spot_img
Homeຂ່າວຕ່າງປະເທດຜູ້ອຳນວຍການໂຮງຮຽນຖືກໄລ່ອອກ ຍ້ອນປ່ອຍໃຫ້ນັກຮຽນໃຊ້ປືນຍິງຄູອາຈານ

ຜູ້ອຳນວຍການໂຮງຮຽນຖືກໄລ່ອອກ ຍ້ອນປ່ອຍໃຫ້ນັກຮຽນໃຊ້ປືນຍິງຄູອາຈານ

Published on

ຜູ້ອຳນວຍການໂຮງຮຽນປະຖົມແຫ່ງໜຶ່ງໃນລັດເວີຈິເນຍ ຂອງສະຫະລັດອາເມຣິກາຕ້ອງຖືກໄລ່ອອກ ສາເຫດແມ່ນມາຈາກນັກຮຽນອາຍຸ 6 ປີ ໄດ້ຍິງປືນໃສ່ຄູຈົນໄດ້ຮັບບາດເຈັບເຫດການເກີດຂື້ນໃນຕອນຕົ້ນເດືອນ.

ສາວຄູ ອາບິເກລ ສະເວີເນີ ອາຍຸ 25 ປີ ຫາກໍອອກຈາກໂຮງໝໍໃນອາທິດທີ່ຜ່ານມາ ຫຼັງຈາກຖືກຍິງບໍລິເວນໜ້າເອິກໃນຫ້ອງຮຽນໂດຍ ໄດແອນ ໂທສກາໂນ ທະນາຍຂອງອາບິເກລ ໄດ້ກ່າວໃນການຖະແຫຼງຂ່າວວ່າ: ນາງຖືກຍິງໂດຍເຈຕະນາຕໍ່ໜ້ານັກຮຽນຄົນອື່ນໆພາຍໃນຫ້ອງ ທີ່ໂຮງຮຽນປະຖົມ Richneck ໃນເມືອງນິວພັອດ ເມື່ອຕົ້ນເດືອນມັງກອນທີ່ຜ່ານມາ.

ທະນາຍຍັງຍັງໄດ້ເປີດເຜີຍອີກວ່າ: ລູກຄວາມຂອງຕົນ ແລະ ຄູຄົນອື່ນໆ ໄດ້ແຈ້ງຕໍ່ຜູ້ອຳນວຍການໂຮງຮຽນເລື່ອງເດັກນ້ອຍອາຍຸ 6 ປີ ຄົນກໍ່ເຫດດັ່ງກ່າວເຖິງ 3 ເທື່ອແລ້ວແຕ່ທາງໂຮງຮຽນກໍບໍ່ສົນໃຈ ແລະ ປ່ອຍປະລະເລີຍຕໍ່ເຫດການດັ່ງກ່າວ.

ຈາກເຫດການດັ່ງກ່າວທີ່ເກີດຂື້ນ ເຮັດໃຫ້ຜູ້ອຳນວຍການໂຮງຮຽນຖືກໄລ່ອອກຈາກຕຳແໜ່ງ ແລະ ມີການຫາຜູ້ອຳນວຍຄົນໃໝ່ມາບໍລິຫານຕໍ່ ເພື່ອສ້າງຄວາມປ່ຽນແປງ ຄວາມປອດໄພຕໍ່ກັບຄູ ແລະ ນັກຮຽນໃນອະນາຄົດ.

