ເກີດແຜ່ນດິນໄຫວ 2 ຄັ້ງ ໃກ້ກັບຊາຍແດນຕິດກັບລາວ ໄດ້ກະທົບເຖິງເຂດເສດຖະກິດພິເສດສາມຫຼ່ຽມຄຳ ແຂວງບໍ່ແກ້ວ ແລະແຂວງຫຼວງນ້ຳທາ ລວມທັງເຂດພາກເໜືອຂອງປະເທດໄທ ແລະ ພາກຕະເວັນອອກຂອງມຽນມາ ຕອນທ່ຽງຄືນຂອງມື້ຄືນນີ້.
ອີງຕາມຂໍ້ມູນຈາກກະຊວງພະລັງງານ ແລະ ບໍ່ແຮ່ ໄດ້ລາຍງານວ່າ: ແຜ່ນດິນໄຫວຄັ້ງທຳອິດວັດແທກໄດ້ 5,5 ຣິກເຕີ ແລະ ໄດ້ເກີດຂຶ້ນໃນເວລາປະມານ 23:30 ໂມງຂອງວັນພະຫັດ ວັນທີ 21 ກໍລະກົດ 2022.
ແຜ່ນດິນໄຫວຄັ້ງທີ 2 ວັດແທກໄດ້ 5,2 ຣິກເຕີ ໄດ້ເກີດຂຶ້ນໃນເວລາ 5:20 ໂມງເຊົ້າມື້ນີ້.
ລາຍງານຈາກ ຜູ້ໃຊ້ສື່ສັງຄົມອອນລາຍ ບອກວ່າ ຜົນກະທົບຈາກແຜ່ນດິນໄຫວ ໄດ້ເກີດຂຶ້ນຢູ່ທັງ ແຂວງບໍ່ແກ້ວ ແລະ ແຂວງຫຼວງນ້ຳທາ.