ລາຄານ້ຳມັນ WTI ເພີ່ມຂຶ້ນກວ່າ 3% ເຊິ່ງອາດຈະເຮັດໃຫ້ກຸ່ມຜູ້ສົ່ງອອກນ້ຳມັນ ຫຼື ກຸ່ມໂອເປັກພຣັສ ອາດຈະປັບຫຼຸດການຜະລິດນ້ຳມັນຫຼາຍເຖິງ 1 ລ້ານ ບາເຣວ ຕໍ່ມື້ ໃນການປະຊຸມວັນພຸດທີ່ຈະມາຮອດນີ້.

ກຸ່ມໂອເປັກພຣັສຈະຈັດການປະຊຸມໃນວັນພຸດ ທີ 5 ຕຸລາ 2022 ທີ່ກຸງວຽນນາ ປະເທດໂອຕຣິດ ໂດຍກຸ່ມໂອເປັກພຣັສ ເຊິ່ງລວມເຖິງຣັດເຊຍ ມີທ່າອ່ຽງຈະປັບຫຼຸດປະລິມານນ້ຳມັນລົງປະມານ 500.000 ຫາ 1 ລ້ານບາເຣວຕໍ່ມື້.

ນອກນັ້ນຍັງລະບຸຕື່ມວ່າ ຣັດເຊຍສະເໜີໃຫ້ໂອເປັກພຣັສ ຫຼຸດການຜະລິດນ້ຳມັນລົງເຖິງ 1 ລ້ານບາເຣວຕໍ່ມື້.

ສ່ວນການປະຊຸມໂອເປັກພຣັສຄັ້ງຫຼ້າສຸດແມ່ນວັນທີ 6 ກັນຍາ ທີ່ຜ່ານມານັ້ນ ທີ່ປະຊຸມມະຕິປັບຫຼຸດກຳລັງການປະລິດ 100.000 ບາເຣວຕໍ່ມື້ ສຳລັບເດືອນຕຸລານີ້ເປັນການປັບຫຼຸດກຳລັງຜະລິດນ້ຳມັນຄັ້ງທຳອິດໃນຮອບ 1 ປີ ເພື່ອສະໜັບສະໜູນລາຄານ້ຳມັນໃນຕະຫຼາດໂລກ.

ແຫຼ່ງຂ່າວ ຣອຍເຕີ