spot_img
Homeຂ່າວເຫດການ ຄວນມີມາດຕະການຕໍ່ລົດຈຳໂບ້ - ຕຸກໆ ສວຍໂອກາດສໍ້ໂກງລາຄາໂດຍສານ!

ຄວນມີມາດຕະການຕໍ່ລົດຈຳໂບ້ – ຕຸກໆ ສວຍໂອກາດສໍ້ໂກງລາຄາໂດຍສານ!

Published on

djle1ear

 

ຂະນະທີ່ອົງການກ່ຽວຂ້ອງຢູ່ນະຄອນຫລວງວຽງຈັນ ໄດ້ຖືສຳຄັນໃນການຄຸ້ມຄອງການແລ່ນໂດຍສານຕຸກໆ-ຈຳໂບ້

ລວມໄປເຖິງລົດສອງແຖວທີ່ແລ່ນຕາມ ເສັ້ນທາງສາຍສຳຄັນຕ່າງໆ, ນັບທັງສະຖານີລົດໂດຍສານສາຍເໜືອ ແລະ

ໃຕ້ ໃຫ້ເຂົ້າສູ່ລະບຽບຫລັກການ, ເພື່ອກຽມຮອງຮັບການເຂົ້າຮ່ວມປະຊາຄົມເສດຖະກິດອາຊຽນໃນປີ 2015, ແຕ່ກໍ

ຍັງມີບາງປາກົດການຫຍໍ້ທໍ້ທີ່ເກີດຂຶ້ນຢູ່ໃນການ​ບໍລິການ​ໂດຍສານດັ່ງກ່າວ ​ໂດຍ​ສະ​ເພາະແມ່ນປາກົດ​ການສໍ້ໂກງ

ລາຄາໂດຍສານທີ່ມາຈາກຕ່າງແຂວງ, ເຂດຫ່າງໄກສອກຫລີກ, ລວມໄປເຖິງນັກທ່ອງທ່ຽວຊາວຕ່າງປະເທດ, ທີ່ເຂົ້າ

ມາທ່ຽວນະຄອນຫລວງ ​ໂດຍ​ອາໄສ​ການບໍ່ຮູ້ພາສາລາວ​ ເພື່ອ​ໂກງ​ລາຄາ​ຄ່າ​ໂດຍສານຈຶ່ງເກີດມີຫາງສຽງຈາກສັງຄົມ

ຕາມມາຢ່າງແຜ່ຫລາຍ.

 

ສະພາບການດັ່ງກ່າວນັ້ນ ໄດ້ເກີດມີມາເປັນເວລາດົນນານແລ້ວ, ແຕ່ພາກສ່ວນກ່ຽວຂ້ອງ​ເມີນ​ເສີຍ ​ແລະ ຖືເບົາຕໍ່

ບັນຫາ. ຊຶ່ງຕາມທຳມະດາແລ້ວ ລົດຕຸກໆ-ຈຳໂບ້, ສອງແຖວທີ່ແລ່ນຮັບ-ສົ່ງໂດຍສານຕາມສາຍທາງຕ່າງໆໄດ້ຕິດ

ລາຄາຄ່າໂດຍສານຈາກຄີວຈອດລົດແຕ່ລະຈຸດໄປຫາປາຍທາງແຕ່ລະບ່ອນ ຈະມີລາຄາແຕກຕ່າງກັນທີ່ຄະນະກຳ

ມະການໄດ້ກຳນົດໄວ້, ແຕ່ກົງກັນຂ້າມ ເຈົ້າຂອງຜູ້ປະກອບການ ບໍ່ໄດ້ຖືສຳຄັນມີແຕ່ໃຊ້ປາກເວົ້າຕາມໃຈມັກຂອງ

ເຂົາເຈົ້າ ເຊັ່ນວ່າ: ຄ່າໂດຍສານຈາກທາງ 13 ໃຕ້ ເຂົ້າມາຕົວເມືອງຍາມເວລາຄ່ຳຄືນມີ​ລາຄາແພງເກີນຂອບເຂດ

ບາງຄັ້ງ ມີ​ລາຄາ​ສູງ​ເປັນ​ແສນກີບ/ຄົນ, ຖ້າ​ແມ່ນນັກ ທ່ອງ ທ່ຽວຕ່າງປະເທດພວກເຂົາຈະເອົາເປັນເງິນຕາ​ແຕ່ 10

