ເຈົ້າໜ້າທີ່ມຽນມາຈັບຕົວ ທ້າວ ໂທຣຸ ຄຸໂບຕະ ຜູ້ຜະລິດສາລະຄະດີຊາວຍີ່ປຸ່ນ ໃນວັນທີ 30 ກໍລະກົດ ທີ່ຜ່ານມາ, ຫຼັງຈາກທີ່ລາວໄດ້ເຂົ້າຮ່ວມການປະທ້ວງຕໍ່ຕ້ານລັດຖະປະຫານໃນນະຄອນຢ່າງກຸ້ງໃນມຽນມາ ໂດຍທາງສະຖານທູດຍີ່ປຸ່ນໃນມຽນມາເປີດເຜີຍວ່າ ໄດ້ຂໍໃຫ້ທາງການມຽນມາປ່ອຍຕົວ ຄຸໂບຕະ, ຂະນະທີ່ເຈົ້າໜ້າທີ່ສະຖານທູດຍີ່ປຸ່ນລະບຸວ່າ ຄຸໂບຕະ ໄດ້ຖືກຄວບຄຸມໂຕແລ້ວໄປ ສືບສວນ-ສອບສວນ ທີ່ສະຖານີຕຳຫຼວດໃນຢ່າງກຸ້ງ.
ຈາກການລາຍງານຂອງສຳນັກຂ່າວ ກຽວໂດ ໄດ້ລາຍງານວ່າ: ທ້າວ ຄຸໂບຕະ ໄດ້ຖືກຈັບມາແລ້ວໃນເດືອນ ເມສາ ປີ 2021 ຖືກດຳເນີນຄະດີໃນຖານເຜີຍແຜ່ຂໍ້ມູນທີ່ບໍ່ມີມູນຄວາມຈິງ ແລະ ລະເມີດຂໍ້ກຳນົດດ້ານວິຊ່າ ກ່ອນທີ່ຈະໄດ້ຮັບການປ່ອຍໂຕໃນເດືອນຖັດມາ ຕາມຂໍ້ຮຽກຮ້ອງຂອງລັດຖະບານຍີ່ປຸ່ນ.
ປັດຈຸບັນການປະທ້ວງໃນມຽນມາຍັງຄົງເກີດຂຶ້ນ ແລະ ອາດຈະຮຸນແຮງຂຶ້ນໃນອະນາຄົດ.