spot_img
Homeຂ່າວພາຍ​ໃນໂຮງກັ່ນນ້ຳມັນເຊື້ອໄຟຂອງບໍລິສັດ ເປໂຕຼລາວ ມີກໍາລັງການຜະລິດ 1 ລ້ານໂຕນ/ປີ

ໂຮງກັ່ນນ້ຳມັນເຊື້ອໄຟຂອງບໍລິສັດ ເປໂຕຼລາວ ມີກໍາລັງການຜະລິດ 1 ລ້ານໂຕນ/ປີ

Published on

ໂຮງກັ່ນນ້ຳມັນເຊື້ອໄຟ ແລະ ເຄມີພັນຂອງບໍລິສັດ ເປໂຕຼລາວ ຈໍາກັດ ໃນໄລຍະ 1 ມີກໍາລັງການຜະລິດ 1 ລ້ານໂຕນ/ປີ, ຫາກສ້າງສໍາເລັດທັງ 3 ໄລຍະຕາມເcຜນການ ຈະມີກໍາລັງການຜະລິດທັງຫມົດ 3 ລ້ານໂຕນ/ປີ ຊຶ່ງຈໍານວນຕົວເລກການຜະລິດ ດັ່ງກ່າວນີ້ ແມ່ນໄດ້ລາຍງານໃນໂອກາດການຢ້ຽມຢາມໂຮງກັ່ນນໍ້າມັນຂອງທ່ານ ດາວວົງ ພອນເເກ້ວ ລັດຖະມົນຕີກະຊວງພະລັງງານ ເເລະ ບໍ່ເເຮ່ ເມື່ອບໍ່ດົນມານີ້.

ທ່ານ WANG DENG TAO ຮອງຜູ້ອໍານວຍການ ບໍລິສັດ ເປໂຕຼລາວ ຈໍາກັດ ໄດ້ລາຍງານໃຫ້ຮູ້ວ່າ: ໂຮງກັ່ນນ້ຳມັນເຊື້ອໄຟ ແລະ ເຄມີພ້ນຂອງບໍລິສັດ ເປໂຕລາວ ຈໍາກັດ ໄດ້ດໍາເນີນການກໍ່ສ້າງ ເເລະ ເເບ່ງການດໍາເນີນງານອອກເປັນ 3 ໄລຍະ ຊຶ່ງປະຈຸບັນ ສໍາເລັດການກໍ່ສາ້ງໂລຍະທີ່ 1 ທີ່ມີກໍາລັງການຜະລິດ 1 ລ້ານໂຕນ/ປີ, ບົນພື້ນຖານນີ້ ທີ່ສາມາດພັດທະນາໂຄງການໄລຍະທີ 2 ແລະ ໂຄງການໄລຍະທີ 3 ຈະໃຊ້ເວລາໃນການພັດທະນາ ທັງ 3 ໂລຍະຕາມແຜນປະມານ 10 ປີ.

ປະຈຸບັນ, ໂຮງກັ່ນນໍ້າມັນ ໄບໂຕລາວ ຈໍາກັດ ຍັງບໍ່ທັນຈໍາຫນ່າຍນໍ້າມັນທີ່ຜະລິດເເລ້ວອອກສູ່ສັງຄົມໃຫ້ໄດ້ຊົມໃຊ້ໄດ້ເທື່ອ ເພາະວ່າໂຄງສ້າງລາຄາຈໍາຫນ່າຍນໍ້າມັນ ສະເພາະຂອງບໍລິສັດຍັງບໍ່ທັນໄດ້ສໍາເລັດ ແລະ ຖືກຮັບຮອງຈາກລັດຖະບານ.

ທ່ານ WANG DENG TAO ໃຫ້ຮູ້ອີກວ່າ: ບໍລິສັດ ເປໂຕຼລາວ ຈໍາກັດ ໄດ້ຖືກສ້າງຕັ້ງຂຶ້ນໃນເດືອນກັນຍາ ປີ 2014 ຊຶ່ງເປັນບໍລິສັດຮ່ວມທຶນລະຫວ່າງ ກຸ່ມບໍລິສັດກໍ່ສ້າງ ແລະ ລົງທຶນແຂວງຢຸນນານ (YCIH) ສປ ຈີນ, ບໍລິສັດລັດວິສາຫະກິດນໍ້າມັນເຊື້ອໄຟລາວ (LSFC) ເເລະ ວິສາຫະກິດຂອງຝ່າຍຈີນ ມີຊື່ຫຍໍ້ວ່າ ບໍລິສັດ ເປໂຕຼລາວ ຈໍາກັດ ເພື່ອດໍາເນີນກິດຈະການເປັນໂຮງກັ່ນນໍ້າມັນເຊື້ອໄຟ ແລະ ເຄມີພັນ ທີ່ຕັ້ງຢູ່ໃນເຂດເສດຖະກິດພິເສດກວມລວມໄຊເສດຖາ ນະຄອນຫຼວງວຽງຈັນ, ໂດຍມີທຶນຈົດທະບຽນ 36.960.000 ໂດລາ, ມີຄວາມສາມາດກັ່ນນໍ້າມັນໄດ້ 3 ລ້ານໂຕນ/ປີ.

