ເຈົ້າຊາຍ ຊາວສ Charles ເປັນຜູ້ສືບທອດບັນລັງ ເປັນສົມເດັດພະເຈົ້າຊາວສ ທີ່ 3 ຫຼັງຈາກທີ່ສົມເດັດລາຊະນີ ອາລິດສະເບັດ ທີ່ 2 ໄດ້ສະຫວັນນະຄົດ ໃນອາຍຸ 96 ປີ.

ສຳນັກຂ່າວ ບີບີຊີ ລາຍງານວ່າ ເຈົ້າຊາຍ ຊາວສ ສືບທອດບັນລັງເປັນ “ສົມເດັດພະເຈົ້າຊາວສ ທີ່ 3” ດ້ວຍອາຍຸ 73 ປີ ແຕ່ຕ້ອງໄດ້ຕັດສິນໃຈເລື່ອງໃຊ້ຊື່ປັດຈຸບັນ ຄື “ຊາວສ” Charles ຫຼື ຊື່ກາງຊື່ໃດໜຶ່ງຈາກຊື່ເຕັມວ່າ ” ຊາວສ ຟິຟິບ ອາເທີ ຈອນ” ຂະນະທີ່ເຈົ້າຊາຍ ວິລລຽມ ທີ່ໄດ້ເປັນຜູ້ສືບທອດລາດສັນຕິຕິວົງ ລຳດັບທີ່ 1 ຈະໄດ້ປ່ຽນຍົດຈາກ ດຸກແຫ່ງແຄມບຣິດ ເປັນ ” ດຸກແຫ່ງຄອນວອລ”.

“ສົມເດັດພະເຈົ້າຊາວສ ທີ 3″ ຈະໄດ້ດຳລົງຕຳແໜ່ງເປັນ ປະມຸກແຫ່ງອັງກິດຢ່າງເປັນທາງການໃນວັນເສົາ ວັນທີ 10 ກັນຍາ 2022 ທີ່ຈະຈັດຂຶ້ນໃນກຸງລອນດອນ ແລ້ວຈະໄດ້ໃສ່ມົງກຸດທອງຄຳ ມີຊື່ວ່າ ” ເຊັນ ເອັນເວິດ ຄຣາວ” ທີ່ສ້າງແຕ່ປີ 1661 ໃຫ້ແກ່ກະສັດອົງໃໝ່ ເຊິ່ງປັດຈຸບັນຖືກເກັບຮັກສາໄວ້ຢູ່ ຫໍຄອຍລອນດອນ.