ຜູ້ຄົນໃນສະໜາມບິນຖືກອົບພະຍົບອອກ ຫຼັງຈາກທີ່ເກີດເຫດມືປືນກາດຍິງໃນສະໜາມບິນແຄນເບີລາ ໃນປະເທດອົດສະຕຣາລີ.
ວັນທີ 14 ສິງຫາ 2022 ທີ່ຜ່ານມາ ສຳນັກທາງກາງຂອງອົດສະຕຣາລີ ໄດ້ລາຍງານວ່າ: ຕຳຫຼວດທ່ານໜຶ່ງໃນສະໜາມບິນໄດ້ຈັບໂຕຜູ້ກໍ່ເຫດກາດຍິງ ໃນຂະນະທີ່ສັນຍານເຕືອນໄພສຸກເສີນພາຍໃນສະໜາມບິນດັງ, ຜູ້ກໍ່ເຫດເຂົ້າໄປໃນສ່ວນຂອງຜູ້ໂດຍສານຂາອອກໃນຕອນສວຍ ເວລາປະມານ 13:30 ໂມງ ໂດຍຖ້າຢູ່ປະມານ 5 ນາທີ ກ່ອນທີ່ຈະເອົາປືນອອກມາ ແລະ ຍິງລົວໆ ໃສ່ແກ້ວແວ່ນຂະໜາດໃຫຍ່ໃນສະໜາມບິນ ປະມານ 5 ລູກ ແຕ່ບໍ່ໄດ້ຍິງໃສ່ຜູ້ໂດຍສານ ຫຼື ເຈົ້າໜ້າທີ່ໃນສະໜາມບິນ.
ເຈົ້າໜ້າທີ່ສະໜາມບິນ ກໍອົບພະຍົບຄົນພາຍໃນສະໜາມບິນອອກ ແລະ ປິດສະໜາມບິນ ກ່ອນທີ່ຈະປະກາດຍົກເລີກທຸກສາຍການບິນຊົ່ວຄາວ ແລະ ເມື່ອຈັບໂຕຜູ້ກໍ່ເຫດແລ້ວ ຈຶ່ງເປີດສະໜາມບິນເປັນປົກກະຕິ ໂດຍທີ່ຫຼາຍສາຍການບິນຖືກຍົກເລີກ.
