ເຫດຊາຍໃຊ້ອາວຸດໄລ່ແທງຄົນໃນສະຖານີລົດໄຟໃນປາຣີດ ປະເທດຝຣັ່ງ ເປັນເຫດໃຫ້ມີຄົນໄດ້ຮັບບາດເຈັບ 6 ຄົນ ແລະ ໃນນັ້ນມີ 1 ຄົນທີ່ອາການສາຫັດ.

ໃນວັນພຸດ ທີ 11 ມັງກອນ 2023 ທີ່ຜ່ານມາ ທາງການຝຣັ່ງໄດ້ລາຍງານວ່າ ມີຜູ້ຊາຍກໍ່ເຫດໄລ່ແທງນັກທ່ອງທ່ຽວດ້ວຍອາວຸດທີ່ເຮັດເອງ ທີ່ທາງເຂົ້າ ແລະ ພາຍໃນສະຖານີລົດໄຟ Gare du Nord ໃນປາຣີດ ປະເທດຝັ່ງ ເຊິ່ງໃນຕອນທຳອິດຕຳຫຼວດລາຍງານວ່າ ຊາຍຄົນນີ້ໃຊ້ມີດ ຫຼື ດາບ ກໍ່ເຫດ ເຮັດໃຫ້ມີຄົນບາດເຈັບ 6 ຄົນ ແລະ 1 ຄົນໃນນັ້ນບາດເຈັບສາຫັດ.

ມີຕຳຫຼວດທີ່ກຳລັງເດີນທາງກັບບ້ານ ໂດຍໃຊ້ສະຖານີລົດໄຟ ໄດ້ພົບເຫດຜູ້ກໍ່ເຫດຈຶ່ງໄດ້ຍິງໃສ່ຜູ້ກໍ່ເຫດຈຳນວນ 3 ລູກ ເພື່ອບໍ່ໃຫ້ໄປທຳຮ້າຍຜູ້ອື່ນອີກ ແລະ ນຳຕົວຜູ້ກໍ່ເຫດໄປສົ່ງໂຮງໝໍດ້ວຍອາການສາຫັດ ເບື້ອງຕົ້ນຕຳຫຼວດບໍ່ພົບເອກະສານຫຼັກຖານຢືນຢັນຕົວຕົນຂອງຜູ້ກໍ່ເຫດ ແລະ ຍັງບໍ່ຮູ້ສາເຫດແຮງຈູງໃຈທີ່ກໍ່ເຫດ.