spot_img
Homeຂ່າວຢາເສບຕິດ7 ຈໍາເລີຍ ໃນຂໍ້ຫາຢາເສບຕິດ ຖືກສານອຸດົມໄຊ ຕັດສິນລົງໂທດ

7 ຈໍາເລີຍ ໃນຂໍ້ຫາຢາເສບຕິດ ຖືກສານອຸດົມໄຊ ຕັດສິນລົງໂທດ

Published on

ວັນທີ 24 ພະຈິກ 2022, ຄະນະສານປະຊາຊົນຂັ້ນຕົ້ນ ແຂວງອຸດົມໄຊ ພ້ອມດ້ວຍອົງການໄອຍາການປະຊາຊົນແຂວງ ໄດ້ພິຈາລະນາຕັດສິນລົງໂທດ ຈຳເລີຍ 7 ຄົນ ໃນຂໍ້ຫາຄ້າຂາຍ ແລະ ມີຢາເສບຕິດໄວ້ໃນຄອບຄອງ.
ຈຳເລີນປະກອບມີ:

1. ນາງ ຈໍເລົາ ອາຍຸ 41 ປີ, ປະຊາຊົນຢູ່ບ້ານໜອງບົວແດງ ເມືອງຮຸນ ແຂວງອຸດົມໄຊ ຖືກກັກຕົວວັນທີ 3 ມີຖຸນາ 2022 ຂໍ້ຫາຄ້າຂາຍຢາບ້າ ແລະ ມີຢາບ້າໄວ້ຄອບຄອງ 1 ຖົງ, ມີ 189 ເມັດ ນໍ້າໜັກ 17,9 ກຼາມ;
2. ທ້າວ ເປງ ອາຍຸ 41 ປີ, ວາງງານ ບ້ານໄລ່ໃຫຍ່, ເມືອງແບງ ແຂວງອຸດົມໄຊ ຖືກກັກຕົວວັນທີ 5 ຕຸລາ 2021 ຂໍ້ຫາມີຢາບ້າໄວ້ໃນຄອບຄອງ 60 ເມັດ ນໍ້າໜັກ 6 ກຼາມ;
3. ທ້າວ ເພັດ ອາຍຸ 28 ປີ, ວາງງານ ບ້ານໂພແກ້ວ ເມືອງແບງ ແຂວງອຸດົມໄຊ ຖືກກັກຕົວວັນທີ 12 ຕຸລາ 2021 ຂໍ້ຫາຄ້າຂາຍຢາບ້າໄວ້ໃນຄອບຄອງ 52 ເມັດ ໜັກ 5,3 ກຼາມ;
4. ນາງ ມອນ ອາຍຸ 40 ປີ, ຢູ່ບ້ານຫ້ວຍຊານ, ເມືອງງາ ແຂວງອຸດົມໄຊ ຖືກກັກຕົວວັນທີ 26 ເມສາ 2022 ຂໍ້ຫາຄ້າຂາຍຢາບ້າ ແລະ ມີຢາບ້າໄວ້ໃນຄອບຄອງ 91 ເມັດ ນໍ້າໜັກ 7,9 ກຼາມ;
5. ທ້າວ ຄືນ ອາຍຸ 22 ປີ, ຢູ່ບ້ານຕົງປຼາງ ເມືອງໄຊ ແຂວງອຸດົມໄຊ ຖືກກັກຕົວວັນທີ 13 ພະຈິກ 2022 ຂໍ້ຫາຄ້າຂາຍຢາບ້າ ແລະ ມີຢາບ້າໄວ້ໃນຄອບຄອງ 1 ຖົງ, ມີ 200 ເມັດ ນໍ້າໜັກ 20 ກຼາມ;
6. ທ້າວ ເພັດ ວົງມະນີ ອາຍຸ 26 ປີ, ຢູ່ບ້ານໂຮມໄຊຄໍາ ເມືອງແບງ ແຂວງອຸດົມໄຊ ຖືກກັກຕົວວັນທີ 21 ເມສາ 2022 ຂໍ້ຫາຄ້າຂາຍຢາບ້າຢາບ້າ ແລະ ມີຢາບ້າໄວ້ໃນຄອບຄອງ 52 ເມັດ ນໍ້າໜັກ 5,3 ກຼາມ ພ້ອມທັງຮິບຢາບ້າທັງໝົດມາທໍາລາຍຖິ້ມ.
ຜ່ານຂະບວນການດຳເນີນການສືບສວນ-ສອບສວນຂອງເຈົ້າໜ້າທີ ແລະ ຂໍ້ມູນຫຼັກຖານທີ່ມີຢູ່ໃນສຳນວນຄະດີ ສານຂັ້ນຕົ້ນແຂວງອຸດົມໄຊ ໄດ້ພິຈາລະນາລົງໂທດຕັດອິດສະຫຼະພາບ 6 ຈໍາເລີຍ ຮັບໂທດທາງອາຍາໃຫ້ຈໍາຄຸກຄົນລະ 5 ປີ, ປັບໄໝຜູ້ລະ 10.000.000 ກີບ ແລະ ຮິບຢາເສບຕິດຈໍານວນດັ່ງກ່າວມາທຳລາຍຖິ້ມ.

7. ຈຳເລີຍຊື່: ທ້າວ ລີອ່ອນ ປະຊາຊົນບ້ານຈັນໄຕ, ເມືອງຮຸນ, ແຂວງອຸດົມໄຊ, ຖືກກັກຕົວວັນທີ 6 ເມສາ 2022 ຂໍ້ຫາມີຢາບ້າໄວ້ໃນຄອບຄອງ 976 ເມັດ, ນໍ້າໜັກ 90,5 ກຼາມ ຖືກຕັດອິດສາລະພາບຈໍາຄຸກ 6 ປີ ແລະ ປັບໃໝ່ 12.000.000 ກີບ, ຮິບເງິນຈໍານວນ 200.000 ກີບ ແລະ ລົດຈັກຍີ່ຫໍ້ HONDAWAVE ສີດໍາ-ເທົາ ໝາຍເລກທະບຽນ ອຸດົມໄຊ ຈຈ 2302 ຂອງຈໍາເລີຍທີ່ມີສ່ວນກ່ຽວຂ້ອງກັບລາຍຄະດີມາເປັນຂອງລັດ.
ຂ່າວ: ປກສ ແຂວງອຸດົມໄຊ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...