ພາຍຫຼັງອະດີດປະທານາທິບໍດີອາເມຣິກາ ໂດນັນ ທຣັມ ເຄີຍຖືກ Twitter ບລັອກການໃຊ້ບັນຊີຂອງລາວເອງໃນປີກາຍນີ້ ຫຼ້າສຸດ ອີລອນ ມາສ ທີ່ເປັນເຈຝົາຂອງ Twitter ຄົນໃໝ່ໄດ້ມາຊ່ວຍປົດການແບນໃຫ້ ໂດນັນ ທຣັມ ແລ້ວ.
ອ້າງອີງຈາກບັນຊີ Twitter ຂອງ ອີລອນ ມາສ ໄດ້ອອກມາໂພສຖາມເຖິງຜູ້ໃຊ້ Twitter ວ່າຈະປົດແບນບັນຊີຂອງ ທຣັມ ຫຼືບໍ່ ມາໃນວັນທີ 19 ພະຈິກ ທີ່ຜ່ານມາ ຈາກຜົນໂວດທີ່ສູງເຖິງ 15 ລ້ານບັນຊີ ຜົນຈຶ່ງອອກມາວ່າ “ແມ່ນ” 51,8% ທີ່ຕົກລົງໃຫ້ປົດການແບນຂອງບັນຊີ ທຣັມ.
ສາເຫດທີ່ ທຣັມ ໄດ້ຖືກແບນ Twitter ໄດ້ອອກມາໃຫ້ເຫດຜົນວ່າ ບັນຊີຂອງທຣັມ ໄດ້ຍຸຍົງປຸກໃຫ້ຄົນເຂົ້າໄປບຸກຮຸກ Capitol ໃນວັນທີ 6 ມັງກອນ 2021 ພາຍຫຼັງທີ່ລາວໄດ້ເສຍໃຫ້ກັບການເລືອກຕັ້ງປະທານາທິບໍດີອາເມຣິກາຄັ້ງຫຼ້າສຸດນີ້.
ນອກນີ້ ທຣັມ ຍັງໄດ້ກ່າວວ່າ ລາວຈະກຽມສະມັກລົງເລືອກຕັ້ງປະທານາທິບໍດີອາເມຣິກາໃນຄັ້ງຖັດໄປ.
ແຫຼ່ງຂ່າວຈາກ BBC