ດາຢາ ດູກິນາ (Darya Dugina) ລູກສາວຂອງພັນທະມິດກັບປະທານາທິບໍດີຂອງຣັດເຊຍ ທ່ານ ວະລາດີເມຍ ປູຕິນ ເຊິ່ງນາງໄດ້ຖືກສັງຫານໃນເຫດລົດລະເບີດ ທີ່ເຂດຊານເມືອງ ຂອງມອສໂກ ປະເທດຣັດເຊຍ ໃນຕອນແລງວັນເສົາ ທີ 20 ສິງຫາ ທີ່ຜ່ານມາ, ເຊິ່ງອະດີດຊະມາຊິກຂອງລັດຖະສະພາດູມາຂອງຣັດເຊຍ ທີ່ຖືກໄລ່ອອກເນື່ອງຈາກຮ່ວມຂະບວນປະທ້ວງໃນເຄຣມລິນ (Kremlin) ໄດ້ຖືກກ່າວຫາວ່າ NRA ຢູ່ໃນເບື້ອງຫຼັງເຫດລົດລະເບີດລູກສາວ.
ຫຼັງຈາກທີ່ມີເຫດການລົດລະເບີດ ນາງ ດູກິນາ ລູກສາວຂອງ ອາເລັກຊານ ດູກິນ ທີ່ເປັນພັນທະມິດກັບທ່ານ ປູຕິນ ຜູ້ນຳຣັດເຊຍ, ຈາກເຫດການນັ້ນທາງຝ່າຍຣັດເຊຍກໍໄດ້ສົງໄສວ່າຝ່າຍຢູເຄຣນເປັນເບື້ອງຫຼັງຂອງເຫດການນີ້ ແຕ່ຝ່າຍຢູເຄຣນກໍອອກມາເວົ້າໃນທາງໂທລະທັດວ່າ ພວກເຂົາບໍ່ໄດ້ກ່ຽວພັນກັບເຫດການນີ້ແຕ່ຢ່າງໃດ ແລະ ພວກເຂົາບໍ່ແມ່ນກຸ່ມຄົນອາຊະຍາກອນ ທີ່ຈະເຮັດເລື່ອງແບບນີ້ໄດ້.
Ilya Ponomarev ນັກການເມືອງຂອງຣັດເຊຍ ອະດີດຊະມາຊິກຂອງລັດຖະສະພາດູມາຂອງຣັດເຊຍ ກ່າວຕໍ່ສື່ທາງໂທລະທັດວ່າ ເບື້ອງຫຼັງຂອງເຫດການນີ້ແມ່ນກຸ່ມ National Republican Army (NRA) ທີ່ເຮັດວຽກໃຫ້ກັບຣັດເຊຍ ແລະ ອຸທິດຕົນໃຫ້ກັບການລ້າງລະບອບການປົກຄອງຂອງປູຕິນ.
ກຸ່ມ National Republican Army (NRA)ປະກາດວ່າ ປູຕິນແມ່ນຜູ້ຍາດຊິງອຳນາດ ແລະ ອາຊະຍາກອນສົງຄາມ ແລ້ວຍັງສົ່ງທະຫານໄປຕາຍຈຳນວນຫຼາຍ. ນອກນີ້ຍັງໄດ້ເອີ້ນເຈົ້າໜ້າທີ່ຂອງລັດຖະບານຣັດເຊຍ ແລະ ຄະນະບໍລິຫານງານຂອງພາກພື້ນ ແລະ ເຈົ້າໜ້າທີ່ຮັກສາຄວາມປອດໄພວ່າ ເປັນຜູ້ສົມຮູ້ຮ່ວມຄິດກັບຜູ້ຮຸກຮານ.
NRA ກ່າວວ່າ “ເປົ້າໝາຍຂອງພວກເຂົາແມ່ນການໂຄນລົ້ມ ແລະ ທຳລາຍປູຕິນ, ແລະຍັງໄດ້ເຕືອນເຈົ້າໜ້າທີ່ຣັດເຊຍອີກວ່າ ຖ້າພວກເຂົາບໍ່ລາອອກ ກໍ່ຈະຖືກທຳລາຍຄືກັນ, ພ້ອມຮຽກຮ້ອງໃຫ້ປະຊາຊົນຣັດເຊຍຍົກທົງ ສີຂາວ-ຟ້າ-ຂາວ ແທນການຍົກທົງ 3 ສີທີ່ໜ້າອັບອາຍຂາຍໜ້າ”.
ແຫຼ່ງຂ່າວຈາກ Newsweek