ພູເຂົາໄຟເຊເມຣູ ໃນອິນໂດເນເຊຍ ເກີດເຫດປະທຸຂຶ້ນ ໃນຕອນເຊົ້າວັນອາທິດ ທີ 4 ທັນວາ ຜ່ານມາ, ໄດ້ເອົາຄວັນຂີ້ຖ່ານພັດຂຶ້ນສູ່ຊັ້ນບັນຍາກາດສູງ 1.5 ກິໂລແມັດ ແລະ ລາວາໄຫຼລົ້ນອອກມາ ທາງການອິນໂດເນເຊຍປະກາດເຕືອນໄພລະດັບສູງສຸດ.
ດ້ານສໍານັກງານອຸຕຸນິຍົມວິທະຍາຂອງຍີ່ປຸ່ນຊັ້ນສູງລາຍງານວ່າ: ຄວັນ ແລະ ຂີ້ຖ່ານປະທຸຂອງພູເຂົາໄຟເຊເມຣູມີການຂະຫຍາຍຕົວຂຶ້ນເທິງຟ້າ 15 ກິໂລແມັດ ແລະໄດ້ເຝົ້າລະວັງຄວາມເປັນໄປໄດ້ທີ່ເກີດຈາກສຶນາມິ.
ດ້ານໜ່ວຍງານຈັດການໄພພິບັດຂອງອົງການ (BNPB) ແນະນຳໃຫ້ປະຊາຊົນຫຼີກຫຼ່ຽງ ຫຼື ເຮັດກິດຈະກຳ ຫຼືໃຊ້ຊີວິດ ພາຍໃນລັດມີ 8 ກິໂລແມັດຂອງພູເຂົາໄຟເຊເມຣູ ແລະ ລະບຸວ່າ: ຂະນະນີ້ຍັງບໍ່ມີລາຍງານຜູ້ໄດ້ຮັບບາດເຈັບ ແລະ ເສຍຊີວິດ ໂດຍປະຊາຊົນ 1,979 ຄົນ ຖືກອົບພະຍົບອອກຈາກສູນພັກພິງ 11 ແຫ່ງ ແລະ ທາງການໄດ້ແຈກຈ່າຍ ໜ້າກາກອະນາໄມ ໃຫ້ກັບປະຊາຊົນແລ້ວ.
ສຳລັບພູເຂົາໄຟເຊເມຣູ ເປັນພູທີ່ສູງສຸດເທິງເກາະຊວາ ເຊິ່ງການປະທຸຂອງມັນຂ້ອນຂ້າງອັນຕະລາຍ ໃນການປະທຸເມື່ອປີທີ່ແລ້ວ ເຮັດໃຫ້ມີຄົນເສຍຊີວິດ 50 ຄົນ ແລະ ເຮັດປະຊາຊົນຫຼາຍພັນຄົນຕ້ອງອົບພະຍົບ.
ທີ່ມາ:PPTV