ວັນທີ 4 ພະຈິກ 2022 ສຳນັກງານຄະນະເສນາທິການທະຫານຮ່ວມເກົາຫຼີໃຕ້ ໄດ້ລາຍງານວ່າ: ກວດພົບເຮືອບິນຮົບຂອງເກົາຫຼີເໜືອ ຮວມປະມານ 180 ລຳ ບິນຢູ່ຫ່າງອອກໄປປະມານ 20 ກິໂລແມັດ ຈາກເສັ້ນແບ່ງເຂດແດນທະຫານຂອງເກົາຫຼີໃຕ້ (Military Demarcation Line – MDL) ຂະນະທີ່ກອງທັບອາກາດເກົາຫຼີໃຕ້ ສົ່ງເຮືອບິນປະມານ 80 ລຳ ຮວມເຖິງເຮືອບິນຂັບໄລ່ ເອຟ-35 ຂຶ້ນເພື່ອສະກັດກັ້ນ.
ການເຄື່ອນໄຫວດັ່ງກ່າວ ຖືວ່າເປັນເທື່ອທີສອງຕໍ່ຈາກເດືອນແລ້ວນີ້ ເຊິ່ງເຮືອບິນຮົບເກົາຫຼີເໜືອປະມານ 10 ລຳ ບິນຜ່ານ ແນວເຂດຊາຍແດນ ແລະ ກອງທັບອາກາດຂອງເກົາຫຼີໃຕ້ ຕ້ອງໄດ້ສົ່ງເຮືອບິນຮົບໄປສະກັດກັ້ນ ແລະ ເກີດຂຶ້ນພາຍຫຼັງອາເມຣິກາ-ເກົາຫຼີໃຕ້ ຂະຫຍາຍເວລາການຊ້ອມຮົບທາງອາກາດຮ່ວມກັນ ພາຍໃຕ້ການປະຕິບັດການ “Vigilant Storm” ເຊິ່ງຈັດຂຶ້ນໃນວັນທີ 1-4 ພະຈິກ ໄດ້ຂະຫຍາຍໄປຮອດວັນທີ 5 ພະຈິກ.
ແຫຼ່ງຂ່າວຈາກ The Washington Post