຢ່າງຫຼວງຫຼາຍ.

ໃນວັນ​ທີ 6 ກຸມພາ 2023, ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ​ໄດ້​ເກີດ​ແຜ່ນດິນ​ໄຫວ​ລະດັບ 7,8 ລິກ​ເຕີ ຢູ່​ໃກ້​ເມືອງ Gaziantep ໃນພາກຕາເວັນອອກສຽງໃຕ້ຂອງຕວັກກີ ຊຶ່ງ​ຢູ່​ໃກ້​ກັບ​ຊາຍ​ແດນ​ຊີ​ເຣຍ ໄດ້ສ້າງຄວາມເສຍຫາຍໃຫ້ແກ່ອາຄານ, ເຮືອນ ແລະ ຄົນ​ໄດ້​ເສຍ​ຊີວິດຢ່າງນ້ອຍເກືອບ 500 ກວ່າຄົນ ແລະ ບາດເຈັບອີກກວ່າ 1600 ຄົນໃນສອງພືນທີ່.

ທັງນີ້, ອົງການສຳຫຼວດທໍລະນີວິທະຍາຂອງສະຫະລັດ ຄາດຄະເນວ່າ ຈຳນວນຜູ້ເສຍຊີວິດແມ່ນຢ່າງໜ້ອຍ 1,000 ຄົນ ຈາກເຫດແຜ່ນດິນໄຫວໃນຕວັກກີ-ຊີເຣຍ ເຊິ່ງສະແດງໃຫ້ເຫັນວ່າ ຈຳນວນຜູ້ເສຍຊີວິດອາດຈະສູງເຖິງ 10,000 ຄົນ, ປະເມີນໂດຍຕຸລະກີ ຈໍານວນຜູ້ເສຍຊີວິດຂັ້ນຕ່ຳແມ່ນ 4000 ຄົນສູງສຸດ 10000 ຄົນ.

ທີ່ມາ:BBC