ປະຊາຊົນບຽດກັນເຂົ້າງານຄອນເສີດກາງແຈ້ງ ທີ່ຈັດຂຶ້ນເພື່ອສະຫຼອງວັນຊາດປະເທດກົວເຕມາລາ ຈົນມີຄົນຢຽບກັນເສຍຊີວິດຢ່າງໜ້ອຍ 9 ຄົນ ແລະ ມີຄົນບາດເຈັບອີກ 20 ຄົນ.
ວັນທີ 15 ກັນຍາ 2022 ສຳນັກຂ່າວ ອັລຈາຊີລາ ໄດ້ລາຍງານວ່າ: ເກີດເຫດປະຊາຊົນບຽດກັນເຂົ້າງານຄອນເສີດກາງແຈ້ງ ທີ່ຈັດຂຶ້ນເພື່ອສະຫຼອງວັນຊາດປະເທດກົວເຕມາລາ ຄົບຮອບ 201 ປີ ທີ່ປະເທດໄດ້ຮັບເອກະລາດຈາກແອັດສະປາຍ ແຕ່ເວລາຈະເຂົ້າງານນັ້ນມີຄົນຢຽບກັນຕາຍຢ່າງໜ້ອຍ 9 ຄົນ ແລະ ມີຄົນບາດເຈັບອີກ 20 ຄົນ.
![](https://laopost-com.laocdn.com/2022/09/At-least-9-dead-in-stampede-at-an-independence-day-e1663295072229.jpg)
ໂດຍເຫດການນີ້ ເກີດຂຶ້ນທີ່ເມືອງເກັດຊາລນິງໂກ ເມືອງໃຫຍ່ອັນດັບ 2 ຂອງ ປະເທດກົວເຕມາລາ ໂດຍຜູ້ເຫັນເຫດການເລົ່າວ່າ ຫຼັງຈາກປະຕູທາງເຂົ້າຄອນເສີດເປີດໃຫ້ຜູ້ຊົມໄດ້ເຂົ້າໄປ ກໍ່ປາກົດວ່າ ຜູ້ຄົນໄດ້ບຽດຍາດກັນເຂົ້າປະຕູ ຈົນມີຄົນລົ້ມລົງແລ້ວຄົນອື່ນໆທີ່ຕາມຫຼັງມາກໍ່ລົ້ມທັບກັນ.
ງານຄອນເສີດດັ່ງກ່າວນັ້ນເປັນກິດຈະກຳທີ່ໄດ້ຮັບອະນຸຍາດຈາກທາງການແລ້ວ ແຕ່ຜູ້ຈັດງານບໍ່ມີມາດຕະການທາງດ້ານຄວາມປອດໄພດີພໍ ແລະ ບໍ່ມີລະບົບຈັດການຝູງຊົນຈຳນວນຫຼາຍທີ່ເຂົ້າຮ່ວມງານ ຫຼ້າສຸດທາງການກຳລັງເລັ່ງສືບສວນສອບສວນທາງຄະນະຜູ້ຈັດງານຄອນເສີດໃນຄັ້ງນີ້.