ຈີນອອກວີຊ່າອາຍຸ 10 ປີ ໃຫ້ກັບປະຊາຊົນສັນຊາດອາເມຣິກັນ ເພື່ອກະຊັບຄວາມສຳພັນສອງປະເທດ ດ້ວຍການ
ປະກາດຂໍ້ຕົກລົງຄວາມຮ່ວມມືທາງການຄ້າ.
ສຳນັກຂ່າວຕ່າງປະເທດ ລາຍງານໃນວັນທີ 14 ພະຈິກນີ້ວ່າ ທ້າວ ເອັດມັນ ດາວນີ້ ສັນຊາດອາເມຣິກັນ ໄດ້ຮັບວີຊາ
ອາຍຸ 10 ປີ ເຊັ່ນດຽວກັບປະຊາຊົນສັນຊາດອາເມຣິກັນອີກຫລາຍຄົນ ທີ່ຕ່າງກໍໄດ້ຮັບສິດທິຢູ່ອາໄສໃນປະເທດຈີນ
ເປັນໄລຍະຍາວ ຄັ້ງທຳອິດໃນປະຫວັດສາດຂອງຄວາມສຳພັນລະຫວ່າງຈີນ ແລະ ສະຫະລັດອາເມຣິກາ.
ທັງນີ້ ພາຍໃຕ້ຂໍ້ຕົກລົງໃໝ່ ຈີນ ແລະ ສະຫະລັດ ໄດ້ຂະຫຍາຍໄລຍະເວລາ ສຳລັບວີຊ່າປະເພດທຸລະກິດ ແລະ ນັກ
ທ່ອງທ່ຽວ ໃຫ້ມີກຳນົດອາຍຸສູງສຸດເຖິງ 10 ປີ ໃນຂະນະທີ່ວີຊ່າສຳລັບການສຶກສາ ກໍຂະຫຍາຍອາຍຸໄປເປັນ 5 ປີ.
ແຫລ່ງຂ່າວຍັງໄດ້ລະບຸອີກວ່າ ການຂະຫຍາຍອາຍຸຂອງວີຊານັກທ່ອງທ່ຽວໃໝ່ນີ້ ຈະເຮັດໃຫ້ນກທ່ອງທ່ຽວຊາວຈີນ
ສາມາດເດີນທາງໄປສະຫະລັດອາເມຣິກາໄດ້ຢ່າງເຕັມທີ່ ເຊິ່ງປັດຈຸບັນອັດຕາສ່ວນຂອງນັກທ່ອງທ່ຽວຕ່າງປະເທດ
ໃນສະຫະລັດ ແມ່ນມີນັກທ່ອງທ່ຽວຈີນພຽງແຕ່ 2% ເທົ່ານັ້ນ.