ໃນໂອກາດນີ້, ທ່ານ ລັດຖະມົນຕີ ກໍ່ໄດ້ສະແດງຄວາມຍ້ອງຍໍຊົມເຊີຍ ແລະ ຕີລາຄາສູງຕໍ່ຄວາມເອົາໃຈໃສ່ຈັດຕັ້ງປະຕິບັດccຜນການດໍາເນີນກິດຈະການຂອງບໍລິສັດ ສໍາເລັດຕາມແຜນການທີ່ວາງໄວ້ ໂດຍສະເພາະແມ່ນການກໍ່ສ້າງພື້ນ ຖານໂຄງລ່າງ, ໂຮງງານ, ການຕິດຕັ້ງອຸປະກອນ ແລະ ເຄື່ອງຈັກການຜະລິດໄລຍະທີ 1 ສໍາເລັດ ໂດຍພື້ນຖານ ຊຶ່ງເປັນໂຮງງານກັ່ນນໍ້າມັນccຫ່ງທີ່ 2 ຂອງ ສປປ ລາວ ທີ່ໄດ້ຮັບອະນຸຍາດຈາກ ລັດຖະບານລາວ ເພື່ອດໍາເນີນທຸລະກິດກໍ່ນນໍ້າມັນດິບໃຫ້ເປັນນໍ້າມັນ ສໍາເລັດຮູບ.

ຂໍ້ມຸນຈາກ ສູນຂ່າວສານລະລັງງານ ເເລະ ບໍ່ເເຮ່

ບົດຄວາມຫຼ້າສຸດ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 -...

ສານຫວຽດນາມ ດຳເນີນຄະດີຜູ້ຕ້ອງສົງໃສພະນັກງານລັດ 41 ຄົນ ໃນຂໍ້ຫາສໍ້ລາດບັງຫຼວງ ສ້າງຄວາມເສຍຫາຍ 45 ລ້ານໂດລາ

ສານຫວຽດນາມໄດ້ເປີດການພິຈາລະນາຄະດີສໍ້ລາດບັງຫຼວງ ແລະ ຮັບສິນບົນ ມູນຄ່າ ເກືອບ 1,500 ລ້ານບາດ ຫຼື ປະມານ 45 ລ້ານໂດລາ. ສຳນັກຂ່າວຕ່າງປະເທດລາຍງານໃນວັນທີ 24 ມິຖຸນາ 2025,...

ນໍ້າຖ້ວມຮຸນແຮງຢູ່ແຂວງກຸຍໂຈ ຂອງ ສປ ຈີນ

ຝົນຕົກໜັກຕໍ່ເນື່ອງເຮັດໃຫ້ນໍ້າຖ້ວມໜັກໜ່ວງຢູ່ແຂວງກຸຍໂຈ (Guizhou) ຂອງ ສປ ຈີນ, ປະຊາຊົນ 80,000 ກວ່າຄົນ ຕ້ອງໄດ້ອົບພະຍົບຢ່າງເລັ່ງດ່ວນ. ລັດຖະບານຈີນໄດ້ປະກາດຍົກລະດັບມາດຕະການສຸກເສີນເພື່ອຮັບມືກັບໄພນໍ້າຖ້ວມກະທັນ, ເນື່ອງຈາກຝົນຕົກໜັກຕໍ່ເນື່ອງເປັນເວລາຫຼາຍມື້ໃນແຂວງກຸຍໂຈ ເຊິ່ງຕັ້ງຢູ່ທາງຕາເວັນຕົກສ່ຽງໃຕ້ຂອງ ສປ ຈີນ, ໂດຍລະດັບນໍ້າ...

ໄປບໍ່ລອດ! ເຈົ້າໜ້າທີ່ອຸທະຍານ ແຫ່ງປະເທດໄທ ຈັບກຸມຄົນລາວ 2 ຄົນ ລັກລອບຂາຍຊາກສັດປ່າ

ເຈົ້າໜ້າທີ່ໄທ ຈັບກຸມ 2 ຊາວລາວ ກຽມລັກລອບຄ້າຂາຍຊາກສັດປ່າຫຼາຍກວ່າ 101 ກິໂລກຼາມ ສຳນັກຂ່າວຕ່າງປະເທດລາຍງານໃນວັນທີ 25 ມິຖຸນາ 2025 ຜ່ານມາ, ເຈົ້າໜ້າທີ່ກົມອຸທະຍານແຫ່ງຊາດ ສັດປ່າ ແລະ...