-20 ໂດລາສະຫະລັດ/ຄົນ ແລະ ໄປ ຍັງຈຸດອື່ນໆກໍມີລາຄາສູງຂຶ້ນ ເຊັ່ນ ດຽວກັນ, ເຖິງແມ່ນຄົນໂດຍສານຈະມີການ

ຕໍ່ລອງແຕ່ກໍບໍ່ມີ ຜົນປະໂຫຍດມີແຕ່ສ້າງຄວາມ ເຂົ້າໃຈຜິດໃຫ້ແກ່ກັນໃນ ທີ່ສຸດກໍ ເກີດມີຫາງສຽງຈາກສັງຄົມ,

ກໍໃຫ້ເກີດມີພາບພົດບໍ່ດີຕໍ່​ບ້ານ​ເມືອງເຮົາ. ດັ່ງນັ້ນຈຶ່ງຮຽກ ຮ້ອງມາຍັງພາກສ່ວນກ່ຽວ​ຂ້ອງ ກວດ ກາຄືນເຖິງການ

ກະທຳຂອງພວກສວຍໂອກາດອັນໄດ້ ສ້າງສິ່ງກີດຂວາງການທ່ອງ ທ່ຽວສ້າງຄວາມເຊື່ອມສັດທາຕໍ່ພາບ​ພົດ ​ແລະ

ຊື່​ສຽງ​ຂອງປະເທດເຮົາ.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 -...

ສານຫວຽດນາມ ດຳເນີນຄະດີຜູ້ຕ້ອງສົງໃສພະນັກງານລັດ 41 ຄົນ ໃນຂໍ້ຫາສໍ້ລາດບັງຫຼວງ ສ້າງຄວາມເສຍຫາຍ 45 ລ້ານໂດລາ

ສານຫວຽດນາມໄດ້ເປີດການພິຈາລະນາຄະດີສໍ້ລາດບັງຫຼວງ ແລະ ຮັບສິນບົນ ມູນຄ່າ ເກືອບ 1,500 ລ້ານບາດ ຫຼື ປະມານ 45 ລ້ານໂດລາ. ສຳນັກຂ່າວຕ່າງປະເທດລາຍງານໃນວັນທີ 24 ມິຖຸນາ 2025,...

ນໍ້າຖ້ວມຮຸນແຮງຢູ່ແຂວງກຸຍໂຈ ຂອງ ສປ ຈີນ

ຝົນຕົກໜັກຕໍ່ເນື່ອງເຮັດໃຫ້ນໍ້າຖ້ວມໜັກໜ່ວງຢູ່ແຂວງກຸຍໂຈ (Guizhou) ຂອງ ສປ ຈີນ, ປະຊາຊົນ 80,000 ກວ່າຄົນ ຕ້ອງໄດ້ອົບພະຍົບຢ່າງເລັ່ງດ່ວນ. ລັດຖະບານຈີນໄດ້ປະກາດຍົກລະດັບມາດຕະການສຸກເສີນເພື່ອຮັບມືກັບໄພນໍ້າຖ້ວມກະທັນ, ເນື່ອງຈາກຝົນຕົກໜັກຕໍ່ເນື່ອງເປັນເວລາຫຼາຍມື້ໃນແຂວງກຸຍໂຈ ເຊິ່ງຕັ້ງຢູ່ທາງຕາເວັນຕົກສ່ຽງໃຕ້ຂອງ ສປ ຈີນ, ໂດຍລະດັບນໍ້າ...

ໄປບໍ່ລອດ! ເຈົ້າໜ້າທີ່ອຸທະຍານ ແຫ່ງປະເທດໄທ ຈັບກຸມຄົນລາວ 2 ຄົນ ລັກລອບຂາຍຊາກສັດປ່າ

ເຈົ້າໜ້າທີ່ໄທ ຈັບກຸມ 2 ຊາວລາວ ກຽມລັກລອບຄ້າຂາຍຊາກສັດປ່າຫຼາຍກວ່າ 101 ກິໂລກຼາມ ສຳນັກຂ່າວຕ່າງປະເທດລາຍງານໃນວັນທີ 25 ມິຖຸນາ 2025 ຜ່ານມາ, ເຈົ້າໜ້າທີ່ກົມອຸທະຍານແຫ່ງຊາດ ສັດປ່າ ແລະ...