ນອກຈາກສາວໆ ຈະຕ້ອງຄວບຄຸມອາຫານ ອອກກຳລັງກາຍ ເຮັດສະມາທິໃນການຫລຸດນ້ຳໜັກແລ້ວ ການໃຊ້ວິຕາມິນກໍເປັນໂຕຊ່ວຍຫລຸດນ້ຳໜັກໄດ້ນໍາອີກ ອີກທັງຍັງເປັນການບຳລຸງສະຫມອງໄປໃນໂຕ ເຊິ່ງປະກອບໄປດ້ວຍ 7 ວິຕາມິນດັ່ງຕໍ່ໄປນີ້
- ວິຕາມິນເອ
ຄວນກິນເມັດລະ 10, 000 IU ຫລື ໄດ້ຮັບຈາກການກິນອາຫານທຳມະຊາດທີ່ມີສານເລຕິນອນ ຫລື ເບຕາແຄໂລທີນ ເຊັ່ນ ກາລົດ ໝາກອຶ ໝາກເລັ່ນ ໝາກມ່ວງສຸກ ໝາກຮຸ່ງສຸກ ແລະ ຜັກໃບຂຽວ ເປັນຕົ້ນ - ວິຕາມິນຊີ
ຄວນກິນເມັດລະ 500 ມິລິກຣາມ ຫລື ຈາກອາຫານທຳມະຊາດ ຈຳພວກຜັກສົດ ຫມາກໄມ້ສົດ ເຊັ່ນ ໝາກກ້ຽງ ສະຕໍເບີລີ ກີວີ ໝາກສີດາ ໝາກເພັດ ແລະ ມັນຝຣັ່ງ
- ວິຕາມິນດີ
ປະລິມານທີ່ເໝາະສົມເມັດລະ 1, 000 IU ຫລື ກິນໄດ້ຈາກອາຫານທຳມະຊາດ ຈຳພວກນ້ຳມັນຕັບປາ ປາທູນ້າ ປາແຊວມອນ ແລະ ປາຊາດີນ - ວິຕາມິນອີ
ເມັດລະ 400 IU ຫລື ກິນໄດ້ຈາກອາຫານທຳມະຊາດ ຈຳພວກນ້ຳມັນພືດ ເຊັ່ນເຂົ້າວີດ ຖົ່ວເປືອກແຂງ ແລະ ເມັດພືດ - ວິຕາມິນບີ 1
ຄວນກິນປະມານ 100 ມິລິກຣາມ ຖ້າຮູ້ສຶກວ່າສະຫມອງຍັງມຶນງົງຢູ່ໃຫ້ກິນເທື່ອລະ 2 ເມັດ ຫລື ສາມາດກິນໄດ້ຈາກອາຫານທຳມະຊາດ ຈຳພວກຊີ້ນປາ ເຂົ້າກ້ອງ ຂະໜົມປັງໂຮນວີດ ທັນຍະພືດທີ່ເສີມຄຸນຄ່າ ມັນຝຣັ່ງ ຖົ່ວເປືອກແຂງ ແລະ ຖົ່ວເມັດແຫ້ງ - ວິຕາມິນບີ 6
ຄວນກິນເສີມ 1 ເມັດ ຫລື ສາມາດກິນໄດ້ຈາກອາຫານທຳມະຊາດ ຈຳພວກຊີ້ນປາ ຂະໜົມປັງໂຮນວີດ ທັນຍະພືດ ຖົ່ວເປືອກແຂງ ກ້ວຍ ຖົ່ວເຫລືອງ
- ບີຄອມເພັກ 1 ເມັດ
ສຳຫລັບທ່ານທີ່ຕ້ອງການບຳລຸງສະຫມອງໃຫ້ກິນເລັກຊິຕິນເຂົ້າໄປນໍາປະມານ 1 ເມັດ
ຢ່າງໃດກໍຕາມວິຕາມິນກໍເປັນພຽງອີກໂຕຊ່ວຍໜຶ່ງເທົ່ານັ້ນ ແຕ່ສຳຫລັບການຫລຸດນ້ຳໜັກແບບໃດກໍ່ຍັງຕ້ອງອາໄສການອອກກຳລັງກາຍ ການປັບປ່ຽນການກິນອາຫານ ແລະ ມີສະມາທິຢ່າງຕັ້ງໃຈ