ໃນວັນທີ 18 ກັນຍາ 2022 ສຳນັກຂ່າວຕ່າງປະເທດລາຍງານ: ສະຖານະການແຜ່ນດິນໄຫວຂະນາດຄວາມແຮງ 7.2 ຣິກເຕີ້ ທີ່ຄວາມເລິກຈາກພຶ້ນດິນ 10 ກິໂລແມັດ ທາງຕາເວັນອອກສຽງໃຕ້ຂອງ ໄຕ້ຫວັນ.

ຫຼ້າສຸດ ມີການປະເມີນຄວາມສ່ຽງທີ່ຈະເກີດ ຄື້ນຍັກສຶນາມິ ຕາມແນວແຄມຝັ່ງໃນລັດສະໝີ 300 ກິໂລແມັດ ພ້ອມກັນນີ້, ສຳນັກງານອຸຕຸນິຍົມວິທະຍາຂອງຍີ່ປຸ່ນໄດ້ອອກຄຳເຕືອນສຶນາມິ ສຳລັບເກາະ ມິຍາໂກະໃນທະເລຈີນ ຕາເວັນອອກ ຫຼັງເກິດແຜ່ນດິນໄຫວ ເຊັ່ນດຽວກັນ.

ກ່ອນໜ້ານີ້ສຳນັກຂ່າວຕ່າງປະເທດ ລາຍງານວ່າ: ໄຕ້ຫວັນເກີດແຜ່ນດິນໄຫວ 6.9 ຣິກເຕີ້ ທາງຕາເວັນອອກສຽງໃຕ້ ຂອງໄຕ້ຫວັນ ໃນວັນທີ 17 ກັນຍາ 2022 ທີ່ຜ່ານມາ ນັບເປັນແຜ່ນດິນໄຫວຮຸນແຮງຫຼາຍທີ່ສຸດຮອບ 2 ໃນເວລາບໍ່ຮອດ 24 ຊົ່ວໂມງ ຈາກຄັ້ງທຳອິດເມື່ອຄືນທີ່ຜ່ານມາ.

ສຳລັບ ການລາຍງານເບື້ອງຕົ້ນມີຄົນເສຍຊີວິດ 1 ລາຍ ແລະບາດເຈັບອີກ 79 ລາຍ ໂດຍແຮງສັ່ນສະເທືອນເຮັດໃຫ້ອາຄານ ແລະ ໂຄງສ້າງພຶ້ນຖານດ້ານຄົມມະນາຄົມເສຍຫາຍຢ່າງໜັກ.