ວັນທີ 1 ກັນຍາ 2022 ສຳນັກຂ່າວ Bloomberg ລາຍງານວ່າ: ຄ່າເງິນເຢນ (ສະກຸນເງິນຂອງຍີ່ປຸ່ນ) ໄດ້ຫຼຸດລົງຕໍ່າສຸດຕັ້ງແຕ່ປີ 1998 ເນື່ອງຈາກອັດຕາຜົນຕອບແທນຂອງພັນທະບັດລັດຖະບານທີ່ສູງຂຶ້ນ ເຮັດໃຫ້ເກີດຄວາມກົດດັນຫຼາຍຂຶ້ນຕໍ່ສະກຸນເງິນຍີ່ປຸ່ນ ໂດຍເງິນເຢນອ່ອນຄ່າລົງ 0.4% ເປັນ 139.59 ຕໍ່ໂດລາ ໃນການຊື້ຂາຍໃນວັນພະຫັດ ທີ່ໂຕກຽວ ປະເທດຍີ່ປຸ່ນ ເຊິ່ງເປັນລະດັບຕ່ຳສຸດໃນຮອບ 24 ປີ.
ໂດຍຜົນກະທົບຂອງກອງປະຊຸມຊຳມະນາ Jackson Hole ຂອງທະນາຄານກາງສະຫະລັດອາເມຣິກາ (FED) ຍັງສືບຕໍ່ເພີ່ມຂຶ້ນຜ່ານຕະຫຼາດຕ່າງໆ ຈຶ່ງເຮັດໃຫ້ອັດຕາຜົນຕອບແທນຂອງພັນທະບັດ ໄດ້ເພີ່ມຂຶ້ນ 3,2% ໃນຂະນະທີ່ອັດຕາເງິນເຟີ້ຂອງຝັ່ງເອີຣົບ ໄດ້ເພີ່ມຂຶ້ນສູງສຸດໃນເດືອນສິງຫາ ກໍສົ່ງຜົນກະທົບຕໍ່ພັນທະບັດໂລກໃນວັນພຸດ.
ຊ່ອງຫວ່າງຜົນຕອບແທນ ຈາກການປັບອັດຕາເງິນເຟີ້ ລະຫວ່າງອາເມລິກາ ແລະ ຍີ່ປຸ່ນ ໄດ້ຂະຫຍາຍກວ້າງອອກ ແລະ ມັນໃກ້ຈະລະດັບສູງສຸດໃນປີນີ້ ຊ່ອງຫວ່າງອັດຕາຜົນຕອບແທນທີ່ແທ້ຈິງ ແມ່ນຕົວຂັບເຄື່ອນທີ່ສໍາຄັນທີ່ເຮັດໃຫ້ເງິນເຢນອ່ອນຄ່າລົງ ຍ້ອນວ່ານັກລົງທຶນສະແຫວງຫາຜົນຕອບແທນທີ່ດຶງດູດຫຼາຍກ່ວາໃນສະຫະລັດ ເມື່ອທຽບກັບຍີ່ປຸ່ນ.
ທັ້ງນີ້ ຄ່າເງິນຍີ່ປຸ່ນໄດ້ຫຼຸດລົງສູ່ 140 ເຢັນຕໍ່ 1 ໂດລາ ເຮັດໃຫ້ຫຼາຍຄົນກຳລັງຕິດຕາມການເຄື່ອນໄຫວວ່າ ມີຄວາມເປັນໄປໄດ້ທີ່ທາງການຈະເຂົ້າແຊກແຊງເພື່ອສະໜັບສະໜູນລະດັບດັ່ງກ່າວເພື່ອບໍ່ໃຫ້ມັນຂຶ້ນສູງໄປກ່ອນີ້, ໂດຍກ່ອນໜ້ານີ້ ໃນປີ 1776 ເງິນເຢັນອ່ອນຄ່າສຸດ 146 ເຢັນຕໍ່ 1 ໂດລາ.