ສ່ວນພໍ່ ແລະ ແມ່ຂອງເດັກນ້ອຍຄົນດັ່ງກ່າວ ໄດ້ມີການຖະແຫຼງການວ່າ ລູກຊາຍຂອງຕົນລັກເອົາປືນຂອງແມ່ມາໂຮງຮຽນ ເຊິ່ງປືນຖືກເກັບໄວ້ໃນຕູ້ໃນສະພາບທີ່ປ້ອງກັນການໃຊ້ງານ ແຕ່ລູກຊາຍຂອງພວກເຂົາ ເປັນເດັກພິເສດໂດຍປົກກະຕິແລ້ວຈະມີຄົນໃນຄອບຄົວໄປເຝົ້າຢູ່ໂຮງຮຽນນຳ ແຕ່ໃນອາທິດທີ່ເກີດເຫດຄົນໃນຄອບຄົວບໍ່ໄດ້ໄປເຝົ້າ ເລີຍເຮັດໃຫ້ເກີດເຫດການດັ່ງກ່າວຂື້ນ

ປົດຈຸບັນ ລາຍງານລະບຸວ່າເດັກນ້ອຍບໍ່ໄດ້ຖືກຕັ້ງຂໍ້ຫາ ແຕ່ຜູ້ປົກຄອງຈະຖືກຕັ້ງຂໍ້ຫາເນື່ອງຈາກວ່າປ່ອຍໃຫ້ເດັກພົກພາປືນ.

ແຫຼ່ງຂ່າວ The New York Time

ບົດຄວາມຫຼ້າສຸດ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 -...

ສານຫວຽດນາມ ດຳເນີນຄະດີຜູ້ຕ້ອງສົງໃສພະນັກງານລັດ 41 ຄົນ ໃນຂໍ້ຫາສໍ້ລາດບັງຫຼວງ ສ້າງຄວາມເສຍຫາຍ 45 ລ້ານໂດລາ

ສານຫວຽດນາມໄດ້ເປີດການພິຈາລະນາຄະດີສໍ້ລາດບັງຫຼວງ ແລະ ຮັບສິນບົນ ມູນຄ່າ ເກືອບ 1,500 ລ້ານບາດ ຫຼື ປະມານ 45 ລ້ານໂດລາ. ສຳນັກຂ່າວຕ່າງປະເທດລາຍງານໃນວັນທີ 24 ມິຖຸນາ 2025,...

ນໍ້າຖ້ວມຮຸນແຮງຢູ່ແຂວງກຸຍໂຈ ຂອງ ສປ ຈີນ

ຝົນຕົກໜັກຕໍ່ເນື່ອງເຮັດໃຫ້ນໍ້າຖ້ວມໜັກໜ່ວງຢູ່ແຂວງກຸຍໂຈ (Guizhou) ຂອງ ສປ ຈີນ, ປະຊາຊົນ 80,000 ກວ່າຄົນ ຕ້ອງໄດ້ອົບພະຍົບຢ່າງເລັ່ງດ່ວນ. ລັດຖະບານຈີນໄດ້ປະກາດຍົກລະດັບມາດຕະການສຸກເສີນເພື່ອຮັບມືກັບໄພນໍ້າຖ້ວມກະທັນ, ເນື່ອງຈາກຝົນຕົກໜັກຕໍ່ເນື່ອງເປັນເວລາຫຼາຍມື້ໃນແຂວງກຸຍໂຈ ເຊິ່ງຕັ້ງຢູ່ທາງຕາເວັນຕົກສ່ຽງໃຕ້ຂອງ ສປ ຈີນ, ໂດຍລະດັບນໍ້າ...

ໄປບໍ່ລອດ! ເຈົ້າໜ້າທີ່ອຸທະຍານ ແຫ່ງປະເທດໄທ ຈັບກຸມຄົນລາວ 2 ຄົນ ລັກລອບຂາຍຊາກສັດປ່າ

ເຈົ້າໜ້າທີ່ໄທ ຈັບກຸມ 2 ຊາວລາວ ກຽມລັກລອບຄ້າຂາຍຊາກສັດປ່າຫຼາຍກວ່າ 101 ກິໂລກຼາມ ສຳນັກຂ່າວຕ່າງປະເທດລາຍງານໃນວັນທີ 25 ມິຖຸນາ 2025 ຜ່ານມາ, ເຈົ້າໜ້າທີ່ກົມອຸທະຍານແຫ່ງຊາດ ສັດປ່າ ແລະ...