ເກີດເຫດລະເບີດທີ່ໂຮງງານເຄມີໃນຈີນຢ່າງຮຸນແຮງ ເຮັດໃຫ້ມີຄົນເສຍຊີວິດ 5 ຄົນ ບາດເຈັບ 34 ຄົນ ແລະ ມີຄົນສູນຫາຍອີກ 8 ຄົນ.
ອ້າງອີງຈາກສຳນັກຂ່າວ China Daily ລາຍງານວ່າ ໃນຕອນສວຍຂອງ ວັນທີ 15 ມັງກອນ ໄດ້ເກີດເຫດລະເບີດຂຶ້ນທີ່ມົນທົນຫຼຽວໜິງ ປະເທດຈີນ.
ຈາກເຫດລະເບີດທີ່ຮຸນແຮງນັ້ນ ຈຶ່ງໄດ້ສົ່ງເຈົ້າໜ້າທີ່ດັບເພີງ 370 ຄົນ ເຂົ້າໄປປະຕິບັດໜ້າທີ່ຢູ່ໂຮງງານແຫ່ງນີ້ ແລະ ສາມາດຄວບຄຸມສະຖານະການໄວ້ໄດ້.
ປັດຈຸບັນ ຍັງບໍ່ມີລາຍງານທີ່ຊັດເຈນຂອງເຫດລະເບີດ ແລະ ສະຫຼຸບຄວາມເສຍຫາຍທີ່ເກີດຂຶ້ນ.
