ລັດຖະບານກູບາ ແລະ ພາກສ່ວນຕ່າງໆພາຍໃນລັດທັງໝົດ ລວມທັງຄະນະກຳມະການເລືອກຕັ້ງແຫ່ງຊາດ ແລະ ສານສູງສຸດ ໄດ້ຕົກລັງເຫັນດີໃຫ້ມີການຈັດຕັ້ງລົງຄະແນນສຽງ ເຮັດໃຫ້ການແຕ່ງງານຂອງກຸ່ມຄົນເພດດຽວກັນຖືກຕ້ອງຕາມກົດໝາຍ.
ກູບາ ກຳລັງໃຊ້ຊຸດນິຕິບັນຍັດ ທີ່ເວົ້າເຖິງການແຕ່ງງານຂອງເພດດຽວກັນ ແລະ ການຖືພາແທນ ໄປ”ລົງປະຊາມະຕິ” ຫຼື “ລົງຄະແນນສຽງ” ໃນວັນອາທິດນີ້.
ທ່ານ Miguel Diaz-Canel ປະທານາທິບໍດີຂອງກູບາ ຮ່ວມກັບພັນລະຍາຂອງລາວ ທີ່ໄດ້ຮ່ວມລົງຄະແນນສຽງເຫັນດີໃນມາດຕະການດັ່ງກ່າວ ຈາກເມືອງຮາວານາ ເມືອງຫຼວງຂອງກູບາ.
ການຈັດຕັ້ງໄດ້ຮ່າງກົດໝາຍ 25 ສະບັບ, ການປະຊຸມໃນສາລາກາງຂອງບ້ານເກືອບ 80.000 ຄັ້ງ ແລະ ມີຂໍ້ແນະນະຈາກປະຊາຊົນ 300.000 ຂໍ້ ທັ້ງນີ້ກໍເພື່ອໃຫ້ປະຊາຊົນຫຼາຍລ້ານຄົນເຂົ້າຮ່ວມການລົງຄະແນນສຽງດັ່ງກ່າວ ໃຫ້ຫຼາຍກວ່າ 50% ເພື່ອໃຫ້ການຮ່າງກົດໝາຍນັ້ນກາຍເປັນກົດໝາຍຢ່າງຖືກຕ້ອງ.
ແຫຼ່ງຂ່າວຈາກ ຣອຍເຕີ