ລັດຖະບານ ສປ ຈີນ ໄດ້ສະໜອງເງິນກູ້ພິເສດຈຳນວນ 617,5 ລ້ານຢວນ ຫຼື ປະມານ 600 ຕື້ກວ່າກີບ ໃຫ້ແກ່ລັດຖະບານ
ລາວ ເພື່ອນຳໃຊ້ເຂົ້າໃນໂຄງການພັດທະນາກວມລວມນະຄອນຫຼວງວຽງຈັນ.
ໂດຍໃນວັນທີ 21 ພະຈິກຜ່ານມາ ທີ່ຫ້ອງວ່າການລັດຖະບານກໍໄດ້ຈັດພິທີເຊັນສັນຍາ ວ່າດ້ວຍ ສປ ຈີນ ສະໜອງ ເງິນກູ້ພິ
ເສດຈຳນວນດັ່ງກ່າວໃຫ້ແກ່ ສປປ ລາວ ຊຶ່ງຮ່ວມລົງນາມຄັ້ງນີ້ຕາງໜ້າໃຫ້ລັດຖະບານລາວໂດຍ ທ່ານ ສົມສະຫວາດ ເລັ່ງ
ສະຫວັດ ຮອງນາຍົກລັດຖະມົນຕີ, ປະທານຄະນະກຳມາທິການຮ່ວມມືລາວ-ຈີນ ແລະ ຕາງໜ້າໃຫ້ລັດຖະບານຈີນແມ່ນ
ທ່ານ ກວນ ຮວາປິງ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປ ຈີນ ປະຈຳລາວ ພ້ອມນີ້ ກໍມີທ່ານລັດຖະ
ມົນຕີວ່າການ, ລັດຖະມົນຕີຊ່ວຍວ່າການທີ່ກ່ຽວຂ້ອງ, ຜູ້ຕາງໜ້າອຳນາດການປົກຄອງ ນະຄອນຫຼວງວຽງຈັນ ແລະ ພະ
ນັກງານຂັ້ນສູງຈາກບັນດາຂະແໜງການ ແລະ ຈາກສະຖານທູດຈີນປະຈຳລາວເຂົ້າຮ່ວມ.
ໂຄງການດັ່ງກ່າວ ເປັນໜຶ່ງໃນໂຄງການບູລິມະສິດທີ່ຈຳເປັນຮີບດ່ວນຂອງລັດຖະບານລາວ ເພື່ອຍົກລະດັບພື້ນຖານໂຄງ
ລ່າງໃນເຂດຕົວເມືອງນະຄອນຫຼວງວຽງຈັນ ທັງການປັບປຸງທັດສະນີຍະພາບ, ເສັ້ນທາງ, ການປະດັບປະດາ ແລະ ອື່ນໆ
ເພື່ອປະກອບສ່ວນສ້າງສິ່ງເອື້ອອຳນວຍໃຫ້ແກ່ແຜນງານໃຫຍ່ ແລະ ສຳຄັນຂອງຊາດເຮົາ, ສ້າງຜົນງານຂ່ຳນັບຮັບຕ້ອນ
ແລະ ພ້ອມກັນສະເຫຼີມສະຫຼອງ ເນື່ອງໃນໂອກາດວັນສຳຄັນຕ່າງໆຂອງຊາດລາວ ໂດຍສະເພາະການສະເຫຼີມສະຫຼອງວັນ
ສ້າງຕັ້ງພັກປະຊາຊົນປະຕິວັດລາວ ຄົບຮອບ 60 ປີ, ສະຫຼອງ 40 ປີແຫ່ງການສະຖາປະນາ ສປປ ລາວ ທີ່ຈະມາເຖິງໃນປີ
2015, ກອງປະຊຸມໃຫຍ່ຄັ້ງທີ 10 ຂອງພັກປະຊາຊົນປະຕິວັດລາວ ແລະ ກອງປະຊຸມສຸດຍອດອາຊຽນໃນປີ 2016 ທີ່ ສປປ
ລາວ ໄດ້ຮັບກຽດເປັນເຈົ້າພາບ.
ແຫລ່ງຂ່າວ: ເສດຖະກິດ – ສັງຄົມ