ໃນວັນທີ 30 ທັນວາ 2022 ສຳນັກງານຕຳຫຼວດ Pueblo ຂອງປະເທດອາເມຣິກາ ລາຍງານວ່າ ໄດ້ຈັບ ທ້າວ ເອຣິກ ແບຣມໄຊເບີ (Eric Bramschreiber) ອາຍຸ 55 ປີ ພາຍຫຼັງລາວໄດ້ໃຊ້ອາວຸດປືນຍິງໃສ່ຂາຂອງພັນລະຍາຕົນເອງ.
![horn-honk-shooting-eric-bramschreiber-from-pueblo-cnty-so-tweet.jpg](https://assets1.cbsnewsstatic.com/hub/i/r/2022/12/31/18a04cd6-d88f-44e9-902d-b3cf8bfbc96c/thumbnail/620x786/d1845fce8a23d816ef74a000d29cb613/horn-honk-shooting-eric-bramschreiber-from-pueblo-cnty-so-tweet.jpg#)
ໂດຍກ່ອນໜ້ານັ້ນ ທັງສອງສາມີພັນລະຍາ ໄດ້ຂັບລົດໄປຊື້ລົດທີ່ບໍລິເວນນອກເມືອງ ເຊິ່ງຜູ້ເປັນສາມີກໍໄດ້ລົງໄປເພື່ອເຈລະຈາຊື້ລົດຄົນດຽວ ແລ້ວປ່ອຍໃນຜູ້ເປັນພັນລະຍານັ່ງຖ້າຢູ່ລົດກະບະຕົນ.
ພາຍຫຼັງຜ່ານໄປປະມານ 30 ນາທີ ຜູ້ເປັນພັນລະຍາທີ່ນັ່ງຖ້າຢູ່ລົດກໍໄດ້ເລີ່ມບີບແກ ເພື່ອເລັ່ງໃຫ້ສາມີຕົນອອກມາ.
ປະຊາຊົນທີ່ພົບເຫັນເຫດການ ໄດ້ເລົ່າຕໍ່ເຈົ້າໜ້າທີ່ຕຳຫຼວດວ່າ: ພາຍຫຼັງທີ່ຜູ້ເປັນສາມີໄດ້ອອກມາຈາກບ່ອນເຈລະຈາຊື້ລົດ ແລ້ວກໍໄດ້ໃຊ້ປືນຍິງໃສ່ລົດກະບະຕົນເອງ 3 ຄັ້ງ.
ເຊິ່ງ 1 ໃນ 3 ລູກປືນທີ່ຜູ້ເປັນສາມີຍິງໃສ່ ແມ່ນຖືກຂາຂອງພັນລະຍາ ອາຍຸ 56 ປີ ຫຼັງຈາກນັ້ນກໍໄດ້ຖືກນຳສົ່ງໂຮງໝໍເພື່ອຮັກສາ ແລະ ສົ່ງກັບບ້ານໃນເວລາຕໍ່ມາ.
ແຫຼ່ງຂ່າວ cbsnews