ໃນປີ 2021 ຄະນະກຳມາທິການເອີຣົບລະບຸວ່າ 98% ຂອງແຮ່ທາດທີ່ຫາຍາກທີ່ໃຊ້ໃນສະຫະພາບເອີຣົບມີການນຳເຂົ້າຈາກຈີນ ເຮັດໃຫ້ເກີດສຽງຮຽກຮ້ອງໃຫ້ຫຼາຍປະເທດສະມາຊິກເລັ່ງພັດທະນາຄວາມສາມາດໃນການສະກັດແຮ່ທາດຂອງຕົນເອງ ໂດຍແຮ່ທາດຫາຍາກຫຼາຍຊະນິດກໍຄື ນີໂອດິມຽມ ເພຣຊີໂອດິມຽມ ແລະ ດິສໂພຣຊຽມ ທີ່ມີຄວາມສຳຄັນຕໍ່າກນຜະລິດແມ່ເຫຼັກ ເຊິ່ງຈະໃຊ້ໃນອຸດສາຫະກຳແຫ່ງອະນາຄົດ ເຊັ່ນ ກັງຫັນລົມ ລົດໄຟຟ້າ ໂທລະສັບ ໜ້າຈໍຄອມພິວເຕີ ເລນກ້ອງສ່ອງທາງໄກ ແລະ ອື່ນໆ.
ຫຼ້າສຸດ LKAB ກຸ່ມຂຸດຄົ້ນບໍ່ແຮ່ຂອງສະວີເດນ ໄດ້ຄົ້ນພົບແຫຼ່ງສະສົມທາດຫາຍາກເຫຼົ່ານີ້ຫຼາຍກວ່າພັນລ້ານກິໂລກຼາມ ເຊິ່ງນັບວ່າໃຫຍ່ທີ່ສຸດໃນເອີຣົບ ແຕ່ຖ້າທຽບກັບໂລກແລ້ວ ແຫຼ່ງທີ່ພົບນີ້ຍັງມີຂະໜາດນ້ອຍ ພຽງແຕ່ 1% ຂອງທັງໝົດທີ່ມີຢູ່ 120.000 ລ້ານກິໂລກຼາມທີ່ປະເມີນໄວ້ທົ່ວໂລກ ໂດຍການສຳຫຼວດທາງວິທະຍາສາດຂອງອາເມຣິກາ ກຸ່ມຂຸດຄົ້ນບໍ່ແຮ່ກໍຍັງກຳລັງດຳເນີນການສຳຫຼວດ ເພື່ອເບິ່ງວ່າແຫຼ່ງນີ້ຈະໃຫຍ່ສຳໃດ ແລະ ຈະຂຸດຄົ້ນຕໍ່ໄປແບບໃດ.
ສະວີເດັນເປັນໜຶ່ງໃນປະເທດທີ່ມີບໍ່ແຮ່ທີ່ໃຫຍ່ທີ່ສຸດໃນບັນດາປະເທດໃນເອີຣົບ ຫຼາຍກວ່າ 90% ຂອງການຜະລິດແຮ່ເຫຼັກ ຂອງສະຫະພາບເອີຣົບມາຈາກປະເທດໃນບໍລິເວນສະແກນເນເວຍ.
ແຫຼ່ງຂ່າວຈາກ businessgreen