ກະຊວງສຶກສາທິການຂອງອັຟການິສະຖານ ພາຍໃຕ້ການນຳຂອງລັດຖະບານຕາລີບັນ ມີຄຳສັ່ງໃຫ້ມະຫາວິທະຍາໄລເອກະຊົນໃນປະເທດບໍ່ອະນຸຍາດໃຫ້ນັກຮຽນຜູ້ຍິງເສັງເຂົ້າມະຫາວິທະຍາໄລໃນເດືອນໜ້າ ພ້ອມເນັ້ນຍ້ຳເຖິງນະໂຍບາຍທີ່ຈຳກັດຜູ້ຍິງບໍ່ໃຫ້ເຂົ້າສຶກສາໃນລະດັບວິຊາຊີບ.
ການປະກາດຄັ້ງນີ້ມີຂຶ້ນໃນຫຼາຍອາທິດກ່ອນອັຟການິສະຖານ ຈະຖືກຫຼາຍປະເທດກ່າວປະນາມໃຫ້ຍົກເລີກມາດຕະການຈຳກັດເສລີພາບຂອງຜູ້ຍິງ ລວມທັ້ງການຢ້ຽມຢາມຂອງເຈົ້າໜ້າທີ່ອາວຸໂສຂອງສະຫະປະຊາຊາດຫຼາຍຄົນ.
ຂໍ້ຈຳກັດໃນການເຮັດວຽກ ແລະ ການສຶກສາຂອງຜູ້ຍິງ ເຮັດໃຫ້ເກີດສຽງປະນາມຈາກນາໆຊາດ ນັກການທູດຕາເວັນຕົກສົ່ງສັນຍານວ່າກຸ່ມຕາລີບັນຕ້ອງປ່ຽນນະໂຍບາຍທີ່ມີຕໍ່ຜູ້ຍິງ ເພື່ອໃຫ້ໄດ້ຮັບການຍອມຮັບຈາກນາໆຊາດຢ່າງເປັນທາງການ.
ອັຟການິສະຖານ ກຳລັງຕົກຢູ່ໃນວິກິດເສດຖະກິດ ສ່ວນໜຶ່ງເປັນຜົນມາຈາກມາດຕະການຂວ້ຳບາດທີ່ສົ່ງຜົນຕໍ່ພາກທະນາຄານ ແລະ ການຕັດເງິນສະໜັບສະໜູນເພື່ອການພັດທະນາ ໂດຍໜ່ວຍງານຊ່ວຍເຫຼືອເຕືອນວ່າ ມີປະຊາຊົນຫຼາຍສິບຄົນຕ້ອງການຄວາມຊ່ວຍເຫຼືອຢ່າງຮີບດ່ວນ.
ຢ່າງໃດກໍຕາມ ລາຍງານຂອງທະນາຄານໂລກໃນອາທິດນີ້ຍັງລະບຸວ່າ ລັດຖະບານຕາລີບັນ ເຊິ່ງກ່າວວ່າພວກເຂົາມຸ່ງເນັ້ນໄປຫາການພຶ່ງພາຕົນເອງທາງເສດຖະກິດຫຼາຍຂຶ້ນ ສາມາດຈັບເກັບລາຍໄດ້ຫຼາຍຂຶ້ນໃນປີຜ່ານມາ ແລະ ມີການສົ່ງອອກເພີ່ມຂຶ້ນ.
ແຫຼ່ງຂ່າວ Reuters