ນາຍົກລັດຖະມົນຕີແອັດສະປາຍ ຖະແຫລງການລົງຄະແນນແຍກເອກະລາດ ຂອງແຄວ້ນຄາຕາລັນ ບໍ່ພຽງພໍ
ສຳລັບການແຍກເປັນປະເທດເອກະລາດໄດ້.
ສຳນັກຂ່າວຕ່າງປະເທດລາຍງານ ໃນວັນທີ 13 ພະຈິກນີ້ວ່າ ທ່ານ ມາຣິອາໂນ ຣາຮອຍ ນາຍົກລັດຖະມົນຕີແອັດ
ສະປາຍ ປະກາດວ່າ ການລົງຄະແນນສຽງຂອງປະຊາຊົນຊາວຄາຕາລັນ ເມື່ອວັນອາທິດທີ່ຜ່ານມາ ບໍ່ສາມາດຈັດ
ເປັນການລົງປະຊາມະຕິໄດ້ ເນື່ອງຈາກ 2 ໃນ 3 ຂອງປະຊາຊົນຊາວຄາຕາລັນ ປະຕິເສດທີ່ຈະເຂົ້າຮ່ວມລົງປະຊາ
ມະຕິໃນເລື່ອງນີ້ ເຊິ່ງສາມາດເວົ້າໄດ້ວ່າ ບໍ່ແມ່ນເປັນການລົງຄະແນນສຽງຕາມລະບອບປະຊາທິປະໄຕ ເຊິ່ງເປັນ
ພຽງການປຸກລະດົມທາງການເມືອງເທົ່ານັ້ນ.
ຢ່າງໃດກໍຕາມ ຜູ້ນຳຂອງແອັດສະປາຍກ່າວວ່າ ຜົນທີ່ອອກມານັ້ນ ໄດ້ສະແດງເຖິງຄວາມລົ້ມເຫລວຂອງຄາຕາ
ລັນ ທີ່ຢາກຈະແຍກຕົວອອກເປັນເອກະລາດຈາກແອັດສະປາຍ ເນື່ອງຈາກປະຊາຊົນອີກຈຳນວນຫລາຍ ບໍ່ເຫັນ
ດີກັບແນວຄິດອັນນີ